Matthieu 10:11 - UNIMBƆTI NYƆƆBUNDI GBƆŊKU

¹¹ «Ni yaa bàn̄ ki kɔ́ kitiŋkpaaŋŋin àá kitiŋwaai poonee, nyàab̀maan kí béé un kítì kí fōō-nee. Ni yaa kɔ́ udaan ceeyee, ní kàl̄maan niin kí tin sāā ŋyunti ŋun ni làá dāá yīkì kitiŋ gbantinee.

Matthieu 10:11 Iomraidhean Croise

Yoob 31:32

Maa nìn yàntī unicaan ń dòon̄ mmɔŋki kutaa ń wúntí u-pu, di sá yii m nìn pée fòol̄ binicambi m-dumpu ní.

Matthieu 10:10

Ní taa nyàab̀ tilɔti ni-saŋkindi pu, nì abɔkuti ali, nì anaataka nì ŋkpandɔ, kun puee bin kansikin ni bí ki tūǹ ditundee di máaǹ kí kpèè-ni.

Matthieu 10:12

Ni yaa kɔ́ kudicaŋuee nee, ní péé kí jāam̀-bi, yii: <Unimbɔti ń tīī-ni ŋgbansɔŋfi!>

Marc 6:10

U tùkū-bi yii: «Ni yaa kɔ́ kudii kun nee, nín̄ bímaan niin kí nīn cí daliŋkin ni làá yīkèe.

Luuki 19:7

Bin nìn bí niin ki ká mimmee nìn bíi gbùkum̄ yii: «Uninja nee cūtì ki kɔ́ unikpiti dumpu dee.»

Luuki 9:4

Ni yaa kɔ́ kudicaŋu kun ni ní bi yaa fōō-nee, nín̄ bímaan niin kí tin sāā daliŋkin ni làá yīkèe.

Actes 16:15

Unimpuee yāntì ti fùl̄ u nì u-samaau Unimbɔti nyim. Ní u mēē-ti yii: «Ni yaa lafun nyí yii tiŋman m fōō ti-Dindaan ki kíí, ní dāan̄ kí nīn kóò m-dumpu.» Ní u páb́-ti áli ti lafun cūtì u-dumpu.