Exode 5:2 - UNIMBƆTI NYƆƆBUNDI GBƆŊKU

² Ní Faaroo kíí-bi yii: «Ŋma di sá ni-Dindaan ní ḿ pīlifì tin u sòoǹee kí yàntī Isirayeel yab ń nīn cá ní? Maa nyí-u kaa làá yàntī Isirayeel yab ń nyā.»

Exode 5:2 Iomraidhean Croise

2 Rois 18:35

Ntimu gbanti kɔkɔ waaŋi dilal di ŋúń ki fīī di-tiŋki ki nyántì m-ŋaan? Kin án làá dī mana ní ti-Dindaan ń pìin̄-mi nsan ḿ taa fōō Jeerusaleem?»

2 Chroniques 32:14

Atimbun ŋin m-baabi nìn nāaǹee, dilal waal ŋúń ki fīī-dì ki nyántì m-ŋaan? Kin an làá dī mana ní ni-Nimbɔtiu ń ŋmā kí fīī-ni kí nyāntí m-ŋaan?

2 Chroniques 32:15

Ní taa yàntī Eeseekiyaasi ń mɔ̄ntì-ni kí ŋmàtiǹ-ni! Ní taa fōō Eeseekiyaasi kí kíí, di sá yii ditimbundi diba àá dibeel diba waal kaa ŋúń ki fīī di-nib ki nyántì m-ŋaan àá m-baabi ŋaan. Kin ataa aŋa pu ní nimbi dàkafī yii ni-Nimbɔtiu làá ŋmā kí fīī-ni kí nyāntí m-ŋaan?>»

2 Chroniques 32:19

Bi nìn pée sòoǹ Jeerusaleem yab Nimbɔtiu pu kii bi nín sòoǹ anibul ŋin kíǹee waaŋi ŋin unil dū u-ŋal ki kpítèe puee ní.

Néhémie 9:10

A nìn ŋá maamaaci daanti nì atuŋkpaan ki dàkā Faaroo nì u-kàliŋkpilib nì u-tiŋki kɔkɔ nib, kun puee a nìn nyí bi nín nìn sāaǹ ti-naanjab dilambil poon puee. Míǹ pu ní a nìn nyáń diyiŋkpaandi, di bí ki dāa sāā díǹ.

Yoob 15:25

Di sá yii u tāntì u-ŋal kí fáá Unimbɔti, u yíkì kí jáǹ Unimbɔti Mpɔŋkɔdaan.

Yoob 15:26

U sáń ki cá u-yil tīī kí jáǹ Unimbɔti, digbampɔɔl din gbìfèe wúń u-pu.

Yoob 21:15

Ŋma di sá Unimbɔti Mpɔŋkɔdaan ní tí nīn sá u-yumbui ní? Ti yaa bíi mèé-uee, ba ní ti làá páatí ní?»

Psaumes 10:4

Ukpitiŋal nín yòontí u-ba yilpu puee, waa dū Unimbɔti ki yíiń tiba. U nín dàkafī puee di sá yii: «Unimbɔti kaa cáá mpɔn ŋubɔ.»

Psaumes 12:4

Ti-Dindaan ń pìin̄ nnyɔmu mun sòoǹ biibiiyee nì alimbil ŋin sòoǹ tilambibɔti

Psaumes 12:5

ki lì yii: «Nì ti-limbiliŋ nee, kun ti yaa lèe, see tí ká, ti nín cáá nnyɔmu nee, ubɔ kaa ti ŋūǹ kí tùkù-ti kun ti máaǹ kí ŋée.»

Psaumes 14:1

Daafiidi di ŋmàn̄ nlan nee ki tīī bilaŋgaaliibi kpiliu. Ugbaan di lì u-ban yii: «Unimbɔti ubɔ kaa bí!» Baa pée nyí tiba ní ki ŋáań ntimbiil tuuŋŋi, ubɔ kaa pée bí ki ŋáań tin kítèe.

Exode 3:19

Ama m nyí Eejipiti yab bɔtiu nín kaa làá kíí ní cùee, asee m yaa dàkā-u mpɔn.

Exode 7:17

M làá dū m-kpandɔŋu nee kí fáá Niil nyim ní mí kpántí fatiku. Ti-Dindaan bí yii ḿ ŋá míǹ ní á béé yii úǹ di sá ti-Dindaan.

Proverbes 30:9

Di sá yii m yaa sá ugaajee, m fàtī m-boon kí tīī-si ní kí lì yii: «Ŋma di sá ti-Dindaan ní?» M yaa tí sá usoodaanee, m ŋūǹ kí cùú yɔ̀ ní kí bīil̀ sii m-Nimbɔtiu yindi.

Jérémie 42:13

Ama ni yaa bí yii: «Taa làá kàl̄ kitiŋ nee poon! ní ki yíì kaa pílifì ti-Dindaan ni-Nimbɔtiu nyɔkɔ»,

Jérémie 48:26

Moowaab dākafì yii u sá ukpaan ki jítiǹ ti-Dindaan ní! Bí nyùntī-u ndaam ú gbí áli kí wùliŋkì. Ŋyunti bāań bí bèel̀ u mun dee!

Daniel (hébreu) 3:15

Ní bɔ́ntímaan ni-ba kɔŋkɔnnee, ŋyunti ŋun ni yaa gbìl̄ ŋyin nì diwul nì kubeeu nì saŋgu nì túmba nì dikantándi nì tibɔɔkaal tin pée kíǹee puee, ní gbàan̄ kí jāam̀ dikumpool din m máń nee. Ama ni yaa yíì kaa jáam̀-dèe, ataa pu doo ní bi làá dū-ni kí tɔ̄ kipaai kin poon ŋŋmi fòol̄ lìblib ki pɔ̄ɔ̄ nee poon. Ní m kpèé unimbɔti un di làá fōō-ni kí nyāntí m-ŋaanee?»

Jean 16:3

Kun pu bi làá ŋá mimmee di sá yii baa nyí m-Baayaaa, kaa nyí ma mun.

Romains 1:28

Kii bi-landɔkɔi nín sá yii Unimbɔti kaa máaǹ bí béé-uee puee, Unimbɔti dū-bi ki líì, ní bi-landɔkɔi gátì, ní bi kíǹ ki ŋáań min kaa máaǹ bí ŋée.

2 Thessaloniciens 1:8

U làá dāan̄ nì ŋŋmi kí dáaĺ bin kaa nyí Unimbɔti, kaa fōō ti-Dindaan Yeesu Bɔmɔntiitee ki kííyee tafal.

Juges 2:10

Boonee ní Joosuwa yuntiŋu yab gbanti dāa kpíì ki dóò. Binipɔmbi nìn yíkì ki téeǹ bi-yil, ama bíǹ kaa nìn nyí ti-Dindaanaaa, kaa nìn nyí atuŋkpaan ŋin ní u nìn ŋáaǹ ki tīī Isirayeel yabee.

1 Samuel 2:12

Eelii jipɔmbi kaa nìn bí tiban, ní kaa nìn nyí ti-Dindaan.

1 Samuel 25:10

Ní Nabaal bí yii: «Ŋma di sá Daafiidi ní? Ŋma di sá Jeesee jipɔɔn gbanti ní? Ti-yuntii nee bitɔntɔnliibi tikpil yíkí bi-kpilib cee ki sáń.