Marc 10:1 - UNIMBƆTI NYƆƆBUNDI GBƆŊKU

¹ Yeesu fātìi yíkì niin ki póotì Juudee watil ki dūtì Jɔɔdan buŋgbandi. Ní anikiti tí kóoǹní ki múkuǹ u-pu, ní u tí kíĺ ki bíi dàkà-bi Unimbɔti bɔti, kii u nín kpààa pée ŋáań puee.

Marc 10:1 Iomraidhean Croise

Ecclésiaste 12:9

Tin ti làá dūú kūtì tin bí nee puee di sá yii Uciŋfiti kaa dàkā yii u sá uciŋfiti ŋmaniŋma, ama u dàkā binib kun u nyée. U bɔ́ntì alaŋkpan tikpil, ki dākafì tiŋan ki nyàab̄ ŋi-taapu ki dɔ́ntì-ŋi.

Jérémie 32:33

An bàà sá bí fàtī bi-nimbiin kí túĺ-mee, bi fātì bi-boon ki tīī-mi. Nì min kamaa m yōoǹ ŋyunti ki dàkā-bee, baa pílifì kaa dū m-saŋkii ki túń ditundi.

Matthieu 26:55

Niinee ní u fātìi bí kunipaauee yii: «M sá unikpiti naaa? Ba pu ní ni ŋúbiń ntàataajimu nì atambɔn kí dāá cúú-mi! Baabadal m kàal̀ kunimbɔtidiin ki dàkà, ba pu ní naa cúú-mi niin?

Matthieu 4:23

Yeesu nìn yìiǹ Galiilee timmu kɔkɔn ki dàkà akpafidiinni ki sòoǹ tibɔmɔntiil tin sá Unimbɔti Beel bɔtee, ki cāantí bideembi nì bibunliibi kɔkɔ samaa kansikin.

Marc 1:21

Yeesu nì u-boonnooliibi cūtì Kapeernayum tiŋkin. Ŋwiŋŋuŋfikaa bāańee, ní Yeesu kɔ́ kukpafidiin ki kíĺ ki bíi dàkà binib Unimbɔti bɔti.

Marc 10:2

Niinee, Fariisab sútìń ki pìl̄-u ki nyàab̀ kí bàkan̄-u tibɔti. Bi bālifì-u yii: «An pú nsan yii uninja ń jà u-nimpuuaaa?»

Marc 12:35

Yeesu nìn bíi dàkà binib Unimbɔti bɔti kunimbɔtidiinee, u bālifì-bi tibɔti yii: «Nì nsan ŋulɔŋu poon ní bimaradakaliibi lì yii Meesiya sá Daafiidi naantiiu ní?

Marc 14:49

Baabadal m bí kunimbɔtidiin ni-kansikin ki dàkà binib, ba pu ní naa cúú-mi niin? Ama kɔŋkɔnnee, Unimbɔti gbɔŋku nín sòon̄ ki síiǹ m-pu miŋyee ń ŋá!»

Marc 2:13

Yeesu nyáń ki gítì Galiilee mɔɔl caŋin. Kunipaau nìn dɔ́miń u-cee ní u dàkā-bi Unimbɔti bɔti.

Marc 4:2

U nìn cáá tibɔŋmantikaal tikpil ki sòoǹ nì bi tibɔti ní ki dàkà-bi ki bí-bi yii:

Marc 6:2

Ŋwiŋŋuŋfikaa bāańee, ní u kíĺ ki bíi dàkà binib Unimbɔti bɔti kukpafidiin. Kunipaau kun nìn bí ki pílifíǹ-uee bākatì ki bíi lì yii: «U nín kánní la tin u sòoǹ nan dee? U nín kánní la iciin nee bulifi dee? An dī mana ní u ŋūǹ ki ŋáań maamaacib nee?

Marc 6:34

Yeesu kpákatì buŋalimbunee, ki ká kunipaau sí kii ipii in kaa cáá ukpaalee. An nìn kɔ́-u falaa ní u kíĺ ki bíi dàkà-bi tibɔti tikpil.

Marc 6:6

Ní u bākatì bi nín kaa fōō-u ki kííyee. Ŋyunti gbantee, Yeesu nìn yìiǹ ntimbilimu nì ikpaanceeti ki dàkà binib Unimbɔti bɔti.

Jean 10:40

Ní u fātìi gítì Jɔɔdan buŋgbandi lapu pu, laakin Yoowaneesi nìn dáá kíĺ ki fùul̀ binib nnyimee, ki kāl̀ niin.

Jean 11:7

Ní boonee, u tùkū u-boonnooliibi yii: «Tí gítímaan Juudee!»

Jean 18:20

Ní Yeesu kíí-u yii: «M sòon̄ mpaampiin pu báà ŋma nimbiin, ki dàkā m-bɔti akpafidiinni nì kunimbɔtidiin, laakin Juuda yab kɔkɔ kpáfée. Maa nìn sòon̄ tiba dibalin.