Exode 8:8 - UNIMBƆTI NYƆƆBUNDI GBƆŊKU

⁸ Mooyiisi nì Aarɔn nyáń Faaroo cee ní Mooyiisi mēē ti-Dindaan ú kúntí kpaabi bin u dūu dáaĺ Faaroo tafalee.

Exode 8:8 Iomraidhean Croise

1 Rois 13:6

Niinee ní ubɔti bí Unimbɔti bɔnaatiliuee yii: «M gbàam̄-si, mèè ti-Dindaan a-Nimbɔtiu ú dū m-kpitii kí pɔ̄-mi kí cáaǹ m-ŋal kí tīī-mi.» Unimbɔti bɔnaatiliuee nìn mēē ti-Dindaan ní ubɔti ŋal fātìi ŋáŋkì ki gítì kii ŋu nín nìn bí puee.

Psaumes 66:3

Ní lì Unimbɔti yii: «A-tuuŋŋi sá maamaaceeee!» A-pɔŋŋu nín sá ŋkpaan puee, a-nannanliibi pàkà-si.

Exode 10:16

Niin niin ní Faaroo tú bi yíiń Mooyiisi nì Aarɔn ní ki bí-bi yii: «M yīntiǹ ni-Dindaan ni-Nimbɔtiu ki yīntiǹ ni mun.

Exode 10:17

Ní gíti dū m-kpitii kí pɔ̄-mi min bí nee mun, kí mèè ni-Dindaan ni-Nimbɔtiu ú tí kàkatī ŋkúm tafadaaldi nee kí wàatī-mi.»

Exode 10:18

Mooyiisi nyáń Faaroo ceeyee ní ki mēē ti-Dindaan.

Exode 14:5

Bi nìn tùkū Faaroo yii Isirayeel yab yíkì. Niinee ní u nì u-kpambaliŋ landɔkɔŋu cúu kpántì bi-pu, ní bi bí yii: «Ba ní ti ŋá nan ní? Ba pu ní án nín bàà sá tí nīn ŋúb́ Isirayeel yab bí nīn sá ti-yumbuyee, ti yāntì bi nyáń ki búntì ní?»

Exode 32:11

Ama ní Mooyiisi gbāam̀ ti-Dindaan Unimbɔti ú jī kimɔtii ní ki bí yii: «Ti-Dindaan, ba pu ní a fōō dinibul din a nyántìń Eejipiti tiŋkin nì a-pɔŋkpaaŋŋu nì a-kpabilee pu mbiim míǹ?

Exode 5:2

Ní Faaroo kíí-bi yii: «Ŋma di sá ni-Dindaan ní ḿ pīlifì tin u sòoǹee kí yàntī Isirayeel yab ń nīn cá ní? Maa nyí-u kaa làá yàntī Isirayeel yab ń nyā.»

Exode 8:15

Bikpaŋkpantiibi bí Faaroo yii: «An sá Unimbɔti pɔŋŋu di bíi tūǹ ditundi din bí nee.» Ama nì míǹ kɔkɔee, Faaroo nìn pɔ́ɔkì u-pɔbil. Waa nìn pílifiǹ Mooyiisi nì Aarɔn, kii ti-Dindaan nín nìn pée tùkū-bi puee.

Exode 8:9

Ti-Dindaan nìn ŋá Mooyiisi nín nìn mēē-u puee ní kpaabi nìn kpíì adiinni nì imɔŋki nì tisatin.

Exode 9:27

Niinee Faaroo yíiń Mooyiisi nì Aarɔn ní ki bí-bi yii: «Min bí nee, m béè yii m yīntì. Ni-Dindaan di sá deedeedaan ní man nì m-nibul fōō dibɔkpil.

Exode 9:28

Mèèmaan ni-Dindaan, utaaja nì ataanyiŋkumbikpaan nì itaatantati ń gbèen̄. M làá yàntī ní nyā, maa làá ti tàan̄-ni.»

Exode 9:33

Mooyiisi yíkì Faaroo cee ki nyáń kitiŋinee ní ki yōoǹ u-ŋalii ki túĺ ti-Dindaan watil pú ki mēē, ní utaaja nì ataanyiŋkumbikpaan nì itaatantati gbēeǹ.

Nombres 21:7

Ní samaa un kíǹee sáǹ ki cūtìi ká Mooyiisi ki bí-u yii: «Ti nín sòon̄ ki bíil̀ ti-Dindaan nì siiyee, ti ŋá ikpiti. Míǹ puee gbàam̀ ti-Dindaan ú kàkatī ikoobu nee kí wàatī-ti.» Ní Mooyiisi mēē samaa pu.

Actes 8:24

Ní Siimɔn kíí-bi yii: «Gbàam̀maan ti-Dindaan ni-ba kí tīī-mi, án nín làá ŋá pu tin kɔkɔwoooo ni sòon̄ nee tiba ń taa bàń-mee!»

1 Samuel 12:19

Ní Isirayeel yab kɔkɔ bí Samiyeel yii: «Gbàam̀ ti-Dindaan a-Nimbɔtiu ti-pu tí taa kpú. Di sá yii ti pée ŋá-u ikpiti, ní ti nín gíti bālifì yii ti là ubɔtee mun kpitii dɔ́miń ki kútì.»