Joël 2:3 - UNIMBƆTI NYƆƆBUNDI GBƆŊKU

³ I-nyɔkɔpuee, ŋŋmi di wù, ní i-boon púee, aŋmilimbil nàantí. Kí wàatī í jītée, kitiŋ nìn sɔ̀m̀ kii Eedeen kpaabuee ní, ama i nín jítì ki dóòyee, an kpántì kii kuteeuee. Tiba nì tiba kaa ŋūǹ kí ŋmátí kí nyā i-ŋaan.

Joël 2:3 Iomraidhean Croise

Genèse 13:10

Niinee ní Looti fātìi kpēē kitiŋ kin dɔ̄ Jɔɔdan buŋŋu watil púee ki ká timool nín pée sɔ̀mìń niin pú fílfil ki tin sāā Soowaar tiŋkee. An nìn sɔ̀m̀ kii ti-Dindaan kpaabuee, ki nìn sɔ̀m̀ kii Eejipiti tiŋkee. An yuntiŋuee, ti-Dindaan kaa nìn dá láá kúntì Soodoom nì Goomoora timmu.

Genèse 2:8

Ní ti-Dindaan Unimbɔti náań isufi kpaabu Eedeen tiŋki poon, bu bí ŋwìiń nyalaŋki pú, ní ki dū unil un u máńee ki kāaǹ bukpaayee poon.

Psaumes 50:3

Ti-Nimbɔtiu ń dāan̄ kí taa nín̄ ŋmí! Ŋŋmi ŋun fòol̄ bìlbilee līī u-nyɔkɔpu, ní kubuŋkpaaŋŋu māntìi tú-u.

Psaumes 97:3

Ŋŋmi līī u-nyɔkɔpu, ní ki wù u-nannanliibi bin māntìi tú-uee.

Exode 10:15

I kpátìi bīiǹ kitiŋ kɔkɔ pu bɔ̀mmm ní baa ti wāĺ-kì. Ní i ŋmɔ́ ki céetì kitiŋee pu mooti nì isufi in nìn kíǹ utaaja kaa bíil̀ee biliŋ. Kumɔsɔŋu kaa nìn kíǹ kitiŋ pu, míǹ ní kufaasɔŋ kaa nìn kíǹ busubu pu tisatin nì Eejipiti tiŋki kɔkɔ poon.

Exode 10:5

I làá dāan̄ kí kpátí kí bìin̄ kitiŋ kɔkɔ pu bí taa ti wāl̀-kì. I làá dāá ŋmɔ́ ki céetí tin nìn kíǹ utaaja kaa bíil̀ee, nì isufi in bí tisatinee.

Esaïe 14:17

Úǹ di kaa nìn nàantí ntimu, ki nìn yàntī kitiŋ kpántí kuteeu kaa líikí bisarkadambeeee?»

Esaïe 15:6

Niimriim buŋŋu fóotì. Timool kūń kaa ti nyēē, timɔsɔn kaa ti pée bí.

Esaïe 33:4

Niinee ní bí kíĺ ki bíi fúkuĺ-ni, a lì kii inaakitoon nín gbáb̀ kí bìin̄ tiwan pu puee. Bi làá gbáb́ kí bìin̄ tigaajawan pu bɔ̀mmm kii inaakee.

Esaïe 51:3

Tiŋman, ti-Dindaan làá sɔ̄ Siiyɔn tiŋki saai, u làá sɔ̄ ki-digbuŋkatiŋ saai. U làá yàntī kitiŋ kin kpántì kii kuteeuee ń kpántí kii Eedeen kpaabuee. U làá dū kitiŋkuliŋŋi gbanti kí kpántí kii ti-Dindaan kpaabuee. Dipɔɔpindi nì ifaal làá nīn bí ki-poon, bi làá nīn gà ipampakalan ní ki bɔ̀ɔ́ tiwambɔɔkaal ki-poon.

Esaïe 9:18

Ti-Dindaan Mpɔŋkɔdaan ŋuukpaandi puee, kitiŋ nee fōō ŋŋmi. An bí kii ŋŋmi bíi wù dinibulee. Ubɔ kaa ti sūǹ u-nabiki saai.

Esaïe 9:19

Unil fàtī ŋgiil pú kí gíí kí jī ama ní ŋkùm dáá gbíntìi cáá-u, ní kí fàtī ŋgan pú kí gíí kí ŋmɔ́ ama ní kaa díkì. Báà ŋma gífí u-ba ŋal nanti ki ŋmóò.

Jérémie 5:17

Bi làá dāá jī kí céetí ni-kpaajinti nì ni-jikaati, kí kpɔ̀ ni-jipɔmbi nì ni-bisalib, kí làntì ni-naai nì ni-piii nì ni-ŋoobui, kí nàan̄ ni-fiinyi nì ni-fiigi sufii. Bi làá dāá kpēelikì ni-timmu mun ni máń agun ki tú ki dàkafī yii tiba kaa ŋūǹ kí ŋá-nee kujaau poon.»

Ezéchiel 36:35

Bi làá lì yii: <Kitiŋ kin bi nìn dūu fée fātìi kpántì kii Eedeen kpaabuee. Ntimu mun poon bi nìn gbáń ki wīil̀ adiin an kpántì adigbuŋkati ŋmee, bi fātìi máń adiin binib kíǹ ki kóò mu-ni.

Amos 7:4

Ti-Dindaan Unimbɔti gíti lēē tibɔti tiba ki dàkā-mi. U nìn cáá ŋŋmi ki sòoǹ u-nibul bɔti. Ŋŋmifaam nìn yāntì nnyim min dɔ̄ kitiŋ taapuee fóotì ní ki wùn̄ Isirayeel tiŋki búkú buku.

Habaquq 1:6

Kpèèmaan, m làá yàntī Babiloon yab ń dāan̄, dinibul gbanti kaa sūǹ isaa ní ki néeń tipɔmbɔti. Bi yìiǹ duulinya kɔkɔn ki fòol̄ binib timmu ki cáa gà bi-biŋŋi.

Zacharie 7:14

M jìn̄-bi bi yàl̄ ki kɔ́ atimbun ŋin kɔkɔ baa nyée poon. Kitiŋ kin bi yíkìi yāntèe, bi nāaǹ-kì, ní ubɔ kaa ti cá ki-naaa, ubɔ kaa ti nyēē ki-ni. Kitiŋ kin nìn sá kimɔntii ki mɔ̄ ŋkaayee dūu kpántì kuteeu.»