Matthieu 11:10 - UNIMBƆTI NYƆƆBUNDI GBƆŊKU

¹⁰ Kun puee Yoowaneesi sá un pu Unimbɔti gbɔŋku poon sòon̄ yii: Unimbɔti bí yii: <M làá tɔ̄ń m-tɔntɔnliu ú lìntīń a-nyɔkɔpu kí bɔ́ntí-si nsan.> Ní Yeesu gíti bí-bi yii:

Matthieu 11:10 Iomraidhean Croise

Esaïe 40:3

Nneel ŋubɔ bíi báakí ki lì yii: «Ní bɔ́ntímaan nsan kuteeun kí tīī ti-Dindaan, ní tàntīmaan nsanjaa kitiŋkuliŋŋin kí tīī ti-Nimbɔtiu.

Malachie 3:1

Kpèè, m làá tɔ̄ń m-tɔntɔnliu. U làá cátí nsan ń dòon̄ m-nimbiin. Dicilpu dicilpu ni-Dindaan un ni nyàab̀ee làá dāan̄ kí kɔ́ u-diikun. Kpèèmaan dipoondi tuuŋŋu ŋun ni kā ki cée. Ŋu dòoń. Ti-Dindaan Mpɔŋkɔdaan di lī míǹ.

Matthieu 11:11

Ibaamɔn ní m sòoǹ, bin kɔkɔ unimpu núuĺ ki màl̄ee kansikinee, ubɔ kaa bí ki jítiǹ Yoowaneesi. Ama un sá kiwaai Unimbɔti Beelinee jítiǹ Yoowaneesi.

Matthieu 11:3

«Sii di sá un ti nyí yii u dòońeeyaaa, tí nīn kā ki cí ubɔ ní?»

Matthieu 3:3

Yoowaneesi pu ní Unimbɔti bɔnaatiliu Yeesaya nìn sòon̄ ki bí yii: «Ubɔ báakí kuteeun yii: Bɔ́ntímaan ti-Dindaan saŋŋu kí tàntīmaan u-sàmbiyaamu kí cīití-u!»

Marc 1:2

Yeesaya Unimbɔti bɔnaatiliu nìn ŋmàn̄ u-gbɔŋku poon ki síiǹ, yii: Unimbɔti bí yii: «M-tuuŋŋu sèé! M túnní-ŋu ŋú lìntīń a-nyɔkɔpu kí dāá ŋāŋkì-si nsan.

Luuki 1:76

Ní sii, kibiki, bi làá dāá nīn yíì-si Yilpu Fɔ́ŋŋŋ Nimbɔtiu bɔnaatiliu ní. Di sá yii sii di làá dāá nīn līī ti-Dindaan nyɔkɔpu kí ŋāŋkì u-saŋŋu,

Jean 1:23

Ní Yoowaneesi kíí-bi yii: «Man di sá un báakí kuteeun yii: <Tɔ̄maan nsan ŋun tèen̄ee kí tīī ti-Dindaan,>» - kii Unimbɔti bɔnaatiliu Yeesaya mun nín nìn lī puee.