Exode 8:10 - UNIMBƆTI NYƆƆBUNDI GBƆŊKU

¹⁰ Ní bi kóoǹ ki bíl̀ akpuku akpuku, ní kitiŋ fōō ki núukì.

Exode 8:10 Iomraidhean Croise

2 Samuel 7:22

Ti-Dindaan Unimbɔti, a lafun baasii sá ukpaan ní! Aa cáá juti! Sii boonee, Unimbɔti ubɔ gíti kpá, kii ti nín gbìl̀ bi sòoǹ puee.

1 Chroniques 17:20

Ti-Dindaan, ubɔ kaa ti bí laaba kii siiyee! Unimbɔti ubɔ mun kaa ti bí ki bàn̄-si, ki nóó nì tin ti-tafaliŋ gbìl̄ee.

Psaumes 83:18

Yàntī icoo nì dinyoondi ń nīn táá-bi ki cá talku, bí fá bi-jilimau kí kpú!

Psaumes 86:8

Ti-Dindaan, inimbɔti kansikinee, ubɔ kaa bí kii siiyee, ubɔ kaa ŋúń ki ŋá tin a ŋá nee.

Psaumes 9:16

Binib bin kaa nyí-see gbìn̄ mbòó ki bíl̀ bi-nannanliibi ní bíǹ bi-ba jéetì ŋu-poon, kutaliŋŋu kun bi píĺee sàl̄ bíǹ bi-ba.

Exode 15:11

Óo ti-Dindaan, inimbɔti kansikinee, ŋma di bí kii sii? Ŋma di bí kii sii ki bí circir ki jìl̀ yéè? A sá un tūǹ atuŋkpaanee ki máaǹ inyɔŋki, a ŋáań maamaacib!

Exode 8:9

Ti-Dindaan nìn ŋá Mooyiisi nín nìn mēē-u puee ní kpaabi nìn kpíì adiinni nì imɔŋki nì tisatin.

Exode 9:14

Di sá kɔŋkɔnnee, m làá dū nnaabu nín bí pu ŋu-ba ŋu-bee kɔkɔ kí tɔ̄ si nì a-kpambaliŋ nì a-tiŋki nib kɔkɔ pu, ní á béé yii ubɔ kaa bí kitiŋ nee pu kí dū u-ba kí ŋmàntīǹ man.

Exode 9:29

Ní Mooyiisi bí-u yii: «M yaa nyáń kitiŋ poonee, m làá yòon̄ m-ŋalii kí túĺ ti-Dindaan watil pú kí mèè-u, ataanyiŋkumbikpaan nì itaatantati kɔkɔ làá ŋmīĺ ní á béé yii ti-Dindaan di yì kitiŋ kɔkɔ.

Proverbes 27:1

Taa nín̄ pàkà a-ba fool wiiŋŋu pu, di sá yii saa nyí tin làá jītí díǹ wiiŋŋuee.

Esaïe 40:18

Ŋma ní ni cáá Unimbɔti ki ŋmàntīǹ ní? Kunaŋu kulɔkɔ ní ni làá dū-u kí nántíǹ?

Esaïe 40:25

Unimbɔti Circirdaan di bālifì yii: «Ŋma ní ni ŋūǹ kí dū-mi kí ŋmàntīǹ ní? Ŋma di ŋūǹ kí nīn sá man juti ní?»

Esaïe 46:9

Ní téetímaan tibɔkpikil tin nìn jítèe pu. Man di sá Unimbɔti, ubɔ pée gíti kpá. Unimbɔti ubɔ kaa ti pée bí kii mamee.

Deutéronome 3:24

«Ti-Dindaan m-Nimbɔtiu, sii di kíĺ ki dàkā man a-tɔntɔnliu a nín sá ukpaan miŋyee nì a-pɔŋŋu, di sá yii unimbɔti ubɔ kaa ti bí yilpu àá taapu ki ŋūǹ kí ŋá a-maamaaci tuuŋŋi nee juti!

Deutéronome 32:31

«Di sá yii bi-nannanliibi nyí tiŋan yii bi-taŋkpanaakooku kaa bí kii Isirayeel taŋkpanaakookuee.

Deutéronome 33:26

Ní Mooyiisi nìkī ki lī yii: «Yeesurun Nimbɔtiu kaa cáá juti. Úǹ di sá ukpaan ki kāń atagban pu ki jàkàń ki pùntī kutaa kí dāá jòoń-si.

Deutéronome 4:35

Ama nimbee, ni cáá diyimɔɔl ki ká an bɔti, án nín làá ŋá pu ní béé yii ti-Dindaan baba di sá Unimbɔti, ní unimbɔti ubɔ kaa ti bí laaba ki kútì úǹ puee.

Deutéronome 4:39

Ní dàkafì tiŋan kí béé díǹ nee yii yilpu yilpu fɔ́ŋŋŋ nì kitiŋ taapuee, ti-Dindaan di sá Unimbɔti, Unimbɔti ubɔ kaa ti bí laaba.

Jacques 4:14

Ni nyí kun làá fu bàń ni-pu fooleeee? Ni pée bí kii dipɔ̀ńdi nín nyēē kí páań pu, án kūtì fiii, dí wāŋkèe ní.