Matthieu 11:1 - UNIMBƆTI NYƆƆBUNDI GBƆŊKU

¹ Yeesu nín tīī u-boonnooliibi saalaa nì bilee isansaŋki ki dóòyee, ní u yíkì ki nín nìkì ntimu mun kíǹee ni ki sòoǹ Unimbɔti bɔti ki dàkà binib.

Matthieu 11:1 Iomraidhean Croise

Matthieu 28:20

Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»

Matthieu 4:23

Yeesu nìn yìiǹ Galiilee timmu kɔkɔn ki dàkà akpafidiinni ki sòoǹ tibɔmɔntiil tin sá Unimbɔti Beel bɔtee, ki cāantí bideembi nì bibunliibi kɔkɔ samaa kansikin.

Matthieu 7:28

Yeesu nín sòon̄ ki dàkā samaayee ki dóòyee, ní u-dàkatam gbanti kɔ́-bi tikpil,

Matthieu 9:35

Yeesu nìn yìiǹ ntiŋkpaamu nì ntiŋwaamu poon ki dàkà binib akpafidiinni, ki sòoǹ tibɔmɔntiil tin sá Unimbɔti Beel bɔtee, ki cāantí iween kɔkɔ nì bin kɔkɔ wɔ̀b̄ee.

Marc 6:12

Ní bi búntì ki cūtìi bíi sòoǹ nì binib yii bí kpántí bi-bimbim.

Luuki 23:5

Ní bi yíì, ki mɔ̀tīi sòoǹ mpɔn yii: «U yìiǹ ní ki dàkà ki gáatí binib ń taa nín̄ tɔ́ gɔmina. U kíliń Galiilee ní ki dɔ́miń ki jítì Juudee tiŋki kɔkɔ poon ní ki dāa bāań timbi cee doo.»

Luuki 8:1

Boonee, Yeesu nìn kíǹ ki yìiǹ ntiŋkpaamun nì ntiŋwaamun ní ki sòoǹ tibɔmɔntiil tin sá Unimbɔti Beel bɔtee, ní u-boonnooliibi saalaa nì bilee táá-u.

Jean 15:10

Ni yaa ŋúb́ m-marabee, mimmee, ni bí m-neendin dee, kii ma mun nín ŋúb́ m-Baa marab ki bí u-neendin puee.

Jean 15:14

Ni yaa ŋáań min m bàlifī-nee, mimmee ni kpántì m-bɔɔbi dee.

Actes 1:2

doooo ŋkilkaam áli ki tin sāā ŋwiin ŋun u jɔ́m̀ yilpuee. U-kúm nì u-fìkititam boonee, kí wàatī kí nín jɔ̄m̀ee, u kpáafì akpambal ŋin u nìn lútèe nì Unimbɔti Fam pɔŋŋu.

Actes 10:38

Ni nyí yii Unimbɔti nìn tīiń Yeesu Naasaareeti yɔu u-Fam ki yāntì u cáá mpɔŋkpaan. U nìn cá ajan kɔkɔ ki ŋáań tiŋan ki cāantí bin kɔkɔ Sitaan pɔŋŋu nìn ŋúb́ee, kun puee Unimbɔti nìn bí u-cee.

Actes 10:42

Ní u bí-ti yii tí nīn sòoǹ u-pu samaa cee, kí dàkà-bi yii úǹ Yeesu baba ní Unimbɔti lēē u-bɔsoonliu, ú sòoǹ bin wāĺee nì bin kpíìyee bɔti.

1 Thessaloniciens 4:2

Ni nyí ti nín nìn dàkā-ni tibɔti tin ti-Dindaan Yeesu yindi puee.

2 Thessaloniciens 3:10

Di sá ti nín nìn bí ni-ceeyee, ti nìn tùkū-ni tibɔti tiba yii: «Un kaa là kí tɔ̄ ditundee kaa máaǹ kí jī mun.»

2 Thessaloniciens 3:6

Nnabiyaamu, nì ti-Dindaan Yeesu Kriisitoo yindi puee, ní gàntīmaan nnabiyaamu mun di sá biwutijoodambi kaa là kí ŋá min ní ti dàkà-nee.

1 Timothée 6:14

Á kpèè tibɔti tin m ŋúbiǹ-si nee tiŋan kí taa yìntī. Bí taa ká a-pu tikpitil tiba kí nīn cí ŋyunti ŋun ti-Dindaan Yeesu Kriisitoo làá dāá páannée.