Matthieu 1:16 - UNIMBƆTI NYƆƆBUNDI GBƆŊKU

¹⁶ ní Jaakɔb màl̄ Jooseefi un cáá Maarii un màl̄ Yeesu un bi yíì Kriisitooyee.

Matthieu 1:16 Iomraidhean Croise

Matthieu 1:15

ní Eeliyuudi màl̄ Eeleeyasaar, ní Eeleeyasaar màl̄ Maatan, ní Maatan màl̄ Jaakɔb,

Matthieu 16:16

Ní Siimɔn Peetroo kíí-u yii: «Sii di sá Meesiya, ki sá Unimbɔti un bí dimaŋfalinee Jipɔɔn.»

Matthieu 16:20

Yeesu lī míǹ ki dóòyee, ní ki bí u-boonnooliibi yii bí taa pée tùkù báà ubɔ yii úǹ di sá Meesiya.

Matthieu 2:13

Bin nyí iŋmalbijaa bɔtee nín kùǹee, ní Unimbɔti tuuŋŋu dɔ́miń ki tùkū Jooseefi kudamintiiun yii: «Yīkì kí yòon̄ kibiki nì ki-na kí sāǹ kí nīn cá Eejipiti tiŋkin kí kàl̄ niin kí nīn cí ŋyunti ŋun m làá tùkù-si á fàtīí gítińee, kun puee Eeroodi làá nyàab̀ kí kpɔ̀ kibiki nee.»

Matthieu 27:17

Ní Piilati bālifì samaa un nìn kpáfèe yii: «Ŋma ní ni là ḿ gíiǹ kí líí, Baaraabaasaaa, Yeesu un bi yíì yii Kriisitooyee?»

Matthieu 27:22

Ní u fātìi bālifì-bi yii: «Kin, m làá ŋá Yeesu un bi yíì yii Kriisitooyee úǹ mana?» Ní bi-kɔkɔ kíí yii: «Bí kpáá-u ndɔpuntikaa pu!»

Marc 6:3

Ti nyí-uaa! An sá Maarii jipɔɔn kapintaa! U-naalib mun di sá Yakubu nì Joosee nì Juudi nì Siimɔn. U-niisalib mun di kóò ti-kansikin neeyaa!» Ní an yāntì baa ti ŋūǹ kí fōō-u kí kíí.

Luuki 1:27

usapɔɔn un kaa nyí uninja bi yíì-u Maariiyee cee. Usapɔɔnee nìn cáá bɔɔn, bi yíì-u Jooseefi. U nìn sá ubɔti Daafiidi maaliŋun ní.

Luuki 2:48

U-baa nì u-na bāań ki ká-u niinee, ní bi bākatì, ní u-na bí yii: «M-biki, ba ŋá ní a ŋá-ti mimmee! Man nì a-baa nyàab̄-si, ti-nimbiliŋ mántì.»

Luuki 2:7

U nìn màl̄ u-biseemal kibininjabiki ní ki dū iŋaabu ki fìn̄-kì. U nìn dū-kì ki bíl̀ laakin bi ŋáań tiwaŋkuti timool tì ŋmóòyee, kun puee binib nìn gbí kunicandii poon, baa nìn ŋūǹ kí kɔ́ niin.

Luuki 3:23

Yeesu nìn ŋá kii abin mmuŋku nì saalaa ní ki kíĺ u-tundi. Binib nìn nyí-u yii u sá Jooseefi jipɔɔn, ní Jooseefi baa sá Eelii.

Luuki 4:22

Ní báà ŋma kíǹ ki sòoǹ min ŋān̄ee u-pu, ní an ŋá-bi bitii tibɔmɔntiil tin u sòoǹee pu. Ní bi bíi lì yii: «Jooseefi jipɔɔn kaa yáaa?»

Jean 4:25

Ní unimpuee bí-u yii: «M nyí yii Meesiya - an dàkà yii Kriisitoo - làá dāan̄. Úǹ yaa láa bāańee, ní u làá tùkù-ti tikɔkɔ.»