Exode 38:3 - UNIMBƆTI NYƆƆBUNDI GBƆŊKU

³ U nìn dū tasa kúti ki mɔ́ɔ́ tin kɔkɔ bi làá nīn cáa tūǹ nsaraafan pu tundee. An dàkà yii asambil ŋin poon bi làá nīn fà ŋkpam min bi wùn̄ee fantam ki ŋáańee nì peelab nì asambil ŋin poon bi làá nīn ŋáań fatiku ki cáa yàantée, nì njiimu mun cáá anyinee nì nsambiyaamu mun poon bi tùutī talaaluee.

Exode 38:3 Iomraidhean Croise

2 Chroniques 4:16

nì asambil nì peelab nì njiimu mun cáá anyin bi cáa sàatī tinanee nì tiwan tin pée kíǹ bi cáa tūǹ ditundee. Tasa kúmɔntiiti ní Uram nìn dūu mɔ́ɔ́ tiwan gbanti kɔkɔ ki tīī ubɔti Saloomɔn ú dūú síiń ti-Dindaan Diikun.

2 Chroniques 4:2

Bi nìn dū tasa ki mɔ́ɔ́ kusɔŋkpaaŋŋu dikuŋkundi. Kí yòon̄ dinyɔɔgbandi diba kí cáá sāā din kíǹee, mpúun nìn sá meetab biŋmoo, ku-fɔkɔŋŋu nìn sá meetab bili nì dijandi, ní kí màntīí tū-kùee sá meetab saalku.

Exode 27:3

Á dū tasa kúti kí mɔ́ɔ́ tin kɔkɔ bi làá nīn cáa tūǹ nsaraafan pu tundee. An dàkà yii asambil ŋin poon bi làá nīn fà ŋkpam min bi wùn̄ee fantam ki ŋáańee nì peelab nì asambil ŋin poon bi làá nīn ŋáań fatiku ki cáa yàantée, nì njiimu mun cáá anyinee nì nsambiyaamu mun poon bi tùutī talaaluee.

Exode 38:2

Ŋu-jaŋŋi naatil kpiŋŋi puee, u nìn kpítì ki lēē iyin an jɔ́m̀, i nì nsaraafan sá tiwambaantiil mmɔm, ní u dū tasa kúti ki nyūntì.

Exode 38:4

U nìn dū tasa kúti ki mɔ́ɔ́ kilàaŋ́ŋi ní ki ŋá ki-jaŋŋi naatil pu abɔmbil, ní ki dūu nákáǹ nsaraafan taapu ki māntìi tú ní an jɔ́mìń ki dāa ŋmāntì ŋu-kansikin.

1 Samuel 2:13

Bisaraaŋaliibi gbanti nín nìn ŋáań puee sèé. Ubɔ yaa nìn ŋá saraayee, usaraaŋal tɔntɔnliu nìn dòoń ŋyunti ŋun ní bi càkā tinan ki tɔ́kɔǹee, ki ŋúb́ kijiii kin cáá anyin atee.