Exode 32:7 - UNIMBƆTI NYƆƆBUNDI GBƆŊKU

⁷ Niinee ti-Dindaan bí Mooyiisi yii: «Sìntī malaa, di sá a-nibul din a nyántìń Eejipiti tiŋkinee bíi ŋáań ikpitikpaan.

Exode 32:7 Iomraidhean Croise

Exode 32:11

Ama ní Mooyiisi gbāam̀ ti-Dindaan Unimbɔti ú jī kimɔtii ní ki bí yii: «Ti-Dindaan, ba pu ní a fōō dinibul din a nyántìń Eejipiti tiŋkin nì a-pɔŋkpaaŋŋu nì a-kpabilee pu mbiim míǹ?

Osée 9:9

Bi pée kɔ́ ikpiti poon poon ní kábu, a lì kii bi nín nìn ŋá pu Giibeeya tiŋkinee. Ama Unimbɔti kpá kí súntí bi-kpitii pu, asee u pée dáaĺ bi-tafal bi-kpitii gbanti pu.

Deutéronome 9:12

Míǹ boonee ní ti-Dindaan bí-mi yii: «Yīkì m-cee doo kí kpákatí malaa, kun puee dinibul din a nyántìń Eejipiti tiŋkinee kɔ́ tijɔkɔndin. Binibee kaa tāaǹ kí fàtī bi-boon kí tīī m-marab bin m tīī-bee. Bi dūntì tikúti ki dūu mɔ́ɔ́ diwaal.»

Juges 2:19

Ama ubɔsoonlee tin lì yii u kúùyee, ní Isirayeel yab ń fàtīí tí gáatí kí jītíǹ bi-baabi nín nìn gáatí puee gba. Bi nìn nōotí inimbɔticaan, ki gbàantí i-nimbiin ki jáaḿ-i. Baa nìn féeń atuŋkpiti ŋin bi nìn ŋáańeeyaaa, kaa nìn yàntī mpɔɔgbifin ŋun bi nìn cááyee mun.

Exode 19:24

Niinee ní ti-Dindaan bí Mooyiisi yii: «Kpákatí, si nì Aarɔn ń fàtīí jɔ̄mìń. Ama bisaraaŋaliibi nì samaayee ń taa ŋá kìrikiri yii bí làá jɔ