Marc 2:5 - UNIMBƆTI NYƆƆBUNDI GBƆŊKU

⁵ Yeesu nín ká binib gbanti fōō ki kíí yii u ŋūǹ kí cáaǹ ubunlee, ní u tùkū ufaliŋfaanee yii: «M-biki, m dū a-kpitii ki pú-si.»

Marc 2:5 Iomraidhean Croise

Genèse 22:12

Ní ntuunee bí-u yii: «Á taa dū kijiki kí gbēē kibikee ní kaa nín ŋá-kì tiba. Di sá yii kɔŋkɔnnee m béè yii a fàŋkí Unimbɔti, kaa yíì kí dū a-jipɔmbaabil kí ŋá saraawɔkaa kí tīī-u.»

Psaumes 103:3

Úǹ di cáá m-yìntitam kɔkɔ ki pūǹ-mi, ní ki cāantí m-weeŋyi kɔkɔ.

Esaïe 38:17

Kpèè, m-nimbaaku kpántì dipɔɔpindi. Tiŋman, a-neendi puee, a nyántì-mi ŋkúm ŋaan, ki dū m-kpitii kɔkɔ ki ŋá a-kpaŋkpamboon.

Esaïe 53:11

U nín jíń falaa uŋyee puee, u làá dāá ká ŋwalifi ní kí nīn bí nnaamin. M-tɔntɔnliu, deedeedaan tiŋman pu yɔuee, làá yàntī binib tikpil ń kpántí deedeedambi, kun puee úǹ u-ba di fōō bi-yìntitam ki túǹ.

Matthieu 9:2

Binib biba nìn túǹní ufaliŋfaan ubɔ nlún pu ki cáań ki bíl̀-u. Yeesu nín ká binib gbanti fōō ki kíí yii u ŋūǹ kí cáaǹ ubunlee ní u bí ufaliŋfaanee yii: «M-biki, pɔ́ɔǹ a-ba, m dū a-kpitii ki pú-si!»

Matthieu 9:22

Yeesu fātì ki ká-u ní ki bí yii: «M-bisal, pɔ́ɔǹ a-ba, a nín fōō ki kíí puee fīī-si.» Niin niin ní unimpuee pɔ́ɔkì.

Matthieu 9:5

Ba di pɔ̄ɔ̄ dilil ní: <A ká a-kpitii pɔ̄tam> di pɔ̄ɔ̄ dilil naaa, <Yīkì kí yūĺ kí nīn còom̄> di pɔ̄ɔ̄ ní?

Marc 2:6

Bimaradakaliibi biba nìn kā niin ki dàkafī bi-pɔbiliŋin yii:

Marc 5:34

Niinee ní Yeesu bí-u yii: «M-bisal, a nín fōō ki kíí puee fīī-si. Nín̄ cá nì ŋgbansɔŋfi, a-weeŋyi ń yàntī-si.»

Luuki 5:20

Yeesu nín ká binib gbanti fōō ki kíí yii u ŋūǹ kí cáaǹ ubunlee, ní u bí ufaliŋfaanee yii: «M-bɔɔ, m dū a-kpitii ki pú-si.»

Luuki 8:48

Niinee ní Yeesu bí-u yii: «M-bisal, a-fookiiu di fīī-si. Nín̄ cá nì ŋgbansɔŋfi.»

Jean 2:25

Waa nyàab̀ ubɔ ń tùkù-u kun bi sée, kun puee u nyí tin bí unil pɔbilinee.

Jean 5:14

Boonee ní Yeesu dāa ká uninjee kunimbɔtidiin ní ki bí-u yii: «A nín pɔ́ɔkì pu nee, á taa ti ŋá ikpiti, án nín làá ŋá pu tiba ń taa láa gíti bàń-si kí jītíǹ tin bí neeyee!»

Actes 11:23

U bàn̄ee ní ki ká Unimbɔti nín bīiǹ bi-pu miŋyee ní an mɔ́ɔkiǹ-u, ní u bíi tìì-bi kunyannyaau, yii bi-kɔkɔ ń nīn yú nì dipɔbil diba kí nīn nákáǹ ti-Dindaan.

Actes 14:9

Dalba uninjee bíi pílifí Pɔɔl nyɔɔbundee, ní Pɔɔl dū u-nimbikpeeŋu ki báaǹ u-pu, ki béè yii u cáá fookii Unimbɔti pu ki ŋūǹ kí ká dicáaǹdee,

Actes 5:31

Unimbɔti dū-u ki kāaǹ u-ŋaŋgiil pú, ú nīn sá Ubɔti nì Ufiil ki tīī Isirayeel yab bí ŋmā kí fá bi-kpitii, Unimbɔti ń dūú pɔ̄-bi.

1 Corinthiens 11:30

An pu ní ni-kansikin biba sá bibunliibi nì bideembi, ní tikpil mun kpíì.

2 Corinthiens 2:10

Ni yaa dū unil un kpitii ki pú-uee, ma mun làá dūú pɔ̄-u. Tiba yaa bí ki sá ḿ dūú pɔ̄ udaanee, nimbi puee, m dūu pú-u Kriisitoo nimbiin,

Ephésiens 2:8

Di sá yii Unimbɔti ŋanti pu nì ni nín fōō Kriisitoo ki kííyee pu ní ni ká difiil. Difiil gbantee, naa ŋá tiba ní ki ká-dì, u pú-ni-dì faalaa ní.

Colossiens 3:13

Ní nīn ŋúb́maan tɔb. Ni-jutiibi yaa yīntiǹ-nee, ní nīn cáa pūǹ-bi. Kii ti-Dindaan nín dū ni-kpitii ki pú-ni puee, ni mun ń nīn cáa pūm̀maan tɔb míǹ mbaantiim.

Jacques 5:15

Bi yaa máká Unimbɔti pu ki mēē-u, see ubunlee ń ŋmátí. Ti-Dindaan làá tīī-u ŋgbampɔn. Báà u yaa ŋá ikpiti iba, Unimbɔti làá dūú pɔ̄-u.