Marc 12:3 - UNIMBƆTI NYƆƆBUNDI GBƆŊKU

³ Ní bi cúú utɔntɔnlee ki gbáń ní ki jìn̄-u ki gíiǹ nì iŋaŋkulim.

Marc 12:3 Iomraidhean Croise

1 Rois 18:13

M-dindaan, baa kalin máafì-si tin m ŋá ŋyunti ŋun ní Jeesabeel kūū ti-Dindaan bɔnaatiliibeeee. M nìn dū ti-Dindaan bɔnaatiliibi dilaataal ní ki bál̀. M nìn yākatì-bi akiti ali pu ní dikitil kamaa cáá binib imuŋku ili nì saalaa ní m dū-bi ki bál̀ itaŋkpalɔkɔ ili poon, ki tìì-bi tijin nì nnyim.

1 Rois 18:4

Míǹ puee ŋyunti ŋun Jeesabeel nìn yāntì bi kūū ti-Dindaan bɔnaatiliibee, Oobadiya nìn fīī bi-kansikin dilaataal ní. U nìn kpáfì-bi akiti ali pu ní dikitil kamaa cáá binib imuŋku ili nì saalaa ní ki nìn dū-bi ki bál̀ itaŋkpalɔkɔ ili poon. U nìn tìì-bi tijin bi jīǹ nì nnyim bi nyù. -

1 Rois 19:10

Ní Eelii kíí yii: «Ti-Dindaan, ipɔn kɔkɔ Nimbɔtiu, m cáá a-pu difaŋgiil, ní an páb́-mi Isirayeel yab nín fātì bi-boon ki tīī a-poondee. Bi gbáń ki wīī a-saraafaŋyi, ki kūū a-bɔnaatiliibi. M pée kíǹ m-baba ní, ní bi bíi nyàab̀ kí lēē ma mun maŋfal.»

1 Rois 19:14

Ní u kíí yii: «Ti-Dindaan, ipɔn kɔkɔ Nimbɔtiu, m cáá a-pu difaŋgiil, ní an páb́-mi Isirayeel yab nín fātì bi-boon ki tīī a-poondee. Bi gbáń ki wīī a-saraafaŋyi, ki kūū a-bɔnaatiliibi. Man baba di pée kíǹ, ní bi bíi nyàab̀ kí lēē ma mun maŋfal.»

1 Rois 22:27

ní kí tùkù-bi yii: <Man ubɔti di bí yii, ní dū kijapaai nee kí tɔ̄ sarka, kí tīī-u tijin ŋwaam pu nì nnyim kí nīn cí ŋyunti ŋun m làá fàtīí gítiń nì ŋgbansɔŋfee.>»

2 Chroniques 16:10

Asaa nìn gíí Unimbɔti bɔnaatiliu pu diŋuul ní ki cúú-u ki pīiǹ kudii. Di sá yii tin Ananii nìn sòon̄ee nìn yāntì u gíí diŋuul ŋkpitim pu. Ŋyunti gbanti ní Asaa kíĺ ki kíǹ ki wɔ́b́ samaa kansikin binib biba.

2 Chroniques 36:16

Ama Isirayeel yab nìn bēel̀ Unimbɔti tuuŋyi gbanti, ki kpēē u-nyɔɔbundi fám ní ki láń u-bɔnaatiliibi. Niinee ní ti-Dindaan ŋuul jéetì u-nibul pu nnyɔkɔ gíti kpá.

Néhémie 9:26

«Ama nì míǹ kɔkɔee, bi nìn yíkì kaa kíí bi-ba pu, ki nìn jáń nì si ní ki fātì bi-boon ki tīī a-marab. Bi nìn kūū a-bɔnaatiliibi bin nìn bí ki sáŋkí-bi yii bí gítiń a-ceeyee. Bi nìn ŋá-si ikpitikpaan.

Jérémie 2:30

M fáá-ni ama an kaa ŋá-ni tiba, kaa cíikì-ni, ní gbìl̄ kí béé tin m ŋée taapu. Ni dū ntàataajimu ki kūū ni-bɔnaatiliibi kii gbikinti nín bìliŋkī ipeel puee.

Jérémie 20:2

Niinee ní u fáá Yeereemii ntampa ní ki yāntì bi bóob́-u ki nákáǹ ndɔ Beenjameen punyɔkɔki yilpu pú yaka kin bi dì ki kóò ti-Dindaan Diikunee.

Jérémie 29:26

«Ti-Dindaan di lēē-si á nīn sá usaraaŋakpil kí fōō Yooyadaa yil. Á nīn kpèé kunimbɔtidii poon biwaatiibi bin yíì bi-ba Unimbɔti bɔnaatiliibee. Á bóob́-bi ikusaka ní kí bā-bi abaa.

Jérémie 44:16

«Nì min kɔkɔ an sá ti-Dindaan yindi pu ní a sòoǹ nì tee, taa làá pīlifiǹ-si.

Matthieu 15:22

Ukanaannimpu ubɔ nìn nyánní niin pú ki dɔ́miń ní ki fáá mbiil yii: «Ukpil, Daafiidi naantiiu, sɔ̄ m-saai! Di sá arasinii ubɔ kā m-bisal pu ki páb́-u ŋkpitim pu.»

Marc 12:2

Isufee biliŋ kìtitam bāańee, ní u túnní u-tɔntɔnliu ubɔ bipaadambee cee ú dāá fōō u-jandi.

Marc 12:4

Ní bukpaadaanee gíti tí nyàab̄ u-tɔntɔnliu upɔɔn ubɔ ki tú bi-cee. Ní bi gíti cúú u mun ki gbáń ki cíl̀ diyil ki sāaǹ-u.

Actes 7:52

Bíǹ di nìn sāaǹ Unimbɔti bɔnaatiliibi kɔkɔ, ki kūū bin nìn sòon̄ ki yóoǹ yii Deedeedaan làá dāá dāan̄ee. Kɔŋkɔnnee ni nyáfì Yeesu Deedeedaanee ki kūū-u.

1 Thessaloniciens 2:15

Bíǹ di kūū ti-Dindaan Yeesu nì Unimbɔti bɔnaatiliibi ki sāaǹ ti mun. Unimbɔti kaa gèetíǹ-bi ní bi sá binib kɔkɔ pulincɔntiibi.