Matthieu 11:11 - UNIMBƆTI NYƆƆBUNDI GBƆŊKU

¹¹ Ibaamɔn ní m sòoǹ, bin kɔkɔ unimpu núuĺ ki màl̄ee kansikinee, ubɔ kaa bí ki jítiǹ Yoowaneesi. Ama un sá kiwaai Unimbɔti Beelinee jítiǹ Yoowaneesi.

Matthieu 11:11 Iomraidhean Croise

Yoob 14:1

Unimpu saaleen di màl̄ unil. U-maŋfal wiiŋyi kaa pée fɔ̀kɔ̀ ní ki cáá agìń.

Yoob 14:4

Ŋma di ŋūǹ kí lēē circir wanti tin kaa bí circiree poon? Báà ubɔ kpá!

Yoob 15:14

Unil sá ba ní ki gà u-bindi yii u bí circir? Ninsaal sá ŋma ní ki dàkafī yii u bí deedee?

Yoob 25:4

Mana ní unil ŋūǹ kí nīn bí deedee Unimbɔti nimbiin? Mana ní nisaal ŋūǹ kí nīn bí circir?

Psaumes 51:5

Di sá yii m nyí m nín yīntiǹ-see, m-kpitii dɔ̄ m-nimbiin ní baabadal.

Esaïe 30:26

Ŋwiin ŋun ti-Dindaan làá dāá póob́ u-nibul buuŋyi kí cáaǹ tiweendi tin bi fōōyee, uŋmal làá dāá nīn wāĺ kii ŋwìińee ní, ní ŋwìiń walifiŋu ń dāá nīn pɔ̄ɔ̄ miluli pu kii iwìiń iluli walifiŋuee.

Zacharie 12:8

Ŋyunti gbantee, ti-Dindaan làá dāá mɔ̄tì Jeerusaleem yab pu. Bi-kansikin bin sá biwɔfibee dāa kíǹ ki pɔ̄ɔ̄ kii Daafiidee, ní Daafiidi dicaŋkun yab dāa bí bi-cee kii Unimbɔtee, kii ti-Dindaan tuuŋŋuee.

Matthieu 11:10

Kun puee Yoowaneesi sá un pu Unimbɔti gbɔŋku poon sòon̄ yii: Unimbɔti bí yii: <M làá tɔ̄ń m-tɔntɔnliu ú lìntīń a-nyɔkɔpu kí bɔ́ntí-si nsan.> Ní Yeesu gíti bí-bi yii:

Matthieu 11:12

Kí yòon̄ ŋyunti ŋun Yoowaneesi un fùul̀ binib Unimbɔti nyimee sòon̄ Unimbɔti bɔti ki dāa sāā díǹee, Unimbɔti Beel dɔ́miń nì mpɔn ní, bin nimbiliŋ máǹ di-puee di kóò.

Matthieu 3:1

Ŋyunti gbantee ní Yoowaneesi un fùul̀ binib Unimbɔti nyimee dɔ́miń ki bíi báakí Unimbɔti bɔti Juudee teekun, yii:

Matthieu 3:11

Man cáá nnyim ní ki fùul̀-ni ki dàkà yii ni bíi kpántí ni-bimbim, ama un làá dāan̄ man boonee làá dāá fàl̀-ni nì Unimbɔti Fam nì ŋŋmi ní. Úǹ cáá mpɔn ki jítiǹ man, maa sàafì kí nīn sá u-yumbuu kí yòon̄ u-naatakaŋ gba.

Matthieu 5:19

An pu ní un di yaa kpītì kimarawaai kiba ní ki dàkà bin kíǹee yii bí nīn ŋáań mimmee, udaan dāa sá kiyaawaai ní Unimbɔti Beelin. Ama un di yaa ŋúb́ marab ní ki dàkà binib bí nīn ŋáań mimmee, udaan dāa sá ukpaan ní Unimbɔti Beelin.

Luuki 1:15

U làá dāá nīn sá unikpaan ti-Dindaan nimbiin. Waa dāa nyù ndaam nì tinyɔkaal tin kɔkɔ pée gbéèyee. U làá dāá gbí Unimbɔti Fam doooo u-na poon ní.

Luuki 7:28

Ní Yeesu gíti bí yii: «Ibaamɔn ní m sòoǹ, bin kɔkɔ unimpu màl̄ee kansikinee, ubɔ kaa bí ki sá ukpaan ki bàn̄ Yoowaneesi. Ama un sá kiwaai Unimbɔti Beelinee jítiǹ Yoowaneesi.»

