Exode 32:9 - UNIMBƆTI NYƆƆBUNDI GBƆŊKU

⁹ Ti-Dindaan gíti tùkū Mooyiisi yii: «M ká yii dinibul nee sá din gáatèe ní.

Exode 32:9 Iomraidhean Croise

2 Rois 17:14

Ama Isirayeel yab kaa nìn pílifì tin bi nìn sòon̄ nì bee. Bi nìn pɔ́ɔkì bi-pɔbiliŋ kii bi-naanjab nín nìn ŋá pu kaa fōō ti-Dindaan bi-Nimbɔtiu ki kíí puee ní.

2 Chroniques 30:8

Ní taa ŋá mpɔɔgbifin kii ni-naanjabee. Ama ní sìntī ni-ba taapu kí tīī ti-Dindaan. Dāam̄maan u-saraafaŋŋu ŋun ní u ŋá circir kí nīn cáa cá jaanjaanee poon, ní kí jāam̀ ti-Dindaan ni-Nimbɔtiu, án nín làá ŋá pu u-ŋuul ń sɔ̀ŋkì ni-puee.

Néhémie 9:16

«Ama bíǹ ti-naanjab nìn yōoǹ bi-ba yilpu. Bi nìn pɔ́ɔkì bi-pɔbiliŋ ní kaa nìn tɔ́ a-marab.

Néhémie 9:17

Bi nìn yíì kaa pílifiǹ-si. Bi nìn súntì maamaaci tuŋkpaaŋŋi ŋin a nìn ŋá ki tīī-bee pu. Bi nìn pɔ́ɔkì bi-pɔbiliŋ ní ki nìn ká nlandɔkɔ kí fàtīí gítí Eejipiti tiŋkin, laakin bi nìn bí kuyuŋunee. Ama sii sá Unimbɔti un pūǹ ikpitee ní. A-poon mɔ̄ ní a sá ulaŋŋaŋfiti. Aa fòol̄ diŋuul malaa, ní a-ŋanti wīikí tikpilku. Aa nìn dū-bi ki fá,

Psaumes 78:8

Niinee baa làá nīn bí kii bi-naanjab bin pɔbiliŋ nìn pɔ̄ɔ̄ bi-yiliŋ gáatèe. Bi-pɔbiliŋ kaa nìn bí diba nì Unimbɔti ní baa nìn pée máká u-pu.

Exode 33:3

Ní cùú kɔ́ kitiŋ kin poon nnaabiim nì tisiil còol̀ee. Ama man kaa làá nóó-ni kí cù, kun puee ni sá dinibul din pɔbil gbìfèe ní. Án làá yàntī ḿ kpɔ̀ kí céetí-ni nsanni.»

Exode 33:5

Di sá ti-Dindaan bí Mooyiisi ń tùkù Isirayeel yab yii: «Ni sá dinibul din pɔbil gbìfèe ní. M yaa bí yii m làá nīn còom̄ ni-kansikin, án kaa làá gāā dikàakil ní ḿ kpɔ̀ kí céetí-ni. Míǹ puee lēēmaan tiwannyaandi ni-wunti pu ḿ kpèè min ní m làá ŋá-nee.»

Exode 34:9

ní ki bí yii: «M yaa lafun ká diyimɔɔl a-cee, ti-Dindaan, m gbāam̀-si, á nīn bí ti-kansikin ti-saŋkindi poon. Dinibul nee sá din gáatèe ní, ama á dū ti-yìntitam nì ti-kpitii kí pɔ̄-ti, ní kí fōō-ti kí ŋá a-nibul.»

Proverbes 29:1

Bi yaa bíi wòoǹ unil ní u pɔ́ɔkí u-pɔbilee, án làá nàan̄-u dibɔbilin niin ní nnyɔkɔ kpá.

Esaïe 48:4

M nyí a-pɔɔgbifiŋŋu pu. Di sá yii a-pɔbil tīlifì ní a-yil pɔ̄ɔ̄.

Jérémie 13:27

Yéēee! A-laakpaati nì a-mɔŋŋu biilii nì a-laakpaatuuŋŋi ŋin kɔ̄ntí-si icoo na! M ká a-gbantammu pu nì a-satin a-waaŋi ŋin sá ntimbiil wantee. Ba naabuŋu ŋúǹ bulifi dee, Jeerusaleem, aa là kí ŋá a-ba circir. Án làá nīn bí míǹ kí tin sāā ŋyunti ŋulɔŋu ní?»

Osée 6:10

M ká ntimbiil tuuŋŋi Isirayeel beel tiŋkin. Niin ní Eefiraayiim naakookun yab ŋáań alaakpaatuun ní ki yāntì Isirayeel yab kɔ́ tijɔkɔndin.

Nombres 14:11

Ti-Dindaan bí Mooyiisi yii: «Kí tin sāā ŋyunti ŋulɔŋu ní dinibul nee làá gbèen̄ kí taa ti kpèè-mi fám ní? Kí tin sāā ŋyunti ŋulɔŋu ní bi làá yíí kí taa nín̄ cáá m-pu dimákal, nì min kɔkɔ m ŋá maamaacikpaambi bin bí nee bi-kansikinee?

Actes 7:51

Eetiyeen nìkī ki lī yii: «Nimbi binib nee yiliŋ pɔ̄ɔ̄, ni-pɔbiliŋ dátiǹ Unimbɔti, naa là kí pīlifiǹ-u mun. Baabadal ni jáà nì Circir Fam, kii ni-naanjab nín nìn ŋáań puee.

Deutéronome 10:16

Míǹ puee ní kpántímaan ni-pɔbiliŋ kí dū ni-ba kɔkɔ kí sú ti-Dindaan, kí gbèen̄ kí taa ti jáǹ-u.

Deutéronome 31:27

Di sá yii m nyí ni-pu, m nyí ni-pɔɔpɔŋŋu pu. Ni yaa jáń nì ti-Dindaan ŋyunti ŋun ní m dá bí dimaŋfalin ki bí ni-cee nee, kin ataa aŋa pu ní, m-kúm boonee, naa dāa jáà nì u kí jītíǹ míǹ?

Deutéronome 9:13

Niinee ní ti-Dindaan gíti bí-mi yii: «M nín kpēē dinibul neeyee, m ká yii di-pɔbil lafun gbìfì.

Deutéronome 9:6

Míǹ puee, ní béémaan yii an kaa sá ni nín bí deedee fiii gba puee pu ní ti-Dindaan ni-Nimbɔtiu làá fōō kitimmɔntii nee kí tīī-ni ní nīn yì. Ibaamɔn poonee, ni sá dinibul din pɔbil tīlifèe ní.