Marc 3:3 - UNIMBƆTI NYƆƆBUNDI GBƆŊKU

³ Ní Yeesu bí unil un ŋal fákée yii: «Yīkì kí sīĺ ti-kansikin báà ŋma nimbiin.»

Marc 3:3 Iomraidhean Croise

Esaïe 42:4

Waa làá dāá wɔ̀b̄, u-wunti mun kaa làá dāá yɔ̀tī kí cáá sāā ŋyunti ŋun ní u làá dāá yóoń kitiŋ pu tibɔti nín dɔ̄ nsan puee. Ntimu mun nnyim māntìi túee dāa kā ki cí kí fōō u-marab.»

Daniel (hébreu) 6:10

Niinee ní ubɔti Daariyusi nyīī maree pu ŋŋal.

Matthieu 12:10

Uninja ubɔ nìn bí niin, u-ŋal fáká, ní bi bālifì Yeesu yii: «Ti-marau pú nsan bí cáaǹ ubunli ŋwiŋŋuŋfikaa dalaaa?» Kun pu ní bi nìn bàlifī-u mimmee di sá bi nìn nyàab̀ nnaakpal kí kɔ́ǹ-u tibɔtin.

Marc 3:2

Fariisab nìn bíi cɔ́ŋkí Yeesu kí kpèè u yaa làá cáaǹ-u ŋwiŋŋuŋfikaa dal, bí ŋmā kí ká nnaakpal kí lì yii u yīntì.

Marc 3:4

Ní u bālifì-bi yii: «Ti-marau pú nsan tí ŋá tiŋan ŋwiŋŋuŋfikaa dalaaa, tí ŋá tikpitil ní? An pú nsan yii tí fīī unil naaa, tí kpɔ̀-u ní?» Ní bi ŋmí.

Luuki 6:8

Ama Yeesu nyí bi-landɔkɔi, ní ki bí un ŋal fákée yii: «Yīkì kí sīĺ binib kansikin,» ní u yáatìi yúl̀ bi-kansikin.

Jean 9:4

Ŋwìiń nín dáá bí pu nee, tí tɔ̄ un túnní-mee tundi, kun puee kunyeeu làá mɔ́ ubɔ kaa dāa gíti ŋūǹ kí tɔ̄ ditundi.

1 Corinthiens 15:58

An puee, m-nabineeŋkaamu, ní nīn ŋúb́ an píkí, kí báań inyaan kí nīn tūm̀maan ti-Dindaan tundi kí taa gbèen̄, kí nīn nyí yii ni-tundi kaa làá gbíntí fám.

Galates 6:9

Tí taa gīī kí gbèen̄ tiŋan diŋál. Ti-wunti yaa kaa yɔ̄tì, ŋyunti yaa láa bāań, ti làá dāá fōō tipaal.

Philippiens 1:14

Áli gba, man sarkau nee pu ní ti-nabiyaamu tikpil mɔ̀tīi dù bi-mákal ki ŋáań ti-Dindaan ni, ki kāntí kunyannyaau ki sòoǹ Unimbɔti bɔti, kaa fàŋkí.

1 Pierre 4:1

Ni nyí yii Kriisitoo kpíì, míǹ puee ni mun ń nīn bímaan kii ni kpíìyee. Kun puee un kpíìyee, úǹ kaa ti ŋáań ikpiti.