Exode 8:1 - UNIMBƆTI NYƆƆBUNDI GBƆŊKU

¹ Ti-Dindaan bí Mooyiisi yii: «Tùkù Aarɔn yii ú tàntī u-kpandɔŋu kí túĺ ikpin nì ibun nì anyimbɔbil ní kpaabi ń nyā kí gbí Eejipiti tiŋki kɔkɔ.»

Exode 8:1 Iomraidhean Croise

Psaumes 105:30

Kpaabi nìn gbí Eejipiti tiŋkin ki kpáaǹ bi-bɔtiu diiŋŋin.

Exode 3:12

Ní Unimbɔti bí yii: «M làá nīn bí a-cee. Kun làá nīn sá-si kudaaŋŋu á béé yii man di tú-see di sá a yaa láa nyántì Isirayeel yab Eejipiti tiŋkinee, dijool nee pu ní ni làá dāá jāam̀ man Unimbɔti.»

Exode 3:18

«Isirayeel yab làá gbìl̄ kí tīiǹ-si. Niinee si nì bikpilib ń cùú ká Eejipiti yab bɔtiu ní kí tùkù-u yii: <Ti-Dindaan Eebru yab Nimbɔtiu, ti-Nimbɔtiu lēē u-ba ki dàkā-ti. Míǹ puee pɔ̄-ti nsan tí dū iwiin ita kí còom̀ kí cù kuteeun kí ŋá saraabi kí tīī-u.>

Exode 4:23

An puee m tùkū-si yii á yàntī m-jipɔɔn ú cù kí ŋá saraabi kí jāam̀-mi. A yaa yíì kaa yāntì u cūtèe, m làá kpɔ̀ a-jipɔŋkpiliu.>»

Exode 5:1

Míǹ boonee ní Mooyiisi nì Aarɔn cūtì Faaroo cee, ní ki bí-u yii: «Ti-Dindaan Isirayeel yab Nimbɔtiu bí yii: <Yàntī m-nibul ń cù kuteeu pu kí jī jiŋaal kí tīī-mi tinyool.>»

Exode 5:3

Ní Mooyiisi nì Aarɔn bí yii: «Eebru yab Nimbɔtiu lēē u-ba ki dàkā-ti. Míǹ puee pɔ̄-ti nsan tí còom̀ iwiin ita kuteeu pu kí cùú ŋá saraabi kí tīī ti-Dindaan ti-Nimbɔtiu. An yaa kaa ŋá míǹ, u ŋūǹ kí yàntī bìlbil kúm ń dāá kpɔ̀-ti, àá tí kpú kujaaun».

Exode 7:16

Á fu tùkū-u yii: <Ti-Dindaan Eebru yab Nimbɔtiu di túnní-mi ḿ dāá tùkù-si yii á yàntī u-nibul ń cù kuteeun kí jāam̀-u, ama ní ki dāa sāā díǹ nee, aa pílifiǹ-u.

Exode 7:25

Ti-Dindaan nìn yāntì Niil mɔɔl kpántì fatiku míǹ ki tin sāā iwiin iluli.

Exode 8:2

Ní Aarɔn tāntì u-kpandɔŋu ibun kɔkɔ pu, ní kpaabi nyáń ki gbí Eejipiti tiŋki kɔkɔ.

Exode 8:20

Ní ti-Dindaan lafun ŋá kii u nín lī puee. U yāntì ikpiŋki dɔ́miń ki gbí Faaroo cindin nì u-kpambaliŋ diiŋŋin, ní Eejipiti tiŋki kɔkɔ dūu kpántì ikpiŋki ŋma.

Exode 9:1

Ti-Dindaan bí Mooyiisi yii: «Cù Faaroo cee kí tùkù-u yii: <Ti-Dindaan Eebru yab Nimbɔtiu bí-si yii á yàntī u-nibul ń nyā kí cùú jāam̀-u.

Josué 8:18

Ní ti-Dindaan bí Joosuwa yii: «Tàntī kikpaŋ kin a ŋúb́ee kí dàkà Aayi tiŋki, kun puee m làá dū kitiŋ gbanti ki ŋá a-ŋaan!» Ní Joosuwa tāntì u-ŋal ki fātì kikpaŋ kin u ŋúb́ee ki túĺ Aayi tiŋki watil pú.