Marc 1:4 - UNIMBƆTI NYƆƆBUNDI GBƆŊKU

⁴ Ntuunee di sá un bi yíì Yoowaneesi u kóò kuteeun ki fùul̀ binib Unimbɔti nyimee. U nìn báakí ki tùkù binib yii: «Kpántímaan ni-bimbim kí yàntī bí fàl̀-ni nnyim, Unimbɔti ń dū ni-kpitii kí pɔ̄-ni.»

Marc 1:4 Iomraidhean Croise

Matthieu 3:11

Man cáá nnyim ní ki fùul̀-ni ki dàkà yii ni bíi kpántí ni-bimbim, ama un làá dāan̄ man boonee làá dāá fàl̀-ni nì Unimbɔti Fam nì ŋŋmi ní. Úǹ cáá mpɔn ki jítiǹ man, maa sàafì kí nīn sá u-yumbuu kí yòon̄ u-naatakaŋ gba.

Matthieu 3:6

ki bìitī bi-kpitii pu ní Yoowaneesi fùul̀-bi Unimbɔti nyim Jɔɔdan buŋŋun.

Marc 1:5

Ní Juudee watil pú yab nì Jeerusaleem tiŋkin nib kɔkɔ nìn cá Yoowaneesi cee. Bi nìn bìitī bi-kpitii pu, ní u fùul̀-bi Unimbɔti nyim Jɔɔdan buŋŋun.

Luuki 1:77

ní u-nibul ń béé yii u làá dāá fīī-bi kí dū bi-kpitii kí pɔ̄-bi.

Jean 3:23

Yoowaneesi mun nìn bí Eenoon, Saaliim caŋin, ki fùul̀ binib Unimbɔti nyim, kun puee nnyim nìn dɔ̄ niin tikpil. Niin ní binib nìn cá bi fùul̀-bi.

Actes 10:37

Yoowaneesi nín sòon̄ Unimbɔti nyim difaldi bɔti ki dóò boonee, ni nyí tin jítì Juudee tiŋki kɔkɔn ki kíliń Galiileeyee.

Actes 22:16

Míǹ puee ba di gíti ŋúb́-si kɔŋkɔnnee? Yīkìm̄ kí kúuǹ kí yíiń ti-Dindaan bí fàl̀-si Unimbɔti nyim á ká a-kpitii pɔ̄tam.>»