Matthieu 10:5 - UNIMBƆTI NYƆƆBUNDI GBƆŊKU

⁵ Yeesu nìn tú u-kpambaliŋ saalaa nì alee, ní ki kpáafì-bi yii: «Ní taa cù bin kaa sá Juuda yabee cee, kí taa kɔ́ Samaarii yab timmun.

Matthieu 10:5 Iomraidhean Croise

Matthieu 22:3

ní ki dū u-tɔntɔnliibi ki tú bí cù kí tùkù binib bin u yíińee yii bí dāan̄, ama ní bi yíì kaa dɔ́miń.

Matthieu 4:15

«Sabulɔn nì Neefitalii timmu yab, tiŋku watil pú, Jɔɔdan buŋgbandi lapu, Galiilee tiŋki, laakin bin kaa sá Juuda yabee kóòyee!

Marc 6:7

Ní u kpáfì u-kpambaliŋ saalaa nì alee, ní ki tú-bi bili bili, ní ki tīī-bi mpɔn bí nīn jì arasiniibi,

Luuki 10:1

Boonee ní ti-Dindaan gíti lēē binib imuŋku ita nì saalaa nì bili biba, ki tú-bi bili bili bí lìntī u-nyɔkɔpu kí cù ntimu mun kɔkɔn úǹ u-ba bàà là kí cùee.

Luuki 10:33

Ama usamaariija ubɔ cá nsan ki bāań ki yīkiǹ uninjee, ní ki súń u-saai,

Luuki 17:16

U dɔ́miń ki tātìi dōoǹ Yeesu nimbiin dicincibil ki jáam̀-u. Kijapaayee nìn sá usamaariija ní.

Luuki 9:1

Yeesu yíiń u-kpambaliŋ saalaa nì alee ki kpáfì ki tīī-bi mpɔn bí nīn jì arasiniibi kɔkɔ, kí nīn cāantí bibunliibi.

Luuki 9:2

U nìn tú-bi bí nīn sòoǹ Unimbɔti Beel bɔti kí nīn cāantí bibunliibi.

Jean 17:18

Kii a nín túnní-mi duulinyan puee, míǹ ní ma mun tú-bi duulinyan.

Jean 20:21

Ní Yeesu gíti lī-bi yii: «Ni-pɔbiliŋ ń nīn sɔ̀m̀! Kii m-Baa nín túnní-mi puee, ma mun tú nimbi.»

Jean 4:20

Di sá ti-naanjab nìn jáaḿ Unimbɔti dijool nee pu ní, ní nimbi Juuda yab bí yii Jeerusaleem ní bi máaǹ kí cùú jāam̀ ti-Baa Unimbɔti.»

Jean 4:5

Ní u dūu bàn̄ Samaarii tiŋki kin bi yíì Siikaar, kì pìlīǹ Jaakɔb saaku kun u nìn tīī u-jipɔɔn Jooseefee.

Jean 4:9

Ní unimpuee kíí-u yii: «Sii sá Ujuudaja ní, ba pu ní a mèé man un sá Usamaariinimpuee nnyim?» - Di sá yii Juuda yab nì Samaarii yab kaa nìn kpí. -

Jean 7:35

Niinee ní Juuda yab kpilib bíi bàlifī tɔb yii: «La ní u kalin nín cá ní ki nín tùkù-ti yii taa làá ŋmā kí ká-u ní? Àá, u làá kalin cù Juuda yab bin yàl̄ ki kɔ́ Greeki yab timmunee cee kí dàkà Greeki yab Unimbɔti bɔti ní?

Jean 8:48

Ní Juuda yab kpilib fātìi kíí-u yii: «Ti nín lī yii a sá usamaariija, arasinii mun kā a-puee, an kaa sá ibaamɔnaaa?»

Actes 1:8

Ama Circir Fam làá kpákatiń ni-pu kí tīī-ni mpɔn ŋubɔ. Míǹ boonee, ni làá lēē m-pu seera Jeerusaleem tiŋkin nì Juudee nì Samaarii timmun, kí tin sāā kutagbɔŋu nì kitiŋ kúntinyɔkɔ.»

Actes 10:45

Kriisitoo yab bin sá Juuda yab ki céeǹní Peetrooyee nìn bākatì. Di sá yii Unimbɔti nìn pú bin kaa sá Juuda yabee gba Circir Fam.

Actes 8:1

Sɔɔl úǹ nìn ká yii Eetiyeen lafun máaǹ ŋkúm gbanti. Ŋwiin gbantee, dinimbinaamaŋkpaandi nìn jéetì Kriisitoo nikitil din bí Jeerusaleemee pu. Bi-kɔkɔ yàl̄ ki búntì Juudee nì Samaarii tiŋgbammun, see Yeesu kpambaliŋ baba di nìn kíǹ.

1 Thessaloniciens 2:16

Bi pìintí-ti nsan tí taa sòoǹ nì bin kaa sá Juuda yabee Unimbɔti bɔti tin ŋūǹ kí cáań-bi difiilee. Bi mɔ̀tīi gbēentí bi-kpitii pu ŋyunti kamaa. Ama Unimbɔti fōō bi-pu diŋuul ki dóò.