Exode 7:3 - UNIMBƆTI NYƆƆBUNDI GBƆŊKU

³ Ŋyunti gbantee ní man ḿ yàntī Faaroo pɔbil ń pɔ̄ɔkì ní ḿ bùtī m-daanti nì m-maamaacib Eejipiti tiŋkin.

Exode 7:3 Iomraidhean Croise

Néhémie 9:10

A nìn ŋá maamaaci daanti nì atuŋkpaan ki dàkā Faaroo nì u-kàliŋkpilib nì u-tiŋki kɔkɔ nib, kun puee a nìn nyí bi nín nìn sāaǹ ti-naanjab dilambil poon puee. Míǹ pu ní a nìn nyáń diyiŋkpaandi, di bí ki dāa sāā díǹ.

Psaumes 135:9

Sii Eejipiti tiŋki poonee, u nìn ŋá tidaandi nì maamaacib ki dáaĺ Faaroo nì u-tɔntɔnliibi kɔkɔ tafal.

Psaumes 78:12

Bi-naanjab nimbiin ní u nìn ŋá maamaacib Eejipiti tiŋkin, Soowan satin.

Exode 11:10

Mooyiisi nì Aarɔn nìn ŋá maamaaci tuŋkpaaŋŋi kupaau Faaroo nimbiin, ama ní ti-Dindaan pɔ́ɔkì u-pɔbil, ní waa yāntì Isirayeel yab nyáń u-tiŋkin ki búntì.

Exode 11:9

Ní ti-Dindaan gíti bi Mooyiisi yii: «Faaroo yaa kaa bíi pílifíǹ-nee, an sá ḿ ŋmā kí bùtī m-maamaaci tuŋkpaaŋŋi u-tiŋki poon ní.»

Exode 14:4

M làá lùkutì Faaroo ní ú jàń ni-boon. Di sá yii Faaroo nì u-janjaliibi di làá yàntī bí ká man nyooti. Niinee Eejipiti yab làá béé yii man di sá ni-Dindaan.» Ní Isirayeel yab ŋá kii ti-Dindaan nín lī puee.

Exode 3:20

An puee m làá tàntī m-ŋal ki dū maamaacib nín bí tɔbin u-ba u-ba puee kí ŋá bi-kansikin niin, ní án fáá Eejipiti tiŋki. Míǹ boonee ní ú yàntī ní nyā kí nīn cá.

Exode 4:21

Ti-Dindaan nìn tùkū Mooyiisi yii: «A yaa gítì Eejipitee, atuŋkpaan ŋin kɔkɔ m tīī-si mpɔn á ŋée, á ŋá-ŋi Faaroo nimbiin. Ama man làá pɔ̄ɔkì u-pɔbil ú taa yàntī Isirayeel yab ń nyā.

Exode 4:29

Ní bi-liitil nóó ki búntì ki cūtìi kpáfì Isirayeel yab kpilib kɔkɔ.

Exode 4:7

Ní ti-Dindaan bí-u yii: «Fàtīí gíiǹ a-ŋal kí páań a-bindi pu.» Ní u fātìi gíiǹ ki páaǹ, ní ki fātìi cúu páatì ní ŋu fātìi gítì kii ŋu nín nìn pée bí puee.

Exode 7:13

Nì míǹ kɔkɔee, Faaroo pɔbil gbíntìi pɔ̄ɔ̄ waa gbìl̄ ki tīiǹ Mooyiisi nì Aarɔn kii ti-Dindaan nín pée lī puee.

Exode 9:16

Ama m yāntì á nīn bí kí ŋmā kí dàkà-si m-pɔŋŋu ní m-yindi ń gbìtī ilaan kɔkɔ.

Proverbes 21:1

Ubɔti pɔbil sá kii mbunee ní ti-Dindaan ŋaan, ní laakin pú ní u yaa lèe, ú kpòotī-dì kí túĺ.

Esaïe 51:9

Fìntim̄, ti-Dindaan fìntim̄! Dàkà a-pɔŋkpaaŋŋu! Fìntim̄ kii a nín nìn ŋá pu cannaakuee, kii a nín nìn ŋá pu njaminee! Sii di nāaǹ Raab, ki sāā ki pūutì tiŋkun peebiliŋku.

Michée 7:15

Kii ŋyunti ŋun a nìn nyántìń-ti Eejipiti tiŋkinee, gíti ŋá a-maamaaci tuuŋŋi kí dàkà-ti.

Jean 4:48

Ní Yeesu bí-u yii: «Ni yaa kaa ká maamaacib nì tidaandi, naa fòol̄ kí kíí!»

Actes 2:22

«Isirayeel yab, pīlifìmaan tibɔti nee. Unimbɔti yāntì Yeesu Naasaareeti yɔu ŋáaǹ maamaaci tuuŋŋi nì tidaandi ni-kansikin, ki dàkā-ni yii úǹ di lafun túnní-u ni-cee, kii nimbi ni-ba nín nyí puee, kun puee tikɔkɔ jítì ni-nimbiin ní.

Actes 7:36

Úǹ di ŋáaǹ maamaacib nì tidaandi Eejipiti tiŋkin ki nyántì-bi niin, ki gíti ŋáaǹ maamaacib nì tidaandi Tikati mɔɔl poon, ki kpáaǹ kuteeun, laakin bi ŋá abin imuŋku ilee.

Romains 15:19

ki ŋá tidaandi nì maamaacib, nì Unimbɔti Fam pɔŋŋu. Míǹ ní m sòon̄ Tibɔmɔntiil tin sá Kriisitoo yatee an kɔkɔ, ki yōoǹ Jeerusaleem ki dāa sāā Iliirii tiŋki.

Romains 9:18

An dàkà yii Unimbɔti yaa là kí fīī binibaaa, u yaa tí là kí nyìŋfì bi-pɔbiliŋaaa, an bí úǹ cee ní.

Deutéronome 4:34

Àá unimbɔti ubɔ gíti bí laaba ki mākaǹ ki ŋá maamaacib nì atuŋkpaan nì dikɔ̀ndi nì mpɔŋkpaan tuuŋŋi nì atuun ŋin kɔ̄ntí tifaandee dalba kí nyāntí ditimbundi diba di-juti ŋaan kí gāā u-bindaaa? Too míǹ ní ti-Dindaan ni-Nimbɔtiu ŋá ki nyántì-ni Eejipiti tiŋkin, nimbi ni-ba nimbil ká.

Deutéronome 7:19

Nimbi ni-ba ká nì ni-nimbiliŋ agìŋ́kpaan ŋin poon u kɔ́ǹ-bee. Ni ká atuŋkpaan nì mpɔŋkpaan tuuŋŋi ŋin ti-Dindaan ni-Nimbɔtiu ŋá ki nyántìń-ni kitiŋ gbanti poonee. Too, míǹ mbaantiim ní ti-Dindaan ni-Nimbɔtiu làá ŋá anibul ŋin ni fàŋkí nee kɔkɔ.