Marc 2:8 - UNIMBƆTI NYƆƆBUNDI GBƆŊKU

⁸ Niinee Yeesu béè bi-landɔkɔŋu ní ki bālifì-bi yii: «Ba pu ní ni dàkafī míǹ ni-pɔbiliŋin?

Marc 2:8 Iomraidhean Croise

1 Chroniques 29:17

M-Nimbɔtiu, m nyí yii a kóò unil pɔbilin kí nyɔ̀kɔfì kí kpèè, ní ki néeń tin bí deedeeyee. Mamee nì dipɔbil diba ní m dū m-gaajawanti ki ŋá-si nlammɔntiim saraau. Ní m gíti ká díǹ mun nì dipɔɔpindi yii a-nibul din kóoǹ ki kpáfì doo nee mun ŋá míǹ mbaantiim.

Psaumes 139:2

M yaa kāaa, m yaa yíkàaa, a nyí, a bí ndandati ní ki nyí m-landɔkɔi.

Proverbes 15:26

Ti-Dindaan ná ilandɔkɔkpiti, ama u fáatì anyɔɔbummɔnti.

Proverbes 24:9

Ugbaan pée dàkafī kí ŋá tin kaa ŋān̄ee, ní binib ná un bèel̄ binibee.

Esaïe 55:7

Unikpiti ń fá u-saŋkpitii, ukpitiŋal ń fá u-landɔkɔkpitii. Bí gítiń ti-Dindaan cee, di sá yii u làá sɔ̄ bi-saai! Bí gítiń ti-Nimbɔtiu cee, di sá yii u pūǹ ikpiti nì dipɔbil diba ní!

Ezéchiel 38:10

«Man ni-Dindaan Unimbɔti di sòon̄ yii, ŋyunti gbanti yaa láa bāańee, ilandɔkɔ tikpil làá dāan̄ a-ni ní á bɔ́ntí kí tɔ̄ dituŋkpitil diba.

Matthieu 12:15

Yeesu nín béè mimmee, ní u yíkì niin. Binib tikpil nóó-u ní u cāantí bibunliibi kɔkɔ.

Matthieu 16:7

Ní u-boonnooliibi bíi dàkafī bi-ban yii: «Ti nín kaa kalin kpáaǹní kpɔnɔbee pu ní u lī mimmaaa?»

Matthieu 9:4

Yeesu béè tin bi bíi dàkafēe, ní ki bālifì-bi yii: «Ba pu ní ni cáá ilandɔkɔkpiti míǹ?

Marc 2:7

«Ba pu ní uninja nee lì míǹ? U ŋèeǹ nì Unimbɔti ní. Ubɔ kaa ŋūǹ kí dū ikpiti kí pɔ̄, asee Unimbɔti baba.»

Marc 2:9

Ba di kaa pɔ̄ɔ̄ dilil ní? Á tùkù ufaliŋfaan yii: <A ká a-kpitii pɔ̄tam> di kaa pɔ̄ɔ̄ dilil naaa, <Yòon̄ a-lúŋŋu kí nīn còom̄> di kaa pɔ̄ɔ̄ ní?

Marc 7:21

Di sá yii binib pɔbiliŋin ní ilandɔkɔkpiti kɔkɔ nyēeń: binaacimpɔmbi nì bisapɔmbi jɔkɔnti, bunaayubu, nnikpaakoon,

Luuki 24:38

Ní Yeesu bālifì-bi yii: «Ba pu ní ni-pɔbiliŋ máfí míǹ? Ba pu ní ni cáá ilandɔkɔ ili ili míǹ?

Luuki 5:22

Yeesu béè bi nín bíi dàkafī puee, ní ki bí-bi yii: «Ba pu ní ni bíi dàkafī míǹ ni-pɔbiliŋin?

Luuki 6:8

Ama Yeesu nyí bi-landɔkɔi, ní ki bí un ŋal fákée yii: «Yīkì kí sīĺ binib kansikin,» ní u yáatìi yúl̀ bi-kansikin.

Jean 21:17

Ní u gíti bālifì-u ntataatiim yii: «Siimɔn, Yoowaneesi jipɔɔn, a néeń-maaa?» An nìn kɔ́ Peetroo kunimbaau min ní Yeesu nìn bālifì-u ntataatiim yii, a néeń-maaayee, ní u kíí Yeesu yii: «M-Dindaan, a nyí tikɔkɔ, ki nyí m nín néeń-see!» Ní Yeesu bí-u yii: «Á nīn kpàá m-piii.

Jean 6:64

Ama ni-kansikin biba bí, kaa fōō ki kíí.» Kun di yì-tì Yeesu sòon̄ mimmee di sá u nìn pée nyí bin kaa fōō ki kííyee doooo ŋkilkaamin, nì un làá dāá dū-u kí tīī binannanliibee.

Actes 5:3

Ní Peetroo bí yii: «Ananiyasi, ba ŋá ní a yāntì Sitaan jíń a-pɔbil poon mpaan míǹ? A mɔ́ntì Unimbɔti Fam ki bātì tikpaatan nimbiliŋ pu.

Actes 8:22

Fá a-landɔkɔkpitii kí mèè ti-Dindaan, an yaa yíì min min a dākafì a-pɔbilinee u làá dūú pɔ̄-si,

Hébreux 4:13

Tiwannáaŋkaal tiba kaa bí Unimbɔti kaa wāĺ-tì. Tin kɔkɔ pée bí duulinyanee dɔ̄ mpaampiin pu ní úǹ cee. U-nimbiin ní ti làá dāá sòoǹ ti-nyɔkɔpu yai.

Apocalypse 2:23

M làá fáá kí kpɔ̀ u-yab bin nóó-uee ní m-nikitiŋ kɔkɔ ń béé yii man di sá un nyí binib landɔkɔi nì bi-làtamee. M làá dāá pà báà ŋma tuuŋŋi paati ní.