Matthieu 1:12 - UNIMBƆTI NYƆƆBUNDI GBƆŊKU

¹² Bi nín cáá Isirayeel yab ki cūnnì Babiloonee, boonee ní Jeekooniyaasi màl̄ Salatiyeel, ní Salatiyeel màl̄ Sooroobabeel,

Matthieu 1:12 Iomraidhean Croise

2 Rois 24:14

U nìn cúú Jeerusaleem yab kɔkɔ ki cáa cūnnì kuyuŋu. U nìn cúú bikpootiliibi kɔkɔ nì bijanjakpilib kɔkɔ, an dàkà yii binib kutukub saalaa. U nìn cúú ki kpáaǹ iŋal pu tɔntɔnliibi nì bicaabi kɔkɔ. Bin nìn pée kíǹ kitiŋinee di nìn sá biwɔfib.

2 Rois 25:27

Bi nín cúú Juuda bɔtiu Yooyakiin ki cūnnì kuyuŋu abin ata kpá imuŋku ilee ní Eefiil Meerodaki kpántì Babiloon bɔtiu. Dibindi din u kpántì ubɔtee iŋmal saalaa nì ili poon iwiin mmuŋku nì iŋmoo dalee ní u nyántì Juuda bɔtiu Yooyakiin sarkan ki tīī-u dibatɔl.

1 Chroniques 3:17

Jeekooniya un bi nìn cúú ki cūnnì kuyuŋuee jipɔɔn di sá Saltiyeel,

Esdras 3:2

Niinee ní usaraaŋakpil Joosuwa, Yoosadaaki jipɔɔn nì u-nabiyaamu bisaraaŋaliibi nì Saltiyeel jipɔɔn Sooroobabeel nì u-dicaŋkun yab yíkìi kíĺ ki bíi māā Isirayeel yab Nimbɔtiu saraafaŋŋu kí ŋá bisaraawɔkaabi kii Unimbɔti niliu Mooyiisi nín yóoǹ mara yii bí nín ŋáań puee.

Esdras 5:2

Niinee Sooroobabeel jipɔɔn Saltiyeel nì Joosuwa jipɔɔn Yoosadaaki yíkì ki kíĺ ki bíi māā Unimbɔti diiku Jeerusaleem. Unimbɔti bɔnaatiliibi nìn kútì bi-pu ki tútúǹ-bi.

Néhémie 12:1

Bisaraaŋaliibi nì Leefii yab bin nìn nóoń Saltiyeel jipɔɔn Sooroobabeel nì Yeesuwa ki nyánní kuyuŋu ki fātìńee di sá Seeraya nì Yiirmeeya nì Eesiraasi,

Jérémie 22:24

Á sòoǹ nì Yoowakiim jipɔɔn Yeekooniya Juuda bɔtiu yii: «Ti-Dindaan nín sòon̄ puee sèé: <M bí dimaŋfalin, m pūtì yii báà a yaa bàà sá kii kibɔmbiki ki fúuń m-ŋambiki m cáa nyìitī m-daaŋkuee, m làá fúutí-si kí fá.

Jérémie 22:28

Binib bàlifī yii: «Kooniya gbanti kpántì kii disambil din wīī kaa ti bí tibanee, àá tiwan tin kaa ti kèetēe níii? Ba pu ní bi jìn̄-u ki cáań kitiŋ kin poon ní u nì u-biyaamu kaa nyée poon ní?»

Jérémie 22:30

Ti-Dindaan nín sòon̄ puee sèé: «Bí ŋmà Kooniya nee pu kii unil un kaa màl̄ ki kée. U bíil̀ u-maŋfal. U-dicaŋkun ubɔ kaa làá ŋmā kí kàl̄ Daafiidi beejal pu kí kpòotī Juuda tiŋki.»

