Exode 5:1 - UNIMBƆTI NYƆƆBUNDI GBƆŊKU

¹ Míǹ boonee ní Mooyiisi nì Aarɔn cūtì Faaroo cee, ní ki bí-u yii: «Ti-Dindaan Isirayeel yab Nimbɔtiu bí yii: <Yàntī m-nibul ń cù kuteeu pu kí jī jiŋaal kí tīī-mi tinyool.>»

Exode 5:1 Iomraidhean Croise

1 Rois 21:20

Ní Eelii dū tibɔtee ki tùkū Akaab ní Akaab bí-u yii: «M-nannanliu, a tí nyàab̄-mi ki ká-maa!» Ní Eelii kíí-u yii: «M tí nyàab̄ ki ká-si, kun puee an pée mɔ̄ǹ-si á nīn ŋáań tin kaa fáatiǹ ti-Dindaanee dee.

Psaumes 119:46

M làá sòoǹ a-bɔkpaaŋi pu bibɔtiibi nimbiin ní an kaa làá nīn cáá-mi icoo.

Exode 10:3

Mooyiisi nì Aarɔn cūtìi ká Faaroo ní ki bí-u yii: «Ti-Dindaan Eebru yab Nimbɔtiu nín lī puee sèé: <Kí tin sāā ŋyunti ŋulɔŋu ní a làá gbèen̄ a-pɔɔgbifiŋŋu kí sìntī a-ba taapu kí tīī-mi ní? Yàntī m-nibul ń nyā kí cùú jāam̀-mi.

Exode 10:4

A yaa yíì kaa yāntì m-nibul nyáńee, fool m làá fu tɔ̄ń inaakitoon a-tiŋki kɔkɔ pu.

Exode 10:9

Ní Mooyiisi kíí-u yii: «Ti nì ti-nipɔmbi nì ti-jaŋkpilib nì ti-nimpunaatiibi nì ti-jipɔmbi nì ti-bisalib nì ti-ŋoobui nì ti-piii nì ti-naai kɔkɔ di làá cù. Kun puee an sá ti-Dindaan jiŋaaliu ní ti làá cùú jī kí tīī-u tinyool.»

Exode 3:18

«Isirayeel yab làá gbìl̄ kí tīiǹ-si. Niinee si nì bikpilib ń cùú ká Eejipiti yab bɔtiu ní kí tùkù-u yii: <Ti-Dindaan Eebru yab Nimbɔtiu, ti-Nimbɔtiu lēē u-ba ki dàkā-ti. Míǹ puee pɔ̄-ti nsan tí dū iwiin ita kí còom̀ kí cù kuteeun kí ŋá saraabi kí tīī-u.>

Exode 33:13

Míǹ puee m yaa lafun ká diyimɔɔl a-cee, á yàntī ḿ béé a-landɔkɔi nín sá puee. Mimmee m làá béé-si tiŋan ní kí páatí diyimɔɔl gbanti pu. Á nīn nyí yii ditimbundi nee sá a-nibul ní.»

Exode 4:23

An puee m tùkū-si yii á yàntī m-jipɔɔn ú cù kí ŋá saraabi kí jāam̀-mi. A yaa yíì kaa yāntì u cūtèe, m làá kpɔ̀ a-jipɔŋkpiliu.>»

Exode 6:11

«Cù kí tùkù Faaroo, Eejipiti bɔtiu yii ú yàntī Isirayeel yab ń nyā u-tiŋkin.»

Exode 6:27

Mooyiisi nì Aarɔn di nìn tí cūtìi sòon̄ nì Faaroo Eejipiti yab bɔtiu yii ú yàntī Isirayeel yab ń nyā u-tiŋkin.

Exode 7:16

Á fu tùkū-u yii: <Ti-Dindaan Eebru yab Nimbɔtiu di túnní-mi ḿ dāá tùkù-si yii á yàntī u-nibul ń cù kuteeun kí jāam̀-u, ama ní ki dāa sāā díǹ nee, aa pílifiǹ-u.

Exode 7:2

Sii di làá tùkù Aarɔn tin kɔkɔ m sòon̄ nì see ní úǹ ń dūú nàatī Faaroo, án nín làá ŋá pu ú yàntī Isirayeel yab ń nyā u-tiŋkinee.

