Exode 32:8 - UNIMBƆTI NYƆƆBUNDI GBƆŊKU

⁸ Bi pūtì kpáàa dū nsan ŋun m dàkā-bee ki fá. Bi dūntì tikúti ki mɔ́ɔ́ dinabil, ki gbāaǹ di-nimbiin, ki ŋá-dì saraabi ki lī yii: <Isirayeel yab, kpèèmaan ni-Nimbɔtiu un nyántìń-ni Eejipiti tiŋkinee!»

Exode 32:8 Iomraidhean Croise

1 Rois 12:28

Niinee ní ubɔti Jeerooboowaam ká nlandɔkɔ ní ki yāntì bi dū sindaariya ki mɔ́ɔ́-u anabil ali, ní u bí samaa yii: «Ni jɔ́m̀ Jeerusaleem tiŋkin ki gīī Isirayeel yab, kpèèmaan ni-Nimbɔtiu un nyántìń-ni Eejipiti tiŋkinee.»

Exode 20:23

Ní taa dū animbil kúti nì sindaariya kí mɔ́ɔ́ awaa kí dū-ŋi kí ŋàl̄-mi. Ní taa mɔ́ɔ́ awaa gbanti kí yóoń ni-ba.

Deutéronome 9:16

M kpēēyee ki lafun ká yii ni yīntiǹ ti-Dindaan ni-Nimbɔtiu. Ni nìn dūntì tikúti ki dūu mɔ́ɔ́ diwaal ki nántiǹ dinabil. Naa nìn pée tāaǹ ki fātì ni-boon ki tīī ti-Dindaan marab bin u tīī-nee.

Juges 2:17

Ama nì míǹ kɔkɔee, Isirayeel yab kaa nìn pílifì bi-bɔsoonliibi gbanti nyɔkɔ gba. Bi nìn bí ki nóó inimbɔticaan iba boon, ki gbàantí i-nimbiin ki jáaḿ-i. An kaa nìn pée súŋkì ní bi dū nsan ŋun bi-baabi bin nìn ŋúb́ ti-Dindaan marabee nìn nóóyee ki fá, kaa ti nóó-ŋu.

Exode 22:20

«Ní taa sàaǹ unicaan un dɔ́miń ki kɔ́-ni ki bí ni-tiŋkinee, kí taa mùul̀-u. Di sá yii ni mun nìn kāl̀ kunicaŋu Eejipiti tiŋkin míǹ ní.

Exode 32:4

Aarɔn fōō tiwan gbantee bi-ŋaanee ní ki dūntì ki dūu sītì tiwan tin bi ŋá ki nántiǹ dinabilee poon, ní an nyántì dinabil. Niinee ní samaa téeń yii: «Isirayeel yab, kpèèmaan ni-Nimbɔtiu un nyántìń-ni Eejipiti tiŋkinee!»

Exode 34:15

Si nì kitiŋ kin a làá kɔ́ee yab ń taa pòon̄ tɔb kí ŋá mpèé. Bi yaa láa bíi tòotī bi-waaŋi ki ŋáań saraabi ki tìì-ŋee, bi làá dāá yíiń-ni ní ní jī bi-saraabi jinti.

Lévitique 17:7

Mimmee Isirayeel yab kaa ti làá ŋá saraabi kí tīī awaa ŋin bi máń ki nántiǹ iŋɔjaayee. Bí taa nyā ti-Dindaan boon kí kɔ́ǹ bi-ba tijɔkɔndi. An sá dibɔkpaal din kaa kpántée ní ki tīī bi nì bi-biyaamu kí nīn pée cá jaanjaan.

Deutéronome 9:12

Míǹ boonee ní ti-Dindaan bí-mi yii: «Yīkì m-cee doo kí kpákatí malaa, kun puee dinibul din a nyántìń Eejipiti tiŋkinee kɔ́ tijɔkɔndin. Binibee kaa tāaǹ kí fàtī bi-boon kí tīī m-marab bin m tīī-bee. Bi dūntì tikúti ki dūu mɔ́ɔ́ diwaal.»

Deutéronome 32:17

Bi nìn ŋáań saraabi ki tìì arasiniibi, kaa sá Unimbɔti. Bi nìn ŋáań ki tìì awaa ŋin baa nìn nyí ki kée, awaapɔɔn ŋin bi dáá nyántì bi-baabi kaa nìn nyí ŋi-pu gbee.

Psaumes 78:36

Ama bi nìn cáá bi-nyɔmmu ki ŋmàtíǹ-u, bi nìn cáá bi-limbiliŋ ki mɔ́ntí-u.

Josué 22:15

Bi nín cá Rubeen nì Gaadi naakɔtin yab, nì Manasee naakooku dijandi dibee yab cee Galaadi tiŋkin. Bi bàn̄ee ní ki sòon̄ nì bi yii:

Juges 8:24

Ní Geedeeyɔn nìkī ki bí-bi yii: «Ama tiba ní m là kí mèè-ni. M bàà là yii ni-kansikin báà ŋma ń lēē tiwan tin ní u ká kujaaunee poon kibɔmbiki kiba kí tīī-mi.» Di sá yii bi-nannanliibi bin bi nìn jáń ki pɔ́ɔkiǹee kɔkɔ nìn cáá sindaariya bɔmbiyaamu bi-wunti pu ní, kii Isimaayeel naakookun yab kɔkɔ nín pée cáá puee.

Néhémie 9:18

ki kpáaǹ gba ŋyunti ŋun bi nìn dūntì tikúti ki dūu mɔ́ɔ́ dinabil ki bí yii: <Kpèè a-Nimbɔtiu un nyántìń-si Eejipiti tiŋkinee sèéyee,> bi nìn ŋá-si ikpitikpaan.

Psaumes 106:19

Bi nìn mɔ́ɔ́ dinabil Ooreeb jool taapu, bi nìn dū tikúti ki mɔ́ɔ́ diwaal ki gbāaǹ ki jáam̀-dì.

Esaïe 46:6

Binib fùtīń sindaariya bi-lɔtin. Bi ŋmàntī animbil kúti saniya pu. Bi cáa tìì goosimiiti yii ú mɔ́ɔ́-bi diwaal. Boonee ní bi gbàantí di-nimbiin ki jáaḿ-dì.

Jérémie 31:32

Díǹ kaa dāa sá kii din m nìn pōoǹ bi-naanjab ŋwiin ŋun m nìn cúú bi-ŋal ki nyántì Eejipiti tiŋkin kuyuŋunee. Nì min kɔkɔ man di nìn sá bi-Dindaanee, bi nìn kpītì dipoondi gbanti, ti-Dindaan di lī míǹ.»