Marc 4:3 - UNIMBƆTI NYƆƆBUNDI GBƆŊKU

³ «Pīlifìmaan! Uwaŋyaanli ubɔ nyáń kí yàaǹ u-wamboolii.

Marc 4:3 Iomraidhean Croise

Psaumes 34:11

Tijin ŋūǹ kí lóó digbikintipɔmbil ŋkùm ń cúú-dì, ama tiba kaa lóotí bin nyàab̀ ti-Dindaanee.

Psaumes 45:10

Ubɔti sapɔmbi bí ki ŋúb́ a-wanleeŋkaati, ní ubɔti nimpuu yú a-ŋaŋgiil pú ki lá sindaariyamɔnti wanléeŋkaati.

Proverbes 7:24

Kɔŋkɔnnee, m-biyaamu, pīlifìmaan-mi ní kí kpòon̄ ni-tafal tiŋan kí pīlifì anyɔɔbun ŋin nyēē m-nyɔkɔnee.

Proverbes 8:32

«Kɔŋkɔnnee, m-biyaamu, pīlifìmaan-mi, bin fōō m-saŋkiiyee bí mmɔnneeee!

Ecclésiaste 11:6

An puee á kíĺ kutaafaau kí kpɔ̀ kí bɔ̄l̀ a-wamboolii kí tɔ̄ ditundi kí jóotí-ku. Di sá yii aa nyí a-tuuŋŋi kansikin din làá bútí-see. An yaa yíì a ŋūǹ kí páatí a-tuuŋŋi kɔkɔ pu.

Esaïe 46:12

Ní pīlifìmaan-mi, bipɔɔgbifindambi, nimbi bin dátiǹ difiilee.

Esaïe 46:3

Pīlifìmaan-mi, Jaakɔb naantiibi, nimbi bin kíǹ Isirayeel nibul poonee, nimbi bin ní m ŋúb́ doooo ni-na poonee, nimbi bin m ŋúb́ doooo ŋyunti ŋun bi màl̄-nee.

Matthieu 13:24

Ní Yeesu gíti dū tibɔŋmantikaal nee ki sòon̄ nì bi yii: «Unimbɔti Beel náań nì uninja ubɔ un búĺ iwamboomɔnti u-kpaabunee ní.

Matthieu 13:26

Ŋyunti ŋun idi nyáń ki lòon̄ee, ní ukeenja mun nyáń.

Matthieu 13:3

Ní u cáá tibɔŋmantikaal ki sòoǹ nì bi tibɔti tikpil, ní ki bí yii: «Uninja ubɔ di nyáń kí yàaǹ iwambool.

Marc 4:14

An sá Unimbɔti nyɔɔbundi ní uwaŋyaanlee bí ki yàantí.

Marc 4:2

U nìn cáá tibɔŋmantikaal tikpil ki sòoǹ nì bi tibɔti ní ki dàkà-bi ki bí-bi yii:

Marc 4:23

Sii un cáá ditafalee ń gbìl̄!»

Marc 4:4

U bíi yàantée ní iba lítì nsan pu, ní ilunlukuti dɔ́miń ki dūu jíń.

Marc 4:9

Ní u gíti kútì ki lī yii: «Sii un yaa cáá ditafalee ń gbìl̄!»

Actes 2:14

Niinee ní Peetroo yáatìi yúl̀, u nì akpambal saalaa nì dibee, ní ki yōoǹ dinyɔɔbundi ki téeń mpɔn ki bí-bi yii: «Nimbi Juuda yab, nì nimbi bin kɔkɔ kóò Jeerusaleemee, ŋátímaan ni-tafaliŋ kí pīlifì tibɔti tin m làá sòoǹ nee.

Deutéronome 4:1

Kɔŋkɔnnee Isirayeel yab, pīlifìmaan abɔkpaa nì akoobil ŋin mama m-ba bíi cáa dàkà-ni nee kí ŋá ŋi nín bí yii ní ŋá puee. Ni yaa ŋá mimmee, ni làá nīn bí dimaŋfalin ní kí kɔ́ kí fōō kitiŋ kin ní ti-Dindaan, ni-baabi Nimbɔtiu làá dūú tīī-ni nee.

Jacques 2:5

M-nabineeŋkaamu, ní pīlifìmaan: Unimbɔti lútì duulinya nee poon bisoodambi bí fōō Yeesu Kriisitoo kí kíí, ní kí ká tigaajamɔntiil kí kɔ́ Unimbɔti Beel din u pōoǹ ki yóoǹ bin néeń-uee ni.

Apocalypse 2:11

«Un yaa cáá ditafalee ń pīlifì Unimbɔti Fam nín sòoǹ nì Kriisitoo nikitiŋ puee. «Un yaa jáń ki jíńee, ŋkúnliliitiim kaa dāa gíti gbèetī udaan.»

Apocalypse 2:29

«Un yaa cáá ditafalee ń pīlifì Unimbɔti Fam nín sòoǹ nì Kriisitoo nikitiŋ puee.»

Apocalypse 2:7

«Un yaa cáá ditafalee ń pīlifì Circir Fam nín bíi sòoǹ nì Kriisitoo nikitiŋ puee. «Un yaa jáń ki jíńee, m làá tīī-u dimaŋfal subu bun yú Unimbɔti kpaabunee bil ú ŋmɔ́.»