Exode 7:5 - UNIMBƆTI NYƆƆBUNDI GBƆŊKU

⁵ M yaa láa dàkā-bi m-pɔŋŋu míǹ ki nyántì Isirayeel yab bi-kansikinee, niin ní bi dāa béetí yii man di sá ni-Dindaan.»

Exode 7:5 Iomraidhean Croise

Psaumes 138:7

M yaa bí dinimbinaamandinaaa, a tìì-mi dimaŋfal. A tàntī a-ŋal ki jáà nì m-nannanliibi, ní ki cáá a-ŋaŋgiil ki fìil̄-mi.

Psaumes 9:16

Binib bin kaa nyí-see gbìn̄ mbòó ki bíl̀ bi-nannanliibi ní bíǹ bi-ba jéetì ŋu-poon, kutaliŋŋu kun bi píĺee sàl̄ bíǹ bi-ba.

Exode 10:2

Ní si mun ń ká kí dāá māafì a-biyaamu nì a-naantiibi m nín dátì Eejipiti yab tafal puee nì m nín ŋá maamaacidaanti tin bi-tiŋkinee. Min làá yàntī ní béé yii man di sá ni-Dindaanee dee.»

Exode 10:7

Faaroo kpambaliŋ bí-u yii: «Kijapaai nee làá nīn pée cāabìń-ti mbusu ní. An puee yàntī binib nee ń nyā kí cùú jāam̀ bi-Dindaan bi-Nimbɔtiu. Aa ká yii an bíi nàantí ti-tiŋkaaa?»

Exode 14:18

M làá dī Faaroo nì u-janjatɔrɔkub nì u-janjaliibi bitanjakaliibi pu kí dàkà m-nyooti. Niin ní Eejipiti yab làá béé yii man di sá ni-Dindaan.»

Exode 14:4

M làá lùkutì Faaroo ní ú jàń ni-boon. Di sá yii Faaroo nì u-janjaliibi di làá yàntī bí ká man nyooti. Niinee Eejipiti yab làá béé yii man di sá ni-Dindaan.» Ní Isirayeel yab ŋá kii ti-Dindaan nín lī puee.

Exode 18:8

Ní Mooyiisi máafì u-coo min ní ti-Dindaan ŋá Faaroo nì Eejipiti yab Isirayeel yab puee. U nìn máafì-u agìń ŋin kɔkɔ Isirayeel yab nìn ká nsannee, nì ti-Dindaan nín nyántì-bi agìń gbanti poon miŋyee.

Exode 3:20

An puee m làá tàntī m-ŋal ki dū maamaacib nín bí tɔbin u-ba u-ba puee kí ŋá bi-kansikin niin, ní án fáá Eejipiti tiŋki. Míǹ boonee ní ú yàntī ní nyā kí nīn cá.

Exode 6:1

Ti-Dindaan bí Mooyiisi yii: «Kɔŋkɔnnee a làá ká m nín làá ŋá Faaroo puee. M-pɔŋkpaaŋŋu ŋun m làá dàkà-uee pu ní u làá yàntī m-nibul ń nyā. Mpɔŋkpaan gbanti di làá yàntī ú jà-ni kí nyāntí u-tiŋkin!»

Exode 6:6

An puee, tùkù Isirayeel yab yii: <Man di sá ni-Dindaan. M làá nyāntí-ni Eejipiti yab tuuŋŋi ŋin pɔ̄ɔ̄yee poon ní kí fīī-ni kí nyāntí ni-yuŋkun. M làá dū m-pɔŋkpaaŋŋu nì m-tuŋkpaaŋŋi kí fīī-ni kí líí.

Exode 7:17

M làá dū m-kpandɔŋu nee kí fáá Niil nyim ní mí kpántí fatiku. Ti-Dindaan bí yii ḿ ŋá míǹ ní á béé yii úǹ di sá ti-Dindaan.

Exode 8:10

Ní bi kóoǹ ki bíl̀ akpuku akpuku, ní kitiŋ fōō ki núukì.

Exode 8:19

Niinee m làá dāá fīī m-yab ní digàntil ń dòon̄ man nibul nì sii yal kansikin. Fool ní kudaaŋŋu gbanti làá fu ŋá.>»

Exode 8:22

Ní Mooyiisi kíí-u yii: «Aayee, an kaa ŋān̄ tí ŋá míǹ, kun puee saraabi bin ti làá ŋá kí tīī ti-Dindaan ti-Nimbɔtiuee sá mbusukpaan ní Eejipiti yab cee. Bi yaa ká ti bíi ŋáań an saraabee, bi làá yāŋkì-ti ataŋkpee kí kpɔ̀ ní?

Ezéchiel 25:17

M làá tɔ̀-bi ipɔntoon in sá ikpaanee ní kí dáaĺ bi-tafal ŋkpitim pu. Niinee bi làá béé yii man di sá bi-Dindaan.»

Ezéchiel 28:22

Dū tin man ni-Dindaan Unimbɔti sòon̄ee kí nàatī-bi yii: <M làá jáǹ sii Siidɔn tiŋki! M làá dàkà m-nyooti tin m làá ŋá-see poon. M yaa láa dáaĺ a-tafal ki dàkā m nín bí circir puee, báà ŋma làá dāá béé yii m sá ni-Dindaan.

Ezéchiel 32:15

M làá yàntī Eejipiti tiŋki ń kpántí kii kuteeuee ní. M làá nyāntí tin kɔkɔ bí ki-poonee ní kí kpɔ̀ kí céetí ki-nib. Niinee bi làá béé yii man di sá ni-Dindaan.>

Ezéchiel 36:23

Ni-puee, atimbun ŋin kíǹee nib kpēē m-yindi fám. An puee, m làá dàkà-bi yii man di sá Unimbɔtikpaan nì circirdaan. Ni-pu ní m làá dī kí dàkà-bi tíǹ gbanti kɔkɔ. Niinee bi làá béé yii man di sá ni-Dindaan, man ni-Dindaan Unimbɔti di sòon̄ míǹ.>

Ezéchiel 39:22

Kí yòon̄ ŋwiin gbantee, Isirayeel yab làá béé yii man di sá bi-Dindaan, bi-Nimbɔtiu.»

Ezéchiel 39:7

M làá yàntī m-nibul Isirayeel ń béé m nín bí circir puee. Maa làá ti yàntī bí kpèè m-circir yindi fám ní atimbun ŋin kíǹee ń béé yii man di sá ni-Dindaan, Isirayeel circir Nimbɔtiu.