Marc 9:3 - UNIMBƆTI NYƆƆBUNDI GBƆŊKU

³ ní u-wampeeŋkaati píil̀ káŋkaŋ ki kíǹ ki jìl̀ pàlpal. Unil báà ubɔ kitiŋ nee pu kaa ŋūǹ kí fíntí tiwan tí pīil̀ kii u-wanti nín nìn pīiǹ puee.

Marc 9:3 Iomraidhean Croise

Psaumes 51:7

Tiŋman, ikpitin ní bi màl̄-mi, m-na nín cáá m-poolee, m sá unikpiti ní.

Psaumes 68:14

Ni dáá gbíntìi dɔ̄ kunaabakaunaaa? Animbil kúti náká náká dibeenanjil feeŋyi pu, ní sindaariyasoon náká náká di-kuti pu.

Esaïe 1:18

Ti-Dindaan bí yii: «Ní dāam̄maan tí sòoǹ kí gbìlīǹ tɔb. Báà ni-kpitii yaa yāntìi máǹ cíncinciŋ kii fatikuee, i làá pīil̀ káŋkaŋkaŋ kii ntaayimee. Báà i yaa máǹ kii ŋwɔmee, i làá pīil̀ kii upipiin kutee ní.

Daniel (hébreu) 7:9

«M bíi kpèé ŋyunti ŋun bi bíi sīintí abeejalee ní utikpil ubɔ dɔ́miń ki kāl̀ abeejalee diba pu. U-wampeeŋkaati nìn pīiǹ káŋkaŋ ní u-yikpiti mun pīiǹ kii ipii kuti tin bi fíntèe. U-beejal nìn sá aŋmilimbil ŋma ní, ní ki nìn cáá ataa. Ataa gbanti mun nìn sá ŋŋmi ŋma ní.

Matthieu 28:3

U nìn jìl̀ kii ntaaŋmɔŋmɔee, ní u-wampeeŋkaati pīiǹ káŋkaŋ.

Marc 9:4

Niinee ní akpambal atee kpēēyee, Eelii nì Mooyiisi di sí bi nì Yeesu sòoǹee.

Luuki 9:29

Ŋyunti ŋun u bíi mèéyee ní u-nimbiin cúu kpántì, ní u-bɔkutil píil̀ káŋkaŋ ní ki jìliŋkī.

Actes 10:30

Ní Kɔɔrneeyi kíí-u yii: «Iwiin inaa sèé, tikúti tita, ŋyunti ŋun bí nee deedee, m bíi mèé m-dumpu. M kpēēyee, uninja ubɔ dee ki pēē dibɔkutil diba di jìl̀, ki yú m-nimbiin,

Apocalypse 19:18

Ní dāan̄ kí jī bibɔtiibi nì bisoojakpilib nì bipɔndambi wunnanti nì itaamu nì bin kā-iee wunnanti, nì binib kɔkɔ wunnanti, bin yì bi-bee nì iyumbu, binikpaambi nì biwaabi.»

Apocalypse 7:14

Ní m kíí-u yii: «M-Dindaan, sii di nyí-bi.» Ní u fātì ki bí-mi yii: «Bin nyánní falaakpaŋkpaan poonee dee. Bíǹ di fíntì bi-bɔkutiŋ ki dū-ŋi ki ŋá Dipibil fatikuun ŋi píil̀ káŋkaŋ.

Apocalypse 7:9

Míǹ boonee, m kpēēyee, ní ki ká nnibiim tikpil tikpil, ubɔ kaa ŋūǹ kí kàaǹ-mì. An nìn sá anibul kɔkɔ nì atimbun kɔkɔ nib nì ntimu kɔkɔ nib nì isoon kɔkɔ nib. Bi nìn yú dibeejal nì Dipibil nimbiin ki pēē abɔkutipiin káŋkaŋ ki ŋúb́ tikpakpati bi-ŋaan.