Jérémie 27:20

Di sá yii Babiloon bɔtiu Neebukadineesaar kaa nìn yōoǹ tiwan kɔkɔ Jeerusaleem ki cūnnì Babiloon tiŋkin ŋyunti ŋun u nìn cúú Yooyakiim jipɔɔn Yeekooniya nì Juuda bɔtiu nì Juuda timmu nì Jeerusaleem tiŋki bɔtibiliŋee.

Aggée 1:1

Daariyusi nín kāl̀ dibeel abin ali iŋmal iluu wimpeepeekaaŋu dalee ní ti-Dindaan sòon̄ nì u-bɔnaatiliu Agaayi. U nìn bí ú tùkù Seeyaltiyeel jipɔɔn Sooroobabeel un sá Juuda yab gɔminauee, nì Yoosadaaki jipɔɔn Joosuwa un sá usaraaŋakpilee yii:

Aggée 1:12

Ní Seeyaltiyeel jipɔɔn Sooroobabeel nì Yoosadaaki jipɔɔn Joosuwa un sá usaraaŋakpilee, nì samaa un kɔkɔ kíǹee pílifì tibɔti tin bi-Dindaan bi-Nimbɔtiu dī u-bɔnaatiliu Agaayi pu ki sòon̄ nì bee. Min Agaayi túń ditundi din ti-Dindaan dūu ŋúbíǹ-uee dee, ní tifaandi kɔ́ samaa kɔkɔ ti-Dindaan nimbiin.

Aggée 1:14

Ní ti-Dindaan fīntì Seeyaltiyeel jipɔɔn Sooroobabeel, Juuda yab gɔminau landɔkɔŋu, nì Yoosadaaki jipɔɔn Joosuwa, usaraaŋakpil landɔkɔŋu nì samaa un kɔkɔ kíǹee landɔkɔi. Bi nìn dɔ́miń ki fātìi kíĺ ki bíi māā ti-Dindaan Mpɔŋkɔdaan un sá bi-Nimbɔtiuee diiku.

Aggée 2:2

U nìn bí ú tùkù Seeyaltiyeel jipɔɔn Sooroobabeel, Juuda yab gɔminau nì Yoosadaaki jipɔɔn Joosuwa usaraaŋakpil, nì samaa un kɔkɔ kíǹee yii:

Aggée 2:23

Ama ŋwiin gbantee, sii Seeyaltiyeel jipɔɔn Sooroobabeel un sá man tɔntɔnliuee, m làá ŋúbíǹ-si ditundi diba, ti-Dindaan nyɔɔbundi dee. M làá dū-si kí ŋá m-jaliiki kin m cáa nyìitī ki dāantí m-wantee, kun puee sii ní man lēē. Man ni-Dindaan Mpɔŋkɔdaan di lī míǹ.»

Matthieu 1:11

Joosiyaasi màl̄ Jeekooniyaasi nì u-nabiyaamu ŋyunti ŋun bi cúú Isirayeel yab ki cūnnì Babiloonee.

Matthieu 1:13

ní Sooroobabeel màl̄ Abiyuudi, ní Abiyuudi màl̄ Eeliyaakiim, ní Eeliyaakiim màl̄ Asɔɔr,

Matthieu 1:17

Kí yòon̄ Abraam yuntiŋu kí dāá sāā Daafiidi yuntiŋuee, anaantitɔntɔkɔ nìn sá diba kpá saalku ní, ní kí tí yòon̄ Daafiidi yuntiŋu kí dāá sāā ŋyunti ŋun bi cúú Isirayeel yab ki cūnnì Babiloonee muee, anaantitɔntɔkɔ nìn sá diba kpá saalku, ní kí yòon̄ ŋyunti gbanti kí dāá sāā Kriisitoo màaltam muee, anaantitɔntɔkɔ mun sá diba kpá saalku.

Luuki 3:27

ní Jooda baa sá Joowana, ní Joowana baa sá Reesa, ní Reesa baa sá Sooroobabeel, ní Sooroobabeel baa sá Salatiyeel, ní Salatiyeel baa sá Neerii,