Marc 6:3 - UNIMBƆTI NYƆƆBUNDI GBƆŊKU

³ Ti nyí-uaa! An sá Maarii jipɔɔn kapintaa! U-naalib mun di sá Yakubu nì Joosee nì Juudi nì Siimɔn. U-niisalib mun di kóò ti-kansikin neeyaa!» Ní an yāntì baa ti ŋūǹ kí fōō-u kí kíí.

Marc 6:3 Iomraidhean Croise

Esaïe 49:7

Ti-Dindaan Ufiil, Isirayeel Circir Nimbɔtiu nín sòon̄ puee sèé. Sii un ní bi kpèé fámee, sii un báà ubɔ kaa là kí wāl̀ee, sii un sá biwɔ́biliibi yumbuuee, u bí-si yii: «Bibɔtiibi yaa láa wál̀-see, bi làá dāá yīkì bi-beejaliŋ pu kí yūĺ. Abɔtibil yaa láa ká a páaǹnée, bi làá dāá gbàan̄ a-nimbiin ní. Ti-Dindaan un sá deedeedaanee pu, Isirayeel Circir Nimbɔtiu un lēē-see pu ní bi làá dāá ŋá míǹ.»

Matthieu 11:6

Unil un fōō-mi ki kíí kaa gùgufēe bí mmɔnneeee!»

Matthieu 12:46

Ŋyunti ŋun Yeesu dáá bíi sòoǹ nì kunipaauee, ní u-na nì u-naalib bāań ki yú mmɔŋki ki bàà nyàab̀ kí sòoǹ nì u.

Marc 15:40

Binimpoobi biba mun nìn sí kudandaŋu ki kpèé. Maarii un nyánní Magidalaa tiŋkinee, nì Saloomee nì Maarii un sá Yakubuwaai nì Joosee nee, mun nìn bí bi-kansikin.

Marc 3:18

Bin kíǹee di sá Andree nì Fiiliipi nì Baateeleemii nì Maatiiu nì Toomasi, nì Yakubu Alfee jipɔɔn, nì Tadee nì Siimɔn un nìn là kí já nì Room yabee,

Luuki 2:34

Ní Simeeyɔn mēē Unimbɔti ń bìin̄ bi-pu. U mēē ki dóòyee, ní ki bí Maarii yii: «Kpèè, Unimbɔti lēē kibiki nee. Ki-puee Isirayeel yab tikpil làá lítí ní tikpil mun ń yīkì. Úǹ di làá dāá nīn sá Unimbɔti daaŋku kun binib làá dāá kpákaǹee,

Luuki 7:23

Un fōō-mi ki kíí kaa gùgufēe bí mmɔnneeee!»

Luuki 8:20

Ní bi tùkū Yeesu yii: «A-na nì a-naalib yú mmɔŋki ki là kí ká-si.»

Jean 14:22

Ní Juudi - an kaa nín sá Juudasi Isikaariyɔti - bí-u yii: «Ti-Dindaan, mana ní a làá ŋá ní kí nyāntí a-ba kí dàkà timbi, ní kí taa dàkà duulinya nib?»

Jean 6:42

ki lì yii: «An kaa sá Yeesu, Jooseefi jipɔɔn un timbi nyí u-baa nì u-neeee? Kin an ŋá mana ní u gíti lì yii úǹ di nyánní yilpu ní?»

Actes 1:13

Bi bāań niinee, ki jɔ́m̀ diditɔntɔkɔl din ni bi nìn pée kpààa kpáfée. An nìn sá Peetroo nì Yoowaneesi nì Yakubu nì Andree nì Fiiliipi nì Toomasi nì Baateeleemii nì Maatiiu nì Yakubu Alfee jipɔɔn nì Siimɔn un nìn là kí jáǹ Room yabee, nì Yakubu jipɔɔn Juudi.

Actes 12:17

Ní Peetroo dū u-ŋal ki téefì-bi yii bí ŋmīĺee, ní u máafì-bi Unimbɔti nín nyántì-u kusarkadiin puee. Ní u bí-bi yii: «Cùú tùkùmaan Yakubu nì nnabiyaamu mun kíǹee.» Ní u nyáń ki búntì laaba mun.

1 Corinthiens 1:23

Ama ní timbee, Kriisitoo un bi kpáá ndɔpuntikaa puee bɔti ní ti sòoǹ. An bɔtee di làkantí Juuda yab, ní ki sá bin kaa sá Juuda yabee cee tiwaatibɔti.

1 Corinthiens 9:4

Man kaa cáá nsan kí jī kí nyɔ̀ m-tundi puɔɔɔ?

Galates 1:19

Maa ti ká Yeesu kpambal diba ki kútì see Yakubu, ti-Dindaan naal.

1 Pierre 2:4

Sútiń kí pìl̄maan ti-Dindaan Yeesu un tìì dimaŋfalee. U sá kii ditaŋkpal din bí dimaŋfalin ní binib dūu fée, ama Unimbɔti ká yii dì cáá kudapɔɔuee ní u lēē-dì.

Jude 1:1

Man Juudi, Yakubu naal un sá Yeesu Kriisitoo tɔntɔnliuee di ŋmàn̄ kugbɔŋu nee. M ŋmàn̄-ku ki tīī nimbi bin ti-Baa Unimbɔti yíiń ki néeń-ni ki dū-ni ki kpáafì ki yóoǹ Yeesu Kriisitooyee ní.