Matthieu 10:6 - UNIMBƆTI NYƆƆBUNDI GBƆŊKU

⁶ Túĺmaan Isirayeel yab bin bí kii ipii in wáŋkèe cee.

Matthieu 10:6 Iomraidhean Croise

Psaumes 119:176

M tú ki yìiǹ kii dipibil din wáŋkèe. Nyàab̀ man a-tɔntɔnliu, di sá yii maa súntì a-marab pu.

Esaïe 53:6

Ti-kɔkɔ nìn tú ki yìiǹ kii ipiiyee, ní báà ŋma túĺ u-saŋŋu. Ama ní ti-Dindaan dū ti-kɔkɔ yìntitam tafadaaldi ki túǹ-u.

Jérémie 50:17

Isirayeel yab nìn bí kii dipibil din wáŋkì ní gbikintib sáń ki jèe ní. Gbikintipeepeekaa un cúú-bi ki ŋmɔ́ee di sá Asuur bɔtiu. Míǹ boonee ní Babiloon bɔtiu Neebukadineesaar mun dɔ́miń ki kɔ́fì bi-kpabiŋ.

Jérémie 50:6

M-nibul yab nìn bí kii ipii in wáŋkèe ní. Bi-kpàaliibi nìn yāntì bi wáŋkì ní ki yāntì bi tú ki yìiǹ ajoon pu. Bi nìn yìiǹ ajoon pu ki póotí ŋgbantamu pu, ní ki súntì bi-naabakati pu.

Ezéchiel 34:16

Upii un wáŋkèe, man m-ba di làá nyàab̀-u. Un búntì ndanee, man di làá fàtīí gíiǹní-u. Un fōō tiweendee, man di làá nyàab̀ ŋŋaabu kí fìn̄-u ní kí tīī un būǹee mpɔn. Ama upii un di bí màlmal ki pɔ̄ɔ̄yee, m làá lēē-u. M làá dū deedee marab ní kí kpòotī m-piii.»

Ezéchiel 34:4

Naa tīī ipii in pɔ̀fèe mpɔn, kaa cáaǹ in būǹee. Naa nyàab̄ ŋŋaabu ki bóob́ un taal gíìyee, kaa gíiǹní un kākatì u-ba ki wāatì kupicaŋkpuŋuee, ní kaa tí nyàab̄ un nìn wáŋkèe. Ama ni dū mpɔn nì nnimbinaakulim ní ki kpōotì-bi.

Ezéchiel 34:6

M-piii kpátìi gbí ajoon kɔkɔ nì ŋgbantamu kɔkɔ pu. I yàl̄ kitiŋ nee kɔkɔ pu ní ubɔ kpá kí nyàab̀-i, ní an kaa ká báà ubɔ mun.

Ezéchiel 34:8

M bí dimaŋfalin! Man ni-Dindaan Unimbɔti nín sòon̄ puee sɔ̀. M-piii kɔ́ binaayub ŋaan. I nín kaa cáá bikpàaliibee puee, ipeecuncuti cúú-i ki tɔ̄ntì. Di sá yii m-pikpàaliibi kaa cūtìi nyàab̄ m-piii. Ama bipikpaaliibi gbanti kpàá bi-ba ní kaa fātìi tɔ́ m-piii.

Matthieu 18:10

«Ní nīn nyíǹ ni-ba kí taa kpèè mbiyaamu nee kansikin kiba fám. M tùkù-ni ibaamɔn ní yii ituun in kpèé-muee bí m-Baa un bí yilpuee nimbiin ŋyunti sá kamaa. [

Matthieu 18:11

Di sá yii man Kinibiki dɔ́miń kí fīī bin nìn wáŋkèe ní.]

Luuki 24:47

An máaǹ yii ní sòoǹ u-pu atimbun kɔkɔ nib cee, kí kíliń Jeerusaleem, yii binib ń kpántí bi-bimbim kí ká bi-kpitii pɔ̄tam.

Actes 13:46

Ní Pɔɔl nì Baarnaabaasi tùkū-bi ibaamɔn, kaa fāŋkì, yii: «An sá nimbi cee ní ti máaǹ kí péé kí sòoǹ Unimbɔti bɔti. Ama, kii ni nín yíì tibɔti gbanti ki dàkafī yii naa máaǹ dimaŋfal din kaa cáá dikúntilee, an puee ti làá nīn kíǹ ki sòoǹ bin kaa sá Juuda yabee cee ní.

Actes 18:6

Ama Juuda yab kaa nìn là min u sòoǹee, ní ki bíi sìí-u. Ní u gbáfì u-bɔkutiŋ, ki bí-bi yii: «Ni-busuu ń gítí ni-pu! Man nyáń ni-bɔtin. Kɔŋkɔnnee m làá nīn cá bin kaa sá Juuda yabee cee.»

Actes 26:20

M nìn kíĺ ki tùkū Damaasi yab ki wāatì, ní boonee ní m tùkū Jeerusaleem yab, ní ki póotì Juudee tiŋki nib kɔkɔ, nì atimbun ŋin kɔkɔ kíǹee yab, yii bí fá bi-kpitii kí gítiń Unimbɔti cee, kí nīn cáá mbimbim min dàkà yii bi lafun kpántì bi-bee.

Actes 3:26

Nimbi pu ní Unimbɔti fīkitì u-tɔntɔnliu Yeesu. U dū-u ki túnní ni-cee mpeepeekaam, ú dāan̄ kí ŋá-ni tiŋan kí nyāntí báà ŋma u-tuŋkpitiŋ poon.»

1 Pierre 2:25

Kun puee dooooyee ni nìn wáŋkì kii ipii in kaa cáá ukpaalee ní. Ama ní kɔŋkɔnnee ni fātìi gítìń un sá upikpaal ki sá un cí ni-nammuee cee.