Exode 6:3 - UNIMBƆTI NYƆƆBUNDI GBƆŊKU

³ M nìn nyántì m-ba ki dàkā Abraam nì Isaaki nì Jaakɔb yii man di sá UNIMBƆTI MPƆŊKƆDAAN. Ama maa nìn lēē ki dàkā-bi yii bi yíì-mi <NI-DINDAAN>.

Exode 6:3 Iomraidhean Croise

Genèse 13:18

Ní Abram yíkì niin ki cūtìi gāā u-tantib Mamiree sufii in bí Eebrɔn tiŋki caŋinee ki kóò, ní ki máń ti-Dindaan nsaraafan niin.

Genèse 17:1

Ŋyunti ŋun Abram nìn cáá abin diba kpá dilaataalee, ti-Dindaan nìn nyántì u-ba ki dàkā-u ní ki bí-u yii: «Man di sá Unimbɔti Mpɔŋkɔdaan. Á nīn ŋáań min fáatì-mee kí nīn bí deedee.

Genèse 22:14

Ní ki pú mpaan gbanti diyindi yii: «Ti-Dindaan di tìì.» An pu ní díǹ pu nee, bi lì yii: «Ti-Dindaan jool yilpu ní u tìì-ti kun lóò-tee.»

Genèse 28:3

Unimbɔti Mpɔŋkɔdaan ń bìin̄ a-boon á màal̀ kí bùtī, a-maaliŋu ń kpántí atimbun kupaau.

Genèse 35:11

Ní Unimbɔti gíti bí-u yii: «Man di sá Unimbɔti Mpɔŋkɔdaan. M làá bùtī a-maaliŋu tikpil tikpil. Sii maaliŋu poon ní atimbun làá nyā. A-maaliŋu poon ní bibɔtiibi làá nyā.

Genèse 48:3

U kāl̀ee ní ki bí Jooseefi yii: «Unimbɔti Mpɔŋkɔdaan nìn nyántì u-ba ki dàkā-mi Luusi, Kanaan tiŋkin ní ki bīiǹ m-boon.

Psaumes 68:4

Ama ní deedeedambi bí mmɔnni, bi fàal̀ Unimbɔti nimbiin, ní ki bí dipɔɔpindin!

Psaumes 83:18

Yàntī icoo nì dinyoondi ń nīn táá-bi ki cá talku, bí fá bi-jilimau kí kpú!

Exode 15:3

Ti-Dindaan di sá ubaatandaan, u-yindi di sá ti-Dindaan.»

Exode 23:21

Ní kpèè tiŋan kí pīlifiǹ-ŋu, kí taa yìntīǹ-ŋu. Waa làá tàan̄-ni ni-pɔɔgbifiŋŋu pu. Di sá yii man yindi ní ŋu ŋúb́ ki tūǹ atuun.

Exode 3:14

Ní Unimbɔti kíí Mooyiisi yii: «M SÁ UN SÉE NÍ». Á tùkù Isirayeel yab yii: «M SÁ di túnní-mi ni-cee.»

Esaïe 42:8

Man di sá ni-Dindaan, m-yindi dee. Maa làá dū m-nyooti kí tīī ubɔ fám, kaa làá dū m-jilmau kí tīī awaa.

Esaïe 44:6

Ti-Dindaan, Isirayeel Bɔtiu un di dāā u-nibul ki líikée, ti-Dindaan Mpɔŋkɔdaan nín lī puee sèé: «Man di sá upeepeekaa ní ki sá uluŋkikaa, man boonee, unimbɔti ubɔ kaa ti bí.

Jérémie 16:21

«Too, min bí nee m làá dàkà-bi m-kpabil nì m-pɔŋŋu. Niinee bi làá béé yii man di sá bi-Dindaan.»

Jérémie 33:2

«Ti-Dindaan un di ŋá tin bí nee kɔkɔee, ti-Dindaan un di bɔ́ntì-tì ki yāntì tì bée nín sòon̄ puee sɔ̀. Úǹ ní bi yíì ti-Dindaan.

Ezéchiel 20:5

Á tùkù-bi yii man ni-Dindaan Unimbɔti nín sòon̄ puee sɔ̀. M nín lēē Isirayeelee, m nìn yōoǹ m-ŋal yilpu ki pūtì ki pōoǹ Jaakɔb naantiibi. M nìn yāntì bi béè-mi Eejipiti tiŋkin. M nìn yōoǹ m-ŋal yilpu ki pūtì ki lī yii: <Man di sá ni-Dindaan ni-Nimbɔtiu.>

Ezéchiel 37:13

M yaa láa pīitì ni-kaakuliŋ ki nyántìń-nee, ni làá dāá béé yii man di sá ni-Dindaan.

Ezéchiel 37:6

M làá dū igiin kí páań ni-pu ní kí yàntī tiwunnan ń nyā ni-pu ní kí dū ŋwuŋgban kí bìin̄. M làá dū dimaŋfal fooku kí ŋá ni-ni, ní ní fàtīí ká dimaŋfal. Niinee ni làá béé yii m sá ni-Dindaan.>»

Jean 8:58

Ní Yeesu kíí-bi yii: «Ibaamɔn, ibaamɔn, man pée bí ní bi nín màl̄ Abraam!»

Apocalypse 1:4

An sá man Yoowaneesi di ŋmàn̄ kugbɔŋu nee ki tīī Kriisitoo nikitiŋ aluli ŋin bí Asii tiŋkinee. Unimbɔti un bí, ki nìn pée bí dooooyee ki làá dāá dāan̄ee ń ŋá-ni tiŋan kí tīī-ni ŋgbansɔŋfi nì ŋfam miluli min bí u-beejal nimbiinee.

Ruth 1:20

Ní Nawoomii bí-bi yii: «Ní taa ti yíiń-mi yii Nawoomii! Ní nīn kíǹ ki yíì-mi yii Maara, kun puee Unimbɔti Mpɔŋkɔdaan yāntì m-nyɔkɔ túŋkì!