Exode 39:5 - UNIMBƆTI NYƆƆBUNDI GBƆŊKU

⁵ Eefoodi ŋaacalimmu nìn sá tiwambaantiil ní. Bi nìn dū sindaariya ŋmiii nì gulfab bin máǹ gùŋgumee nì bin máǹ cínciŋee nì bin máǹ wèeeeyee nì bigulifapimbi bin dàfèe ní ki ŋáĺ ŋŋaacalimu gbanti, kii ti-Dindaan nín nìn tīī Mooyiisi mara puee.

Exode 39:5 Iomraidhean Croise

Exode 25:4

nì bigulifamambi nì gulfab bin bí gùŋgumee nì bigulifamambi cínciŋ nì iŋaapiin in bí fálfalee nì tiŋɔkuti,

Exode 28:8

Bí ŋáĺ eefoodi nì dambala un u làá nīn cáa cútée ń nīn sá tiwambaantiil. Bí dū gulfab bin cáá sindaariya nyimee nì bin máǹ gùŋgumee nì bin máǹ cínciŋee nì bin máǹ wèeeeyee nì bigulifapimbi bin dàfèe kí ŋáĺ dambala mun.

Exode 29:5

Á dū abɔkuti ŋin bi ŋáĺ ki dūu sú-mee kí pèen̄ Aarɔn, an dàkà yii poon bɔkutil nì dibɔkutifɔkɔl nì eefoodi nì kilɔbiki, ní kí dū eefoodi dambalau kí cúú.

Exode 39:4

Bi nìn ŋáĺ ŋŋaacalimu muli ki bá ajan liitil nyɔɔgbaŋŋi bí nīn cáa cútí.

Exode 39:6

Bi nìn dū ataŋkpanyaan ŋin bi yíì soowamee ali ki fúuń sindaariya sɔntin, ki dū kigaai ki ŋmàn̄ Jaakɔb jipɔmbi yiŋŋi ataŋkpeeyee pu, kii bi nín cákà kijalii pu puee.

Esaïe 11:5

Deedee di làá dāá nīn sá-u dambala, ní ibaamɔn dāa sá-u gbaja u gbìn̄ u-caŋ.

Lévitique 8:7

U nìn dū poon bɔkutil ki pēeǹ Aarɔn ní ki dū ŋŋaabu dambalau ki gbìn̄-u, ní ki dū dibɔkutifɔkɔl mun ki pēeǹ-u, ní ki dū eefoodi ki léeǹ-u, ní ki dū dambala un kā eefoodi puee ki cúú u-caŋ.

Matthieu 28:20

Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»

1 Corinthiens 11:23

Ní kpèè tibɔti tin ti-Dindaan dàkā-mi m dū ki nāatì-nee. Di sá yii kunyeeu kun bi dū ti-Dindaan Yeesu ki ŋúbiǹ u-nannanliibee, u nìn yōoǹ kpɔnɔ

Apocalypse 1:13

Ní m ká ubɔ náań nì unil ki yú fitilab tɔ́kɔŋkaati tin sá sindaariyee kansikin, ki pēē dibɔkutifɔkɔl diba ní ki cúú sindaariya dambalau u-bindi.