Marc 2:2 - UNIMBƆTI NYƆƆBUNDI GBƆŊKU

² Kunipaau nìn dɔ́miń ki kpáfì u-cee kudiin, ní mpaan kaa ti kpáàa bí kipunyɔkɔpu gba. U nìn bíi sòoǹ nì bi Unimbɔti bɔti ní.

Marc 2:2 Iomraidhean Croise

Psaumes 40:9

M-Nimbɔtiu, an mɔ̄ǹ-mi ḿ ŋá min fáatiǹ-see, m kpáafí a-marab m-pɔbilin.

Matthieu 5:2

U nìn kíĺ ki bíi dàkà-bi yii:

Marc 1:14

Bi nìn cúú Yoowaneesi ki pīiǹ kudii. Míǹ boonee ní Yeesu cūtì Galiilee ki kíĺ ki bíi sòoǹ Unimbɔti bɔmɔntiiti ki tùkù-bi yii:

Marc 1:33

ní kitiŋin yab kɔkɔ kóoǹ ki kpáfì kudii kun ni u nìn bée nyɔkɔpu.

Marc 1:37

Bi ká-uee, ní ki bí-u yii: «Báà ŋma bíi nyàab̀-si.»

Marc 1:45

Nì min kɔkɔ bi kpáafì-uee, u nín pée búntèe, u kíĺ ki máafí báà ŋma tin jítì u-puee, ki yāntì tibɔti gbītì ilaan kɔkɔ. An puee, Yeesu kaa nìn gíti ŋūǹ kí kɔ́ kitiŋ poon binib kansikin. U nìn kíǹ ki bí ikpaanceeti ní binib nyēeń ajan kɔkɔ pu ki dòoń u-cee.

Marc 2:1

Iwiin iba boonee, Yeesu nìn gítì Kapeernayum, ní binib gbìl̄ yii u bí mmɔŋki.

Marc 2:13

Yeesu nyáń ki gítì Galiilee mɔɔl caŋin. Kunipaau nìn dɔ́miń u-cee ní u dàkā-bi Unimbɔti bɔti.

Marc 6:34

Yeesu kpákatì buŋalimbunee, ki ká kunipaau sí kii ipii in kaa cáá ukpaalee. An nìn kɔ́-u falaa ní u kíĺ ki bíi dàkà-bi tibɔti tikpil.

Luuki 12:1

Ŋyunti gbantee, binib nìn kpáfì Yeesu cee ki wīikí tikpil, an kaa cáá ŋkaan. Bi nín múkú tikpil puee, bi nìn kíǹ ki tà tɔb ní. Ní u kíĺ ki bíi sòoǹ nì u-boonnooliibi ki lī yii: «Tikɔkɔ poonee, ní nīn nyíǹ ni-ba nì Fariisab kpɔnɔnyɔkɔŋu pu, an dàkà yii bi-poonnyooŋŋu.

Luuki 5:17

Ŋwiin ŋubɔee, Yeesu bíi dàkà binib Unimbɔti bɔti. Fariisab nì bimaradakaliibi nìn kā niin. Bi nìn nyánní Galiilee nì Juudee nì Jeerusaleem timbilimmu kɔkɔn ní. Ti-Dindaan pɔŋŋu nìn bí Yeesu pu ki yàntī u cāantí bibunliibi.

Luuki 8:1

Boonee, Yeesu nìn kíǹ ki yìiǹ ntiŋkpaamun nì ntiŋwaamun ní ki sòoǹ tibɔmɔntiil tin sá Unimbɔti Beel bɔtee, ní u-boonnooliibi saalaa nì bilee táá-u.

Luuki 8:11

«M-bɔŋmantikaatee taapu sɔ̀. Ŋwamboolee di sá Unimbɔti nyɔɔbundi.

Actes 11:19

Bin bin bi nìn páb́ bi yàl̄ Eetiyeen kúm boonee bàn̄ áli Feenisii nì Siipiri nì Antiyɔɔsi, ki sòoǹ Unimbɔti bɔti Juuda yab ŋmaniŋma cee.

Actes 14:25

Bi sòon̄ Unimbɔti bɔti Peeji ki dóòyee, ní ki nín sìntī Atalii.

Actes 16:6

Circir Fam nìn yíì yii Pɔɔl ń taa sòoǹ Unimbɔti bɔti Asii tiŋkinee, ní bi dūu dī Friijii nì Galaati timmun watil.

Actes 8:25

Peetroo nì Yoowaneesi lēekì seerab ki sòon̄ Unimbɔti bɔti ki dóò Samaariiyee, ní ki fātìi nín gítí Jeerusaleem ki sòoǹ Tibɔmɔntiil Samaarii timbilimmu tikpil poon.

Romains 10:8

Mimmee, tí lì yii ba? Unimbɔti gbɔŋku lī yii: «Dinyɔɔbundi gbanti bí ki kɔ́ĺ-si, ki bí a-nyɔkɔn nì a-pɔbilin.» Dinyɔɔbundi gbanti di sá fookii bɔti tin ti sòoǹee, yii.

2 Timothée 4:2

Á sòoǹ Unimbɔti bɔti. Báà ŋyunti yaa pɔ̄ɔ̄yaaa, ŋu yaa pɔ̀fàaa, á nīn pée cɔ́ tibɔti gbanti pu, kí dàkà binib bi-yìntitam kí wòoǹ-bi bi-kpitii pu, kí tīī-bi kunyannyaau. Á nīn cáá kimɔtii tikpil a-dàkatam poon.