Exode 40:2 - UNIMBƆTI NYƆƆBUNDI GBƆŊKU

² «Uŋmapeepeekaa wimpeekaaŋu dalee, á dū tanti un poon dipoondi taŋkpapilinti kēe kí cóoń.

Exode 40:2 Iomraidhean Croise

1 Chroniques 17:5

Doooo ŋwiin ŋun ní m nyántìń Isirayeel nibul Eejipiti tiŋkin ki dāa sāā díǹee, maa láá kɔ́ kudii poon ki ká. Ama tantib poon ní m pée kóò ki yìiǹ ki kpántí ikaa.

2 Chroniques 29:3

U nín jíń dibeel dibimpeepeekaal ŋmapeekaauee ní u pīitì kunimbɔtidii punuubi ki ŋáŋkì-bi.

Exode 13:4

Ni bíi nyēē Eejipiti tiŋki poon díǹ Ifin ŋmaliu un bi yíì Abiibee wiiŋŋu ŋubɔ dee.

Exode 19:1

Isirayeel yab nín nìn nyáń Eejipiti tiŋkinee, iŋmal ita wimpeepeekaaŋu deedee ní bi bàn̄ Siinaayi teekun.

Exode 26:1

«Á dū gulfab bin dàfì ki máǹ gùŋgumee nì bin máǹ cínciŋee nì bin máǹ wèeeeyee kí lù aŋaajan saalaa, kí lù keerubimbi kí nákań ŋi-pu.

Exode 26:30

Á gāā circir kɔŋkooŋŋu kii m nín dàkā-si min dijool pu nee deedee.

Exode 26:7

«Boonee á dū tiŋɔkuti kí lù aŋaajan saalaa nì diba kí dūú ŋá tanti liliiti un làá nīn bìintí circir kɔŋkooŋŋu puee.

Exode 27:21

Aarɔn nì u-jipɔmbi ń dāá dū fitilab tɔ́kɔŋkaati kí yóoń circir kɔŋkooŋŋu poon ŋŋaapìtikaa ŋun lìkī baa wāĺ Dipoondi dakaauee nimbiin. Aarɔn nì u-jipɔmbi ń bɔ́ntí fitilab gbanti tiŋan án nín làá ŋá pu bí nīn pée fòol̄ ŋyunti kamaa m-nimbiin kí yòon̄ kujoou kí cáá sāā kutaafaauee. An sá mara ní m yóoǹ Isirayeel yab bí nīn ŋáań míǹ kí nīn pée cáa cá jaanjaan.»

Exode 30:36

Á lēē dijandi diba kí ŋá talaalu un sá ŋyimee kí dūú yóoń circir kɔŋkooŋŋun, dipoondi dakaau nimbiin, laakin man nì si làá nīn kpáfée. Talaalu gbanti ń nīn sá ni-cee circir wanti.

Exode 35:11

Bí kpāfì kí ŋá circir kɔŋkooŋŋu nì ŋu-biiŋkaati nì ŋu-tabikaati nì ŋu-fukuŋkaati nì ŋu-kalimii nì ŋu-dɔjaatii nì i-tílkaati,

Exode 36:18

Bi nìn dū tasa kúti ki mɔ́ɔ́ titábikaal ki dūu nákáǹ ŋŋaacalimu pu ki dūu cúú diŋaajandi din kíǹee ki táb́, ní an dūu ŋá tiwambaantiil.

Exode 40:1

Ti-Dindaan bí Mooyiisi yii:

Exode 40:6

Á dū saraawɔkaa faŋŋu kí yóoń circir kɔŋkooŋŋu punyɔkɔki nyɔkɔpu.

Ezéchiel 40:1

Bi nín cúú-ti ki cūnnì kuyuŋu abin mmuŋku nì aŋmoo poon, dibindi nín kíĺ puee iwiin saalaa dal, an dàkà yii bi nín jáń ki fōō Jeerusaleem tiŋki dibindi diba kpá saalku deedeeyee ní ti-Dindaan pɔŋŋu kpákatìń m-pu ní ki cáá-mi ki cūnnì niin.

Ezéchiel 45:18

Ti-Dindaan Unimbɔti gíti sòon̄ yii: «Uŋmapeekaa wimpeekaaŋuee, ní dū unaja un laaba kaa wɔ̀b̄ee kí ŋá saraa kí ŋá circir kɔŋkooŋŋu circir.

Nombres 1:1

Ti-Dindaan sòon̄ nì Mooyiisi circir kɔŋkooŋŋu poon Siinaayi teekun. An nìn sá Isirayeel yab nín nìn nyáń Eejipiti tiŋkinee binliliitiil uŋmaliliiti wimpeekaaŋu dal. Ti-Dindaan nìn bí Mooyiisi yii:

Nombres 7:1

Mooyiisi nín nìn cóoǹ circir kɔŋkooŋŋu ki dóòyee, u nìn bātì ŋkpam ki sītì ŋu nì ŋu-wanti kɔkɔ pu ki ŋá-tì circir, ní ki bātìi sītì nsaraafan nì tiwan tin bi cáa tūǹ ŋu-pu ditundee ki ŋá-tì circir.

Nombres 9:1

Ti-Dindaan nìn sòon̄ nì Mooyiisi Siinaayi teekun. An nìn sá bi nín nìn nyáń Eejipiti tiŋkinee binliliitiil uŋmapeepeekaa poon ní. Ti-Dindaan nìn bí Mooyiisi yii:

Nombres 9:15

Daliŋkin bi cóoǹ circir kɔŋkooŋŋuee, ditagbandi nìn dɔ́miń ki bīiǹ circir kɔŋkooŋŋu, an dàkà yii tanti un poon Dipoondi dakaau bée pu. Ku jóotèe ní dì dāntì circir kɔŋkooŋŋu pu kii ŋwalifee áli kutaa dāa wúntì.