Exode 4:1 - UNIMBƆTI NYƆƆBUNDI GBƆŊKU

¹ Ní Mooyiisi kíí ti-Dindaan yii: «Isirayeel yab kaa làá fōō ki kíí kaa làá pīlifiǹ-mi. Ama bi làá tùkù-mi yii: <Ti-Dindaan ubɔ kaa pée nyántì u-ba ki dàkā-si!>»

Exode 4:1 Iomraidhean Croise

1 Rois 13:3

Ŋwiin gbanti mbaantee ní Unimbɔti bɔnaatiliuee gíti lī yii: «Kudaaŋŋu kun ti-Dindaan tīīyee sɔ̀. Nsaraafan làá wīī, ní ŋkpam min pá ŋu-puee ń lítí kitiŋ.»

Exode 2:14

Ní úǹ fātìi kíí-u yii: «Ŋma di kāaǹ-si á nīn sòoǹ ti-bɔti ní? Àá a là kí kpɔ̀ ma mun kii a nín fu kūū ueejipitija puee ní?»

Exode 3:15

Unimbɔti gíti bí Mooyiisi yii: «TI-DINDAAN ni-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu di túnní-mi ni-cee. Man yindi dee kí nīn cáa cá jaanjaan. Diyindi gbanti ní iyunti kamaa nib làá nīn yíì-mi.

Exode 3:16

Kɔŋkɔnnee, cù kí kpāfì Isirayeel kpilib, kí tùkù-bi yii ni-Dindaan ni-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu nyántì u-ba ki dàkā-si ní ki tùkū-si yii: <M ká Eejipiti yab nín bí ki sàantí-ni puee, kɔŋkɔnnee m làá fīī-ni.

Exode 3:18

«Isirayeel yab làá gbìl̄ kí tīiǹ-si. Niinee si nì bikpilib ń cùú ká Eejipiti yab bɔtiu ní kí tùkù-u yii: <Ti-Dindaan Eebru yab Nimbɔtiu, ti-Nimbɔtiu lēē u-ba ki dàkā-ti. Míǹ puee pɔ̄-ti nsan tí dū iwiin ita kí còom̀ kí cù kuteeun kí ŋá saraabi kí tīī-u.>

Exode 4:10

Ní Mooyiisi bí ti-Dindaan yii: «Áù ti-Dindaan, man sá unil un kaa ŋūǹ isoonee ní. An kaa sá díǹ kaa sá fool bɔti, ní doooo a nín pée kíĺ ki bíi sòoǹ nì man a-tɔntɔnliu nee, tiba kaa kpántì. An pɔ̄ɔ̄ ki tīī-mi ḿ ŋmā kí sòoǹ cábcab.»

Exode 4:30

Ní Aarɔn máafì samaa kɔkɔ tibɔti tin ti-Dindaan tùkū Mooyiisee, ní Mooyiisi ŋá maamaaci daanti bi-nimbiin.

Exode 4:31

Isirayeel yab nìn fōō ki kíí. Bi nìn béè yii ti-Dindaan ká falaa un poon bi bée ní ki làá fīī-bi. Niinee ní bi-kɔkɔ gbāaǹ taapu ki bíi jáaḿ-u.

Exode 6:12

Ní Mooyiisi kíí-u yii: «Isirayeel yab gba kaa pílifiǹ-mi, Faaroo di dāa nín pílifíǹ man un kaa ŋūǹ kí sòoǹ mmɔntiimin naaa?»

Exode 6:30

Ní Mooyiisi kíí-u yii: «Man kaa ŋūǹ kí sòoǹ mmɔntiim, mana ní Faaroo làá ŋmā kí pīlifiǹ-mi?»

Jérémie 1:6

Ní m kíí yii: «Too, ti-Dindaan Unimbɔti, m dáá sá campɔnti ní, maa nyí isoon.»

Ezéchiel 3:14

Ŋfam min bàà yōoǹ-mi ki jɔ́m̀ee kpáaǹ-mi ki búntì. Ti-Dindaan pɔŋŋu nìn dɔ́miń m-pu tikpil, ní m nín cá nì kunimbaaun, kaa ti nyí tin poon m bée.

Actes 7:25

U bàà nyí yii u-nabiyaamu làá béé yii úǹ pu ní Unimbɔti làá dī kí fīī-bi, ama baa ŋúń ki béè.

Juges 6:17

Ní Geedeeyɔn bí-u yii: «M yaa lafun ká diyimɔɔl a-ceeyee, á dàkà-mi kudaaŋŋu kubɔ ḿ béé yii tilafuŋman sii di bíi sòoǹ nì mi.