Matthieu 10:1 - UNIMBƆTI NYƆƆBUNDI GBƆŊKU

¹ Yeesu yíiń u-boonnooliibi saalaa nì bilee, ní ki tīī-bi mpɔn bí jà arasiniibi kí cáaǹ iween kɔkɔ nì bin wɔ̀b̄ee kɔkɔ.

Matthieu 10:1 Iomraidhean Croise

Matthieu 19:28

Ní Yeesu bí yii: «Ibaamɔn ní m tùkù-ni duulinyapɔɔn un dòońee nee, man Kinibiki yaa láa kāl̀ m-beejal pu nì tinyoolee, nimbi bin nóó-mee mun dāa kàal̀ abeejal saalaa nì ali pu ní kí sòoǹ Isirayeel naakɔti saalaa nì tilee bɔti.

Matthieu 26:20

Kujoou jóotèe, bi nì u kāl̀ ki bíi jīǹ tijin.

Matthieu 26:47

Yeesu kaa láá sòon̄ ki ŋmíl̀, ní u-kpambaliŋ saalaa nì alee kansikin un bi yíì Juudasee bāań u nì kunipaau nóoń ki ŋúbiń njimu nì atambɔn. Bisaraaŋakpilib nì Juuda yab tindaŋkpilib di nìn túnní-bi.

Matthieu 4:23

Yeesu nìn yìiǹ Galiilee timmu kɔkɔn ki dàkà akpafidiinni ki sòoǹ tibɔmɔntiil tin sá Unimbɔti Beel bɔtee, ki cāantí bideembi nì bibunliibi kɔkɔ samaa kansikin.

Matthieu 6:13

Taa pɔ̄ mpaan Sitaan ń kīil̀-ti, ama á nyāntí-ti u-ŋaan. [Kun puee sii di yì dibeel nì mpɔn nì tinyool kí nīn cá jaanjaan. Ameeni>.]

Matthieu 9:35

Yeesu nìn yìiǹ ntiŋkpaamu nì ntiŋwaamu poon ki dàkà binib akpafidiinni, ki sòoǹ tibɔmɔntiil tin sá Unimbɔti Beel bɔtee, ki cāantí iween kɔkɔ nì bin kɔkɔ wɔ̀b̄ee.

Matthieu 9:38

An puee, ní mèèmaan kusaaudaan ú tɔ̄ń bitɔntɔnliibi ń dāá cā!»

Luuki 10:19

M tùkù-ni yii m tīī-ni mpɔn ní tāā ikoobu nì inoom pu kí còom̀ kí nàan̄ Sitaan pɔŋŋu kɔkɔ, tiba kpá kí ŋá-ni tikpitil.

Luuki 21:15

Kun puee mama m-ba di làá dāá tīī-ni iciin nì tibɔti tin ni làá sòoǹ kí líí ni-nannanliibi, bí taa ŋmā kí kpákáǹ-nee.

Luuki 24:49

M làá yàntī Circir Fam min m-Baa nìn pōoǹee ń dāan̄ ni-pu. Ama ní nīn kā Jeerusaleem kitiŋ poon kí nīn cí ŋyunti ŋun Unimbɔti pɔŋŋuee làá kpákatiń ni-puee.»

Luuki 6:13

Kutaa wúntèe ní u yíiń u-boonnooliibi, ní ki lēē bi-kansikin saalaa nì bili bíǹ ń nīn sá u-kpambaliŋ.

Jean 17:2

Kun puee sii di tīī-u mpɔn binib kɔkɔ pu, yii ú tīī bin kɔkɔwoooo a dūu ŋá u-ŋaanee dimaŋfal din kaa cáá dikúntilee.

Jean 3:27

Ní Yoowaneesi kíí-bi yii: «Unil kaa ŋūǹ kí nīn cáá tiba Unimbɔti yaa kaa tīī-u kudɔŋu.

Jean 3:35

Unimbɔti néeń u-Jipɔɔn ki dū tikɔkɔ ki ŋá u-ŋaan.

Jean 6:70

Niinee ní Yeesu bí yii: «Man di kaa nìn lēē-ni binib saalaa nì bilaaa? Ama ni-kansikinee, ubɔ sá Sitaan ní!»

Actes 1:8

Ama Circir Fam làá kpákatiń ni-pu kí tīī-ni mpɔn ŋubɔ. Míǹ boonee, ni làá lēē m-pu seera Jeerusaleem tiŋkin nì Juudee nì Samaarii timmun, kí tin sāā kutagbɔŋu nì kitiŋ kúntinyɔkɔ.»

Actes 19:15

Ní arasiniiyee fātìi kíí-bi yii: «Man nyí Yeesu ki nyí Pɔɔl mun. Kin ni mun fáà, ni sá bilab?»

Apocalypse 12:1

Boonee ní maamaacikpaŋkpaan ubɔ nyáń ki páaǹ kutagbɔŋu pu: unimpu ubɔ pēē ŋwìiń ní ki tɔ́kɔ́ uŋmal pu ní ki cíkí kibeefuulii iŋmalbijaa saalaa nì ili náká ki-pu.