Exode 7:2 - UNIMBƆTI NYƆƆBUNDI GBƆŊKU

² Sii di làá tùkù Aarɔn tin kɔkɔ m sòon̄ nì see ní úǹ ń dūú nàatī Faaroo, án nín làá ŋá pu ú yàntī Isirayeel yab ń nyā u-tiŋkinee.

Exode 7:2 Iomraidhean Croise

1 Rois 22:14

Ama ní Miika kíí-u yii: «Nì ti-Dindaan un bí dimaŋfalin nee puee, tin ti-Dindaan yaa tīī-mi ḿ nàatēe, tíǹ ní m làá sòoǹ.»

Exode 4:15

Á sòoǹ nì u, kí dàkà-u tibɔti tin u máaǹ kí sòoǹee. Man làá nīn bí a-cee, ki làá nīn bí u mun cee ŋyunti ŋun ni yaa bíi sòoǹee, ní kí dàkà-ni tin sá ní ŋée.

Exode 4:16

Aarɔn di làá nīn sòoǹ nì samaa sii yil pu. Úǹ di làá nīn sá a-nyɔkɔ ní sii ń nīn sá kii unimbɔtee ki tùkù tin u máaǹ kí sòoǹee.

Exode 5:1

Míǹ boonee ní Mooyiisi nì Aarɔn cūtì Faaroo cee, ní ki bí-u yii: «Ti-Dindaan Isirayeel yab Nimbɔtiu bí yii: <Yàntī m-nibul ń cù kuteeu pu kí jī jiŋaal kí tīī-mi tinyool.>»

Exode 6:29

u nìn bí-u yii: «Man di sá ni-Dindaan. Á tùkù Faaroo Eejipiti yab bɔtiu tin kɔkɔ m sòon̄ nì see.»

Exode 7:6

Ní Mooyiisi nì Aarɔn ŋá kii ti-Dindaan nín tīī-bi mara bí ŋá puee deedee.

Jérémie 1:17

Siiyee, yòon̄ a-gbajau kí gbìn̄. Yīkìí yūĺ kí cùú sòoǹ nì bi tin kɔkɔ m tīī-si mara á sòoǹ nì bee. Á taa fàŋkì-bi, yaa sá fám, man m-ba di làá fàaǹ-si bi-nimbiin.

Jérémie 1:7

Ní ti-Dindaan kíí-mi yii: «Taa lì yii: <M sá campɔnti.> Laakin m yaa pée tú-see, á cù. M yaa pée tīī-si mara á sòoǹ puee, á sòoǹ míǹ.

Ezéchiel 3:10

U nìn nìkī ki bí-mi yii: «Sii nisaaleen, ŋátí a-tafal kí pīlifì anyɔɔbun ŋin kɔkɔ m làá tùkù-see, kí dū-ŋi kí kpāafì a-pɔbilin.

Ezéchiel 3:17

«A sá nisaaleen ní, ama m dū-si ki kpántì uciitil á nīn wàal̀ Isirayeel nibul. Á pīlifì m-nyɔɔbuŋŋi ní kí dū m-bɔkpaafikaati nee kí nàatī Isirayeel yab.

Matthieu 28:20

Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»

Actes 20:27

Di sá yii m tùkū-ni kaa bál̀-ni Unimbɔti nín là kí dāá ŋá min miŋyee kɔkɔ.

Deutéronome 4:2

Ní taa gbéeǹ tiba nì tiba tibɔti tin man cáa kpáafí-ni nee pu, kí taa tí bàtī tiba mun ti-pu kí fá. Ní nīn ŋúb́ ti-Dindaan ni-Nimbɔtiu marab bin m cáa bíi kpáafí-ni nee.