Marc 1:1 - UNIMBƆTI NYƆƆBUNDI GBƆŊKU

¹ Tibɔmɔntiil tin sòoǹ Yeesu Kriisitoo Unimbɔti Jipɔɔn puee kílilaŋki sèé.

Marc 1:1 Iomraidhean Croise

Psaumes 2:7

M làá lì tin ti-Dindaan sòon̄ee, u tùkū-mi yii: «Sii ubɔti, a sá m-jipɔɔn ní. Díǹ nee man di màl̄-si.

Matthieu 14:33

Bin nìn kā buŋalimbunee gbāaǹ Yeesu nimbiin ki bí-u yii: «Ibaamɔn, a lafun sá Unimbɔti Jipɔɔn.»

Matthieu 17:5

U bíi sòoǹ mimmee, ní ditagbandi diba dɔ́miń ki bīiǹ bi-pu ki jìl̀ pàlpal, ní bi gbìl̄ Unimbɔti sòon̄ní ditagbandee ni yii: «Un bí nee di sá man Jipɔɔn un m néeń tiŋanee, u-pu ní m-pɔbil sɔ̀m̀. Ní pīlifìmaan-u.»

Matthieu 3:17

Niinee ní Unimbɔti sòon̄ní kutaa pu yii: «Un bí nee di sá man Jipɔɔn un m néeń tikpilee, úǹ ní m-pɔbil fáatì.»

Matthieu 4:3

Ní Sitaan sútì ki pìl̄-u, ní ki bí-u yii: «A yaa lafun sá Unimbɔti Jipɔɔn, tīī ditaŋkpal nee mara dí kpántí kpɔnɔ.»

Luuki 1:35

Ní ntuunee kíí-u yii: «Unimbɔti Fam di làá kpákatiń a-pu, ní Yilpu Fɔ́ŋŋŋ Nimbɔtiu pɔŋŋu ń bìin̄ a-pu kii mboonee. An pu ní circir biki kin a làá màal̀ee, bi dāa yíì-kì Unimbɔti Jipɔɔn.

Jean 1:14

Un sá Dinyɔɔbundee kpántì unil ki kāl̀ ti-kansikin ki cáá tiŋan nì ibaamɔn tikpil, ní ti ká u-nyooti tin u nìn fōō Ubaati ceeyee, kun puee u sá Unimbɔti Jipɔmbaabil.

Jean 1:34

M ká mimmee, ní ki sòoǹ ki tùkù-ni yii úǹ di sá Unimbɔti Jipɔɔn.»

Jean 1:49

Niinee ní Natanayeel bí-u yii: «Ukpil, a sá Unimbɔti Jipɔɔn ki sá Isirayeel yab mun bɔtiu!»

Jean 20:31

Bi yaa ŋmàn̄ tin bí neeyee, an sá ní fōō kí kíí yii Yeesu sá Unimbɔti Jipɔɔn ki sá Meesiya. Ni yaa fōō-u ki kíí mimmee, ní ká dimaŋfal u-yindi pu.

Jean 3:16

Kun puee Unimbɔti néeń kitiŋ pu nib kɔkɔ tikpil, míǹ pu ní u dū u-Jipɔmbaabil ki tīī, án nín làá ŋá pu un sá kamaa yaa fōō-u ki kííyee ń taa kpú, ama ú ká dimaŋfal din kaa cáá dikúntilee.

Jean 6:69

Timbi fōō sii ní ki kíí, ní ki nyí yii sii di sá Circirdaan un nyánní Unimbɔti ceeyee.»

Actes 1:22

kí yòon̄ daliŋkin Yoowaneesi fùl̄-u Unimbɔti nyim kí tin cáá sāā ŋwiin ŋun u yíkì ki nín jɔ́ḿ yilpuee. An máaǹ yii binib gbanti kansikin ubɔ nín kūtì ti-pu kí kpántí Yeesu fìkititam seeraleeliu.»

Actes 13:24

Kí wàatī ú bàńee, Yoowaneesi nìn sòon̄ nì Isirayeel yab kɔkɔ bí fá bi-kpitii kí yàntī bí fàl̀-bi Unimbɔti nyim.

Romains 8:3

Di sá yii Mooyiisi marab kaa nìn ŋúń ki ŋá míǹ, kun puee binib bí iwɔfin, kaa ŋūǹ kí nóó marabee. Ama ní Unimbɔti dū úǹ u-ba Jipɔɔn ki túnní, u dɔ́miń ki cáá tiwumbaantiil kii timbi bikpitibee, ki ŋúń ki lēē ikpiti. Unimbɔti ŋá míǹ ki kúntì mpɔn ŋun ikpiti cáá binib puee.

Romains 8:32

Timbi pu ní Unimbɔti kaa tāaǹ úǹ u-ba Jipɔɔn ki dū-u ki ŋá saraa, mana ní u ŋūǹ kí yíí kí taa tīī-ti tikɔkɔ kí kūtì u-Jipɔɔnee pu?