Exode 6:2 - UNIMBƆTI NYƆƆBUNDI GBƆŊKU

² Unimbɔti gíti bí Mooyiisi yii: «Man di sá NI-DINDAAN.

Exode 6:2 Iomraidhean Croise

Genèse 15:7

Ní ti-Dindaan bí-u yii: «Man di sá a-Dindaan un nyántìń-si Uur, Kaaldee tiŋkin kí dū kitiŋ kin poon a bí nee kí tīī-si á nīn kíǹ ki yèe.»

Exode 12:12

«Kunyeeu gbantee, m làá dāá jītí Eejipiti tiŋkin kí kpɔ̀ Eejipiti tiŋki biseebiyaamu kɔkɔ, kí kíĺ binib kí dāá sāā tiwaŋkuti. M làá dāá dáaĺ Eejipiti yab waaŋi kɔkɔ tafal. Man di sá ni-Dindaan.

Exode 14:18

M làá dī Faaroo nì u-janjatɔrɔkub nì u-janjaliibi bitanjakaliibi pu kí dàkà m-nyooti. Niin ní Eejipiti yab làá béé yii man di sá ni-Dindaan.»

Exode 15:3

Ti-Dindaan di sá ubaatandaan, u-yindi di sá ti-Dindaan.»

Exode 17:1

Isirayeel yab kɔkɔ yíkì Siini teekunee ní ki búntì, kii ti-Dindaan u-ba nín nìn bɔ́ntì bi-saŋkindi bí còom̀ puee. Bi bàn̄ Reefiidiimee ní ki kāl̀ niin, ama nnyim nìn kpá bí nyɔ̀.

Exode 20:2

«Man di sá a-Dindaan a-Nimbɔtiu un nyántìń-si kuyuŋun Eejipiti tiŋkinee.

Exode 3:14

Ní Unimbɔti kíí Mooyiisi yii: «M SÁ UN SÉE NÍ». Á tùkù Isirayeel yab yii: «M SÁ di túnní-mi ni-cee.»

Exode 3:15

Unimbɔti gíti bí Mooyiisi yii: «TI-DINDAAN ni-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu di túnní-mi ni-cee. Man yindi dee kí nīn cáa cá jaanjaan. Diyindi gbanti ní iyunti kamaa nib làá nīn yíì-mi.

Exode 6:29

u nìn bí-u yii: «Man di sá ni-Dindaan. Á tùkù Faaroo Eejipiti yab bɔtiu tin kɔkɔ m sòon̄ nì see.»

Exode 6:6

An puee, tùkù Isirayeel yab yii: <Man di sá ni-Dindaan. M làá nyāntí-ni Eejipiti yab tuuŋŋi ŋin pɔ̄ɔ̄yee poon ní kí fīī-ni kí nyāntí ni-yuŋkun. M làá dū m-pɔŋkpaaŋŋu nì m-tuŋkpaaŋŋi kí fīī-ni kí líí.

Exode 6:8

M làá cáá-ni kí cùnnì kitiŋ kin poon m nìn pūtì yii m làá tīī Abraam nì Isaaki nì Jaakɔbee. Nimbi ní m làá dū kitiŋ gbanti kí tīī ní nīn kíǹ ki yì. Man ni-Dindaan di lī míǹ.>»

Esaïe 42:8

Man di sá ni-Dindaan, m-yindi dee. Maa làá dū m-nyooti kí tīī ubɔ fám, kaa làá dū m-jilmau kí tīī awaa.

Esaïe 43:11

M-baba nì m-baba di pée sá ni-Dindaan, man boonee, ufiil ubɔ nì ubɔ pée gíti kpá.

Esaïe 43:15

Man di sá ni-Dindaan, ni-Circir Nimbɔtiu, Isirayeel Náanliu nì ni-Bɔtiu.»

Esaïe 44:6

Ti-Dindaan, Isirayeel Bɔtiu un di dāā u-nibul ki líikée, ti-Dindaan Mpɔŋkɔdaan nín lī puee sèé: «Man di sá upeepeekaa ní ki sá uluŋkikaa, man boonee, unimbɔti ubɔ kaa ti bí.

Jérémie 9:24

Ti-Dindaan bí yii: «Ŋwiin ŋubɔ dòoń m làá tāā kí bīikì bin gíí dikpancandi ŋwuŋgban pu gíitamee pu,

Ezéchiel 20:5

Á tùkù-bi yii man ni-Dindaan Unimbɔti nín sòon̄ puee sɔ̀. M nín lēē Isirayeelee, m nìn yōoǹ m-ŋal yilpu ki pūtì ki pōoǹ Jaakɔb naantiibi. M nìn yāntì bi béè-mi Eejipiti tiŋkin. M nìn yōoǹ m-ŋal yilpu ki pūtì ki lī yii: <Man di sá ni-Dindaan ni-Nimbɔtiu.>

Malachie 3:6

Man ni-Dindaan, maa kpántí, ní nimbee, ni pée gbíntìi sá Jaakɔb naantiibi ní.