Matthieu 12:2 - UNIMBƆTI NYƆƆBUNDI GBƆŊKU

² Fariisab nín ká mimmee, ní bi bí Yeesu yii: «Kpèè a-boonnooliibi bíi ŋáań min ti-marau kòó ŋwiŋŋuŋfikaa dalee!»

Matthieu 12:2 Iomraidhean Croise

Exode 23:12

«Ní dū iwiin iluu kí tɔ̄ ni-tuuŋŋi, ama ŋwinluluúti dalee, ní taa tɔ̄ báà ditundi diba. Niinee ni-naai nì ni-mammu ń ŋùŋfì, ní ni-jipɔmbi nì ni-tɔntɔnliibi mun ń ŋùŋfì bi-fam ń nàb̄.

Exode 35:2

<A cáá iwiin iluu kí tɔ̄ ditundi, ama ŋwinluluúti dal sá ŋwiŋŋuŋfikaa ní, ŋwiin ŋun a dūu sú man ni-Dindaanee. Un kamaa yaa túń ditundi ŋwiin gbantee, bí kpɔ̀-u.

Esaïe 58:13

«Tí dūú ŋmàntī tin bí nee: Aa tūǹ ditundi diba ŋwiŋŋuŋfikaa dal, kaa bàntī m-circir wiiŋŋu dal. A yíì ŋwiŋŋuŋfikaa yii <Mmɔn wiiŋŋu>, ki yíì ti-Dindaan circir wiiŋŋu yii <tinyool wiiŋŋu>, ki tɔ́-ŋu kaa tūǹ diba, kaa bàntī kaa gbíntí kubɔcaau pu ŋwiin gbanti dal.

Matthieu 12:10

Uninja ubɔ nìn bí niin, u-ŋal fáká, ní bi bālifì Yeesu yii: «Ti-marau pú nsan bí cáaǹ ubunli ŋwiŋŋuŋfikaa dalaaa?» Kun pu ní bi nìn bàlifī-u mimmee di sá bi nìn nyàab̀ nnaakpal kí kɔ́ǹ-u tibɔtin.

Matthieu 12:3

Ní Yeesu kíí-bi yii: «Naa láá pée kàan̄ dalba ŋkùm nín nìn cúú Daafiidi nì u-naacimbi bi ŋá pueeee?

Marc 2:24

Fariisab ká mimmee, ní ki bí-u yii: «Ba pu ní a-boonnooliibi ŋáań min kòó ŋwiŋŋuŋfikaa dalee?»

Luuki 14:3

Ní Yeesu bālifì bimaradakaliibi nì Fariisab yii: «Ti-marau pú nsan tí cáaǹ ubunli ŋwiŋŋuŋfikaa dalaaa, an kaa pú?»

Luuki 23:56

Bi nìn fātìi nín kùǹ, ki dɔ́miń ki bɔ́ntì ikpafi nì talaalub kí dāá cáań kí yàaǹ utaŋkpiil pu, ní ki kāl̀ ŋwiŋŋuŋfikaa, kii bi-marau nín sá puee.

Luuki 6:2

Fariisab biba ká mimmee, ní ki bí-bi yii: «Ba pu ní ni ŋáań min kòóyee ŋwiŋŋuŋfikaa dal?»