Matthieu 12:10 - UNIMBƆTI NYƆƆBUNDI GBƆŊKU

¹⁰ Uninja ubɔ nìn bí niin, u-ŋal fáká, ní bi bālifì Yeesu yii: «Ti-marau pú nsan bí cáaǹ ubunli ŋwiŋŋuŋfikaa dalaaa?» Kun pu ní bi nìn bàlifī-u mimmee di sá bi nìn nyàab̀ nnaakpal kí kɔ́ǹ-u tibɔtin.

Matthieu 12:10 Iomraidhean Croise

Esaïe 32:6

Ugbaan sòoǹ tigbaambɔti ŋma ní, ní u-pɔbilinee, u dàkafī tikpitil ŋma. U tūǹ ntimbiil tuuŋŋi, ní ki sòoǹ ki bíiĺ ti-Dindaan. Waa pūǹ un ŋkùm cááyee ú jī, kaa pūǹ un nnyinnyoo cááyee ú nyɔ̀.

Esaïe 59:13

Ti-Dindaan, ti yīntiǹ-si, ki nyáń a-boon, ti gbēeǹ kaa ti nóó sii ti-Nimbɔtiu. Ti pée sòoǹ min ní ti làá ŋá kí wɔ́b́ bin kíǹee kí já nì see ní. Ti bɔ́ntí ti-pɔbilin kí sòoǹ tinyimɔmbɔti ŋma ní.

Esaïe 59:4

Ubɔ kaa yíì u-juti tibuul ki nóó deedee saŋŋu. Naa dì ibaamɔn kí mɔ̄tì ni-jutiibi pu. Ni máká tin kaa bée pu, ki sòoǹ tinyimɔmbɔti. Ni cáá ikpiti pool ní ki màl̄ nnaabu.

Zacharie 11:17

An sá mbusu ní ki tīī upikpaagbaan un féeń u-picaŋkpuŋkuee! Bí gāā kí tùkutī u-ŋal kí lēē u-nimbil kujaaun! U-ŋal ń fáká ní u-ŋaŋgiinimbil ń kpú.

Matthieu 12:2

Fariisab nín ká mimmee, ní bi bí Yeesu yii: «Kpèè a-boonnooliibi bíi ŋáań min ti-marau kòó ŋwiŋŋuŋfikaa dalee!»

Matthieu 19:3

Niinee Fariisab biba dɔ́miń u-cee kí píĺ-u tibɔti kí kpèè u-nyɔkɔn ní ki bālifì-u yii: «Ti-marau pú nsan yii á jà a-nimpuu báà tin ní u yaa pée ŋéeee?»

Marc 3:2

Fariisab nìn bíi cɔ́ŋkí Yeesu kí kpèè u yaa làá cáaǹ-u ŋwiŋŋuŋfikaa dal, bí ŋmā kí ká nnaakpal kí lì yii u yīntì.

Luuki 11:54

Bi bíi pīil̀-u tibɔti ki là ú sòoǹ kí yìntī bí ká nsan kí cúú-u.

Luuki 13:14

Niinee, an kaa mɔ́ɔkiǹ kukpafidii kpiliu Yeesu nín cáaǹ unimpuee ŋwiŋŋuŋfikaa dalee, ní u tùkū bin kpáfì niinee yii: «Kinyɔŋ poonee iwiin iluu di sá báà ŋma ń dūú tɔ̄ u-tundi. Míǹ puee, dāam̄maan iwiin iluuyee poon bí cáaǹ-ni, án taa nín̄ sá ŋwiŋŋuŋfikaa dal.»

Luuki 20:22

Míǹ puee, á tùkù-ti, ti-marau pú-ti nsan yii tí pà lampoo kí tīī Room gɔminauaaa, an kaa pú?»

Luuki 23:14

ní ki bí-bi yii: «Ni cáań-mi unil nee yii u bíi gáatí binib, ní m bālifì-u ni-kɔkɔ nimbiin tibɔkpitil tin ni bí yii u ŋée, ama man kaa ká báà tiba u-pu.

Luuki 23:2

ní ki bíi mɔ́ntí ki tūntí u-pu yii: «Ti ká kijapaai nee bíi gáatí ti-nib yiliŋ yii bí taa pà lampoo kí tīī gɔminakpaan Seesaar, ní ki bí yii úǹ u-ba sá Meesiya, ubɔti.»

Jean 5:10

Míǹ pu ní Juuda yab kpilib nìn bí uninja un ká dicáaǹdee yii: «Díǹ di sá ŋwiŋŋuŋfikaa dal. Aa cáá nsan kí bùkun̄ a-kampeeku.»

Jean 5:3

Bijɔfub nì bideembi nì bifaliŋfaambi nì bibunliibi tikpil nìn dɔ̄ kadantikub taapu. [Bi nìn cí ŋyunti ŋun Unimbɔti tuuŋŋu làá dāan̄ kí gbàtī nnyimee.

Jean 7:23

Ni nín kaa là kí yìntī Mooyiisi marabee puee, ní ni gífí ŋwiŋŋuŋfikaa dal. Mimmee, ba pu ní ni fōō man pu diŋuul yii m cáaǹ uninja ubɔ weeŋyi kɔkɔ ŋwiŋŋuŋfikaa dal?

Jean 8:6

Bi nìn píĺ Yeesu ki là ú sòoǹ kí kɔ́ bi-bɔtinee, ní bi cáań-u an bɔti. Ní Yeesu bōoǹ ki cáá u-ŋambiki ki ŋmà kitiŋ.

Jean 9:16

Ní bi-kansikin biba bíi lì yii: «U nín kaa nyí ŋwiŋŋuŋfikaa nee, kijapaayee kaa sá Unimbɔti niliu.» Ní biba mun lī yii: «Unikpiti mun ŋūǹ kí ŋá maamaacib yéèee?» An di nìn cáań diyakatil bi-kansikin.