Exode 8:1

Ti-Dindaan bí Mooyiisi yii: «Tùkù Aarɔn yii ú tàntī u-kpandɔŋu kí túĺ ikpin nì ibun nì anyimbɔbil ní kpaabi ń nyā kí gbí Eejipiti tiŋki kɔkɔ.»

Exode 8:16

Ti-Dindaan bí Mooyiisi yii: «Fool kutaafaau pɔ̀lpɔlee, á fu péé ki kíntí Faaroo ŋyunti ŋun u yaa fu nyáń ki cá dimɔɔgbandee kí tùkù-u yii: <Ti-Dindaan bí yii á yàntī m-nibul ń búntí kí cùú jāam̀-mi.

Exode 8:17

A yaa kaa yāntì bi búntèe, m làá yàntī ikpiŋki ń fu nyā sii nì a-kpambaliŋ nì a-tiŋki nib pu nì a-diiŋŋin. Ikpiŋki gbanti làá kpátí kí gbí Eejipiti yab diiŋŋin kí kpáaǹ kitiŋ laakin bi yúee.

Exode 8:20

Ní ti-Dindaan lafun ŋá kii u nín lī puee. U yāntì ikpiŋki dɔ́miń ki gbí Faaroo cindin nì u-kpambaliŋ diiŋŋin, ní Eejipiti tiŋki kɔkɔ dūu kpántì ikpiŋki ŋma.

Exode 8:27

Ti-Dindaan nìn ŋá min Mooyiisi bālifèe, ki kúntì ikpiŋki Faaroo nì u-kpambaliŋ nì u-tiŋki nib cee, báà ukpiŋki kaa ti kíǹ.

Exode 9:1

Ti-Dindaan bí Mooyiisi yii: «Cù Faaroo cee kí tùkù-u yii: <Ti-Dindaan Eebru yab Nimbɔtiu bí-si yii á yàntī u-nibul ń nyā kí cùú jāam̀-u.

Exode 9:2

A yaa tí yíì kaa yāntì bi cūtì ki gbíntìi ŋúb́-bee,

Esaïe 25:6

Ti-Dindaan Mpɔŋkɔdaan làá bɔ́ntí jiŋaal ubɔ dijool nee pu kí tīī anibul kɔkɔ. An dāa sá tijimmɔntiil nì ndamɔntiim ní jiŋaal gbantin, jiŋaal un poon bi dāa ŋmóò tinan tin mèeǹ, ki nyù ndaam min dōoǹ ki wāĺ kílkilee.

Ezéchiel 2:6

«Ama sii nisaaleen, á taa fàŋkì-bi kí taa fàŋkì bi-nyɔɔbuŋŋi. Bi làá kpákáǹ-si. Án làá nīn bí kii ikuŋkum di māntìi tú-si àá a kā inoom puee ní. Taa yàntī bi-nyɔɔbuŋŋi ń fàaǹ-si kí taa fàŋkì bi-nimbiiŋyi, di sá yii bi sá pɔɔgaatib ní.

Matthieu 10:18

Bi làá nīn cáǹ-ni biyidambi nì bibɔtiibi cee man pu, án nín làá ŋá pu ní sòoǹ tin ni nyí man puee Juuda yab nì bin kaa sá Juuda yabee nimbiinee.

Matthieu 10:28

Taa fàŋkìmaan bin ŋūǹ kí kpɔ̀-ni ama ní kaa ŋūǹ kí kpɔ̀ ni-naŋkee. Ama fàŋkìmaan Unimbɔti un ŋūǹ kí dū ni nì ni-naŋki kɔkɔ kí tɔ̄ ŋŋmin kí nàan̄ee.

Actes 4:29

Kɔŋkɔnnee, ti-Dindaan, kpèè bi nín lī yii bi làá ŋá-ti ntoomee puee, kí tūtuǹ timbi a-tɔntɔnliibi tí nīn sòoǹ a-bɔti nì tininjati.

1 Corinthiens 5:8

An puee, tí jīmaan ti-jiŋaaliu gbanti nì kpɔnɔb bin poon baa ŋá ŋkpɔnɔnyɔkɔ ŋun sá kii ikpiti nì tijɔkɔndee, ama án nīn sá kii kpɔnɔb bin kaa cáá nnyɔkɔee, ki sá circir nì ibaamɔnee.