Luuki 9:48

ní ki bí-bi yii: «Un di yaa fōō kibiyaawaai kii kinee man puee, fōō man m-ba dee, ní un yaa fōō-mee, fōō un túnní-mee mun dee. Di sá yii un yaa sá kiyaawaai ni-kansikinee, úǹ di sá ukpaan.»

Jean 1:15

U-pu ní Yoowaneesi nìn kúuǹ ki lī yii: «Un m nìn lī yii u dòoń man boon ama úǹ jítiǹ mamee, dee! Di sá yii úǹ pée bí ní bi nín màl̄ man.»

Jean 1:27

úǹ di làá dāá dāan̄ man boon. Man kaa kpántì kí gútí u-naatakaŋ ŋmiii gba.»

Jean 10:41

Binib tikpil nìn dòoń u-cee niin, ní ki lì yii: «Yoowaneesi kaa nìn ŋá maamaaci báà ubɔ,

Jean 3:30

An máaǹ úǹ nyooti ń nīn wīintí ní man yati ń nīn bàtī!»

Jean 5:35

Yoowaneesi nìn sá fitila ní ki ŋmíntí nyáka nyaka, ní ni nìn kíí ki nóó u-walifiŋu gbanti ŋyunti ŋubɔ poon, ní an mɔ̄ǹ-ni.

Jean 7:39

Bin fōō Yeesu ki kííyee nín làá fōō Unimbɔti Fam miŋyee pu ní Yeesu nìn bíi sòoǹ nì bi. Ŋyunti gbantee, Unimbɔti Fam kaa láá dɔ́miń kun puee Yeesu kaa nìn dáá fōō u-nyooti.

1 Corinthiens 15:9

Man di sá kiwaai akpambal kansikin. Maa máaǹ bí yíiń-mi Yeesu kpambal báà fiii, kun puee m sāaǹ Unimbɔti nikitil.

1 Corinthiens 6:4

Di sá yii nimbi kansikinee, ni yaa cáá tɔb tibee, bin Kriisitoo nikitil kaa dūu yíiń binibee, bíǹ ní nimbi cāabìń bí nīn sá bibɔsoonliibi.

Ephésiens 2:3

Ti-kɔkɔ mun nìn pée bí míǹ ní dooooyee, ki nóó timbi ti-ba nín là puee ní ki ŋáań min ní ti-pɔbiliŋ nì ti-landɔkɔi fáatèe. Ti nín nìn bí miŋyee, Unimbɔti tafadaaldi nìn dɔ̄ ki cí-ti kii an nín dɔ̄ ki cí bin béeyee puee ní.

Ephésiens 3:8

Unimbɔti yab kɔkɔ kansikinee, man di sá bin sá ŋwaamuee waaki. Nì míǹ kɔkɔee, Unimbɔti pú-mi diyimɔɔl ḿ sòoǹ nì bin kaa sá Juuda yabee Kriisitoo gaajati tin sá tikpaŋkpaandi, kaa cáá dikúntilee bɔti.

2 Timothée 1:10

Kɔŋkɔnnee u nyántì u-ŋanti gbanti mpaampiin pu ŋyunti ŋun ti-Fiiliu Yeesu Kriisitoo dɔ́mińee. Úǹ di dɔ́miń ki kúntì ŋkúm pɔŋŋu, ní ki cáań dimaŋfal din kaa kúntée Tibɔmɔntiil tin u cáańee pu.

Hébreux 11:40

Kun puee Unimbɔti bɔ́ntì tin sá timɔntiilee ki yóoǹ, kaa dá láá dūu tīī-bi ki cíitì ti-kɔkɔ yaa kpáfèe, ú dūú yàkatī-ti.

1 Pierre 1:10

Bibɔnaatiliibi nìn nyàab̄ mmɔntiim kí béé difiil bɔti tiŋan. Bi nìn sòon̄ dipɔl din ni làá fōō nee pu ki síiǹ.

1 Samuel 2:30

An pu ní man ni-Dindaan Isirayeel Nimbɔtiu lī yii: <M nìn pōoǹ yii a-dicaŋkun yab nì a-baa dicaŋkun yab làá nīn pée sá m-saraaŋaliibi ní kí nīn cá jaanjaan. Ama kɔŋkɔnnee, man ni-Dindaan sòon̄ yii an kaa ti sá míǹ. Di sá yii bin tìì-mi jilmee, m tìì-bi jilma ní, bin kpèé-mi fámee, ma mun kpèé-bi fám ní.