Matthieu 1:2 - UNIMBƆTI NYƆƆBUNDI GBƆŊKU

² Abraam màl̄ Isaaki, ní Isaaki màl̄ Jaakɔb, ní Jaakɔb màl̄ Juuda nì u-nabiyaamu.

Matthieu 1:2 Iomraidhean Croise

Genèse 25:19

Abraam jipɔɔn Isaaki biyaamu mun u màl̄ee bɔti sèé. Abraam màl̄ Isaaki.

Genèse 25:26

Ní Eesayuu naal mun dāa nyánní ki ŋúbiń u-tagbindi ní bi pú-u diyindi yii Jaakɔb. Isaaki nìn cáá abin imuŋku ita ní ki màl̄-bi.

1 Chroniques 1:28

Abraam jipɔmbi di sá Isaaki nì Isimaayeel.

1 Chroniques 1:34

Abraam di màl̄ Isaaki. Isaaki jipɔmbi di sá Eesayuu nì Jaakɔb.

Esaïe 41:8

Ama sii Isirayeel, a sá m-tɔntɔnliu ní, Jaakɔb, a sá dinibul din ní m lēēyee ní, a sá m-bɔɔ Abraam naantiiu ní.

Esaïe 51:2

Ní kpèèmaan ni-baa Abraam, kí kpèè Saara un màl̄-nee. Abraam kaa nìn cáá kibiki ŋyunti ŋun m nìn yíiń-uee. Ama ní m bīiǹ u-boon ki yāntì u kpántì ditimbuŋkpaandi naanja.»

Nombres 1:26

Bi nìn kàan̄ Juuda naakookun yab ki nóó nì bi nín pēē pēē mmaal nì adican puee. Bi nìn ŋmàn̄ bininjab bin kɔkɔ cáá abin mmuŋku kí nīn cáa cá, ki bàn̄ kí cù kujaauee yiŋŋi.

Matthieu 1:1

Yeesu Kriisitoo naanjab yiŋŋi sɔ̀. U nìn sá Daafiidi naantiiu, ní Daafiidi nìn sá Abraam naantiiu.

Matthieu 1:3

Juuda màl̄ Fareesi nì Saara, (bi-na di nìn sá Taamaar). Fareesi màl̄ Eesiroom, ní Eesiroom màl̄ Aram,

Actes 7:8

Niinee Unimbɔti tīī-u digiil marau din sá u-poondi daaŋkuee. Míǹ puee Abraam màl̄ Isaakee, ní ki gíí-u dikpancandi iwiin inii dal, ní Isaaki mun gíí Jaakɔb, ní Jaakɔb gíí ti-naanjab bin sá tinaakɔti saalaa nì tilee.

Hébreux 11:11

Fookii un Saara nìn cáá Unimbɔti puee di yì-tì ní nì min kɔkɔ u nìn púĺ ki jítì mmaal puee, u ŋúń ki màl̄ ki kpántì ditimbundi na, kun puee u nìn fōō ki kíí yii Unimbɔti nín pōoǹ miŋyee, u làá ŋá míǹ.

Hébreux 7:14

Báà ŋma nyí u-pu yii u sá Juuda naakookun ní. Mooyiisi kaa nìn tīī kunaakoou gbanti disaraaŋatundi báà fiii.

Apocalypse 7:5

Bi dáań Juuda naakookun yab binib kutukub saalaa nì bili, ki dáań Rubeen naakookun yab binib kutukub saalaa nì bili, ki dáań Gaadi naakookun yab binib kutukub saalaa nì bili,