Joël 3:2 - UNIMBƆTI NYƆƆBUNDI GBƆŊKU

² M làá dāá yàntī m-Fam ń kpákatiń kí kpáaǹ iyumbu bininjab nì binimpoobi pu.

Joël 3:2 Iomraidhean Croise

2 Chroniques 20:26

Ŋwinnanaati dalee ní bi kóoǹ ki kpáfì Beeraka tantakalin kí jāam̀ ti-Dindaan. An pu ní bi pú ditantakal gbanti diyindi yii Beeraka, taapu sá yii «si nì ditundi».

Esaïe 66:16

Di sá yii ti-Dindaan làá dāá dū ŋŋmi nì kitàataajiki kí sòoǹ inifunaan kɔkɔ bɔti. Binib tikpil làá dāá kpú.

Esaïe 66:18

Ti-Dindaan bí yii: «Man nyí bi-tuuŋŋi nì bi-landɔkɔi kɔkɔ. M dòoń kí kóoǹ atimbun kɔkɔ nì isoon kɔkɔ nib kí kpāfì. Bi làá dāan̄ kí ká m-nyooti.

Jérémie 12:14

Ti-Dindaan nín sòon̄ puee sɔ̀. M-kɔŋkɔnaatɔb bin kɔkɔ sá binikpitib ki gbēē kitiŋ kin m dūu tīī m-nibul Isirayeelee, m làá jà-bi bi-tiŋki pu. Ama m làá cúú Juuda nibul kí nyāntí bi-kansikin.

Jérémie 25:31

Kuwoou kun u ŋáańee bàn̄ kitiŋgbeennyɔkɔ. Ti-Dindaan di bíi sòoǹ anibul bɔti, u yíiń inifunaan kɔkɔ u-bɔsoondiikun. U làá yàntī bí pɔ̀fì bikpitiŋaliibi.» Ti-Dindaan di lī míǹ.

Jérémie 49:1

Ti-Dindaan sòon̄ Amɔn yab pu. Ti-Dindaan nín sòon̄ puee sèé: «Ba pu ní diwaal Mooleeki jíń Gaadi tiŋki mpaan míǹ? Ba pu ní Amɔn yab fōō Isirayeel timmu míǹ? Isirayeel kaa cáá jipɔɔn un làá fōō ntimu gbanti difakaleeee?»

Jérémie 50:17

Isirayeel yab nìn bí kii dipibil din wáŋkì ní gbikintib sáń ki jèe ní. Gbikintipeepeekaa un cúú-bi ki ŋmɔ́ee di sá Asuur bɔtiu. Míǹ boonee ní Babiloon bɔtiu Neebukadineesaar mun dɔ́miń ki kɔ́fì bi-kpabiŋ.

Ezéchiel 25:8

«Man ni-Dindaan Unimbɔti nín sòon̄ puee sɔ̀. Moowaab yab lī yii Juuda yab kpántì kii atimbun ŋin kíǹee nib nín bí puee ní.

Ezéchiel 34:6

M-piii kpátìi gbí ajoon kɔkɔ nì ŋgbantamu kɔkɔ pu. I yàl̄ kitiŋ nee kɔkɔ pu ní ubɔ kpá kí nyàab̀-i, ní an kaa ká báà ubɔ mun.

Ezéchiel 35:10

«A lī yii: <Man di làá nīn yì atimbun ali nee, Isirayeel nì Juuda beeŋi. Min kamaa ti-Dindaan kóò niinee, man làá fōō-mu kí nīn kíǹ ki yì.>

Ezéchiel 36:1

«Nisaaleen, fōō m-cee Isirayeel jooŋŋi bɔti kí dūú nàatī. Tùkù-ŋi ŋí pīlifì man ni-Dindaan nyɔɔbundi.

Ezéchiel 36:5

Man ni-Dindaan Unimbɔti sòon̄ m-ŋuul poon kí jáǹ atimbun ŋin kɔkɔ kíǹee nì Eedoom tiŋki kɔkɔ. Di sá yii nì dipɔɔpiŋkpaandi nì kpeefam ní bi fōō m-tiŋki nì ki-naakpaapɔɔku ki gāā bi-bindi.

Ezéchiel 38:22

M làá dū bìlbil kúm weeŋŋu kí tɔ̄ a-pu ní kí yàntī á kpú kí dáaĺ a-tafal. M làá yàntī utaakpaan nì ataanyiŋkumbil nì farwata un fòol̄ lìblibee ń nì sii nì a-janjaliibi nì bin kɔkɔ kútì a-pu ni cūtì kujaauee pu.

Ezéchiel 39:11

«Ŋwiin gbantee, m làá dāá tīī Gɔɔgi ntaŋkpiifal ŋun poon bi làá síb́-uee Isirayeel tiŋkin. Bisanjitiliibi tantakalin, Ŋyaam mɔɔl ŋwìiń nyalaŋki pú ní án làá nīn sá, ní ntaŋkpiifal gbanti làá pìin̄ bisanjitiliibi nsan. Niin ní bi làá síb́ Gɔɔgi nì u-janjakitil kɔkɔ. Bi làá nīn yíì mpaan gbanti yii <Gɔɔgi Nipaaku Tantakal>.

Amos 1:11

Ti-Dindaan nín lī puee sèé: «Eedoom yab ŋá ikpiti tikpil, bi gíti ŋá an jítì mara pu. An puee m nín pée síiǹ kí ŋá puee, míǹ ní m làá ŋá. Bi kùl̄ ki bīiǹ bi-nabiyaamu Isirayeel yab boon nì ntàataajimu. Baa pée súń bi-saai báà fiii. Bi fōō mbum an kaa kúntí, bi-ŋuul kaa cáá yii an sɔ̄ŋkì.

Michée 4:12

Atimbun gbanti nín kaa nyí ti-Dindaan nín bɔ́ntì kí ŋá pu, kaa nyí u-landɔkɔyee pu ní ŋi ŋáań míǹ. Úǹ là kí kóoǹ-ŋi kí kpāfì kii bi nín kōontí idi kí bíĺ dinaapaal pu kí gbée ní.

Sophonie 3:8

An puee ti-Dindaan nín lī puee sɔ̀. Ní cīitímaan-mi! Ní cīití ŋwiin ŋun m làá dāan̄ kí kɔ̄kɔl̀-nee. Di sá yii m lēē ki síiǹ yii m làá kóoǹ anibul nì abee kí kpāfì ní kí kpáatí m-ŋuul kí sìtī ŋi-pu. M-ŋuul ŋmiŋuee làá wà kí céetí kitiŋ kɔkɔ.»

Apocalypse 11:18

Atimbun nìn gíí a-pu diŋuul, ama ŋyunti bāań á dàkà-ŋi a-ŋuul nín sá puee, kí sòoǹ bitaŋkpiibi bɔti. Ŋyunti bāań dee á pà a-tɔntɔnliibi bin sá a-bɔnaatiliibee paati, nì bin kɔkɔ sá a-yab ki fàŋkí-see, bikpaambi nì ŋwaamu. Ŋyunti bāań dee á kúntí bin bí ki nàantí duulinyee.»

Apocalypse 16:14

Arasiniibi bitee ŋáań maamaacib, ní ki cūtì ki ká duulinya kɔkɔ bɔtiibi ki kpáfì-bi bí dāá já nì Unimbɔti Mpɔŋkɔdaan u-wiŋkpaaŋŋu dal.

Apocalypse 16:16

Ní arasiniibee kóoǹ bibɔtiibi ki cáa kpáfì laakin Eebru yab yíì yii Arimageedɔŋyee.

Apocalypse 16:6

Di sá bi nìn kūū a-nib nì a-bɔnaatiliibi bi-fatikuu nyáń ki fá, míǹ pu ní a yāntì inyiŋfi kpántì fatiku bí nyɔ̀, bi nín máaǹ puee ní a ŋá-bi nee!»

Apocalypse 20:8

U yaa nyáńee, u làá dāá nīn yìiǹ ki mɔ́ntí duulinya jannaatiliŋ timbuliŋ, an dàkà yii Gɔɔgi nì Maagoogi, kí kpāfì-bi bí bɔ́ntí kujaau. Bi làá dāá nīn wīikí tikpil kii tiŋku gbandi bulee ní.