Matthieu 1:11 - UNIMBƆTI NYƆƆBUNDI GBƆŊKU

¹¹ Joosiyaasi màl̄ Jeekooniyaasi nì u-nabiyaamu ŋyunti ŋun bi cúú Isirayeel yab ki cūnnì Babiloonee.

Matthieu 1:11 Iomraidhean Croise

2 Rois 23:31

Joowakaasi nìn cáá abin mmuŋku nì ata ní ki kpántì ubɔti. U nìn kóò Jeerusaleem ní ki jíń dibeel iŋmal ita. U-na nìn sá Liibina tiŋkin, Irimeeya bisal ní bi yíì-u yii Amutaal.

2 Rois 24:14

U nìn cúú Jeerusaleem yab kɔkɔ ki cáa cūnnì kuyuŋu. U nìn cúú bikpootiliibi kɔkɔ nì bijanjakpilib kɔkɔ, an dàkà yii binib kutukub saalaa. U nìn cúú ki kpáaǹ iŋal pu tɔntɔnliibi nì bicaabi kɔkɔ. Bin nìn pée kíǹ kitiŋinee di nìn sá biwɔfib.

2 Rois 25:11

Neebusaradan nìn cúú bin kɔkɔ nìn kíǹ ki gbíntìi bí Jeerusaleem tiŋkinee, an dàkà yii bin nìn sáǹ ki kɔ́ Babiloon yabee nì bin kɔkɔ nìn pée kíǹ ki bí niinee.

2 Chroniques 36:10

Dibindi cá kí kúntée ní Neebukadineesaar tú u-janjaliibi bí cùú cúuń Yooyakiin, kí kpáaǹ tiwammɔntiil tin bí kunimbɔtidiinee Babiloon tiŋkin. U nìn dū u-nabiki Seedeesiyasi ki kāaǹ ubɔti Juuda nì Jeerusaleem.

2 Chroniques 36:20

Babiloon bɔtiu nìn yōoǹ bin nìn kíǹ kaa kpíìyee ki cūnnì Babiloon ní bi kpántì úǹ nì u-jipɔmbi yumbui ki cáa sāā ŋyunti ŋun ní Peeriisi yab fōō dibeelee.

Esaïe 13:1

Tibɔti tin ti-Dindaan sòon̄ Babiloon tiŋki pu ní Amɔtisi jipɔɔn Yeesaya ká dileedakal poonee sèé.

Jérémie 27:20

Di sá yii Babiloon bɔtiu Neebukadineesaar kaa nìn yōoǹ tiwan kɔkɔ Jeerusaleem ki cūnnì Babiloon tiŋkin ŋyunti ŋun u nìn cúú Yooyakiim jipɔɔn Yeekooniya nì Juuda bɔtiu nì Juuda timmu nì Jeerusaleem tiŋki bɔtibiliŋee.

Jérémie 39:9

Bijanjaliibi bin cí ubɔtee kpiliu Neebusaradan nìn cúú binib bin nìn kíǹ ki kā Jeerusaleem tiŋkinee ki cūnnì Babiloon tiŋkin kuyuŋu. U nìn cáá bin nìn dū bi-ba ki tīī Babiloon bɔtiuee nì ŋŋal pu tɔntɔnliibi bin kíǹee ki cūnnì.

Daniel (hébreu) 1:2

Ti-Dindaan nìn yāntì Neebukadineesaar janjaliibi jáń ki pɔ́ɔkiǹ Yooyakiim yab ní ki yāntì bi kóoǹ kunimbɔtidii poon wanti dijandi diba. U nìn cúú binib biba ki cáa cūnnì Babiloon tiŋkin kuyuŋu ní ki dū tiwan tin u yōoǹ kunimbɔtidiinee ki síiǹ u-waadiikun, laakin bi kpáafí u-waaŋi gaajawantee.

Matthieu 1:12

Bi nín cáá Isirayeel yab ki cūnnì Babiloonee, boonee ní Jeekooniyaasi màl̄ Salatiyeel, ní Salatiyeel màl̄ Sooroobabeel,

Matthieu 1:17

Kí yòon̄ Abraam yuntiŋu kí dāá sāā Daafiidi yuntiŋuee, anaantitɔntɔkɔ nìn sá diba kpá saalku ní, ní kí tí yòon̄ Daafiidi yuntiŋu kí dāá sāā ŋyunti ŋun bi cúú Isirayeel yab ki cūnnì Babiloonee muee, anaantitɔntɔkɔ nìn sá diba kpá saalku, ní kí yòon̄ ŋyunti gbanti kí dāá sāā Kriisitoo màaltam muee, anaantitɔntɔkɔ mun sá diba kpá saalku.