Matthieu 1:1 - UNIMBƆTI NYƆƆBUNDI GBƆŊKU

¹ Yeesu Kriisitoo naanjab yiŋŋi sɔ̀. U nìn sá Daafiidi naantiiu, ní Daafiidi nìn sá Abraam naantiiu.

Matthieu 1:1 Iomraidhean Croise

Genèse 12:3

Bin yaa ŋá-si tiŋanee, m làá ŋá bidambi tiŋan, bin yaa tɔ́-si mbusuee, m làá tɔ̄-bi mbusu. A-puee, m làá ŋá kitiŋ pu nibuliŋ kɔkɔ tiŋan.»

Genèse 2:4

Kutagbɔŋu nì kitiŋ náantam nín kíĺ puee dee. Ŋyunti ŋun ti-Dindaan Unimbɔti nyántì kitiŋ nì kutagbɔŋuee,

Genèse 22:18

A-maaliŋu pu ní m làá dāá dī kí bìin̄ kitiŋ pu timbuŋŋi kɔkɔ nib boon, kun puee a pílifì m-nyɔkɔ.>»

Genèse 5:1

Adam maaliŋu bɔti sɔ̀. Ŋwiin ŋun Unimbɔti náań unilee, u nìn náań-u ki nántiǹ úǹ u-ba ní.

Psaumes 132:11

Ti-Dindaan nìn pōoǹ Daafiidi dipoondi nee. Ibaamɔn pu u kpá kí nyā dipoondi gbanti boon: «A-naantiibi kansikin ubɔ ní m làá dāá lēē kí kàan̄ a-beejal pu.

Psaumes 89:3

Di sá m lī yii: «A-ŋanti bí ní baabadal, a dū a-baamɔŋyi ki ŋá yilpu ní.»

Psaumes 89:36

M pūtì m-circir yindi dibaba ja yii maa làá mɔ̄ntì Daafiidi nnyimɔn.

Esaïe 11:1

Disubambil diba làá dāá kpìtī Jeesee sunyeel pu, disupɔmbil diba làá cɔ́tí u-nyaaŋyi pu.

Esaïe 53:8

Bi nìn cúú-u mpɔn, ki sòon̄ u-bɔti, ki cáá-u ki búntì. U-yuntiŋu yab ŋma di nìn súń u-pu? Bi lēē u-maŋfal binifoobi tiŋkin. Bi gbáń-u u fōō tiweendi u-nibul yìntitam pu.

Jérémie 23:5

Ti-Dindaan bí yii: «Iwiin bí ki dòoń m làá yàntī bí màal̀ Daafiidi jipɔɔn tiŋman pu yɔu. U làá dū dinyil ní kí jī dibeel. U làá yàntī bí nīn tɔ́ mbaamɔn saŋŋu nì tin bí deedeeyee kitiŋ nee pu.

Jérémie 33:26

Mimmee m ŋūǹ kí dū Jaakɔb dicaŋkun yab nì m-tɔntɔnliu Daafiidi maaliŋun yab kí fáaa? M ŋūǹ kí yíí kí taa lēē bin làá nīn kpòotī Abraam nì Isaaki nì Jaakɔb nibuleeee? «Aayee, kpataaa! M làá sɔ̄ bi-saai ní kí fàtīí yàntī án bútí-bi.»

Amos 9:11

«Ŋwiin gbantee m làá dāá yòon̄ Daafiidi bìŋ́ku kun bíi lítée kí yóoń, ní kí ŋéeb́ ku-digbuŋweeŋyi kɔkɔ, kí mā ku-guŋŋi ŋin lítì ki dɔ̄ee, dí fàtīí gítí di nín nìn bí puee.

Zacharie 12:8

Ŋyunti gbantee, ti-Dindaan làá dāá mɔ̄tì Jeerusaleem yab pu. Bi-kansikin bin sá biwɔfibee dāa kíǹ ki pɔ̄ɔ̄ kii Daafiidee, ní Daafiidi dicaŋkun yab dāa bí bi-cee kii Unimbɔtee, kii ti-Dindaan tuuŋŋuee.

Matthieu 1:18

Bi nín màl̄ Yeesu Kriisitoo puee sɔ̀. U-na Maarii nìn sá Jooseefi bɔɔn ní. Kí wàatī bí nín cáá tɔbee, Unimbɔti Fam pɔŋŋu yāntì Maarii cáá dipool.

Matthieu 1:2

Abraam màl̄ Isaaki, ní Isaaki màl̄ Jaakɔb, ní Jaakɔb màl̄ Juuda nì u-nabiyaamu.

Matthieu 15:22

Ukanaannimpu ubɔ nìn nyánní niin pú ki dɔ́miń ní ki fáá mbiil yii: «Ukpil, Daafiidi naantiiu, sɔ̄ m-saai! Di sá arasinii ubɔ kā m-bisal pu ki páb́-u ŋkpitim pu.»

Matthieu 3:16

Ŋyunti ŋun Yoowaneesi fùl̄-u ki dóò, u bíi nyēeń nnyiminee, kpalaayee ní kutagbɔŋu cúu pīitì, ní u wál̀ Unimbɔti Fam kpákatìń u-pu ki bí kii dibeenanjilee.

Matthieu 9:27

Yeesu nyáń niin ki búntèe, ní bijɔfub bili páaǹ u-boon ki tátí yii: «Daafiidi naantiiu, sɔ̄ ti-saai!»

Luuki 1:33

Úǹ di làá nīn sá Isirayeel yab bɔtiu kí nīn cá jaanjaan ní u-beel kaa dāa cáá dikúntil.»

Jean 7:42

Ama Unimbɔti gbɔŋku tùkù-ti yii Meesiya làá dāá nīn sá Daafiidi maaliŋun, ní ki sá Beetileem, kitiŋ kin ni Daafiidi nìn sée.»

Actes 2:30

Daafiidi nìn sá Unimbɔti bɔnaatiliu ní. U nìn nyí Unimbɔti nín pūtì ki pōoǹ-u yii u làá dū úǹ Daafiidi naantiiu ubɔ kí kàan̄ u-beejal puee.

Romains 1:3

U-Jipɔɔn, ti-Dindaan Yeesu Kriisitoo pu ní tibɔtee sòoǹ. Ti yaa làá kpèè tinitanee, u nyánní ubɔti Daafiidi maaliŋu poon ní.

Romains 4:13

Unimbɔti nìn pōoǹ Abraam nì u-naantiibi yii u làá dāá dū duulinya kí tīī-bi. An kaa sá Abraam nín nìn nóó marabee pu ní u nìn pōoǹ-u míǹ, ama an sá u nín nìn fōō Unimbɔti ki kíí Unimbɔti yíì-u deedeedaanee pu.

Romains 9:5

Bi-naanjab sá Jaakɔb jipɔmbi saalaa nì bilee ní. A yaa kpēē tinitanee, Kriisitoo mun sá bi-maaliŋu poon, Kriisitoo un di tɔ́kɔ́ tikɔkɔ nì tikɔkɔ pu ki sá Unimbɔti un máaǹ inyɔŋki baabadal kí nīn pée cá jaanjaanee! Ameeni.

Galates 3:16

Ní tin tin Unimbɔti nìn pōoǹ Abraamee, u nìn pōoǹ ki tīī u nì u-maaliŋu ní. Unimbɔti gbɔŋku poon kaa ŋmàn̄ yii, u nìn pōoǹ ki tīī Abraam biyaamu kupaau. U pée lī yii, u-maaliŋu, an dàkà yii u-maaliŋu poon unibaanti. Úǹ di sá Kriisitooyee.

1 Timothée 2:5

Di sá yii Unimbɔti sá ubaanti, ní ugbaamil un yú timbi binib nì Unimbɔti kansikinee mun sá ubaanti, úǹ di sá Yeesu Kriisitoo un kpántì unilee.

2 Timothée 2:8

Á téetí Yeesu Kriisitoo un fīkitì ditaŋkpiilinee pu. U sá Daafiidi naantiiu kii Tibɔmɔntiil tin m sòoǹee nín tùkū-ti puee ní.

Apocalypse 22:16

«Man Yeesu di túnní m-tuuŋŋu ŋú sòoǹ an bɔti m-nikitiŋ kansikin kí tùkù-ni. M sá Daafiidi naakookun ní, ki sá utaafaaŋmalbija un jìl̀ee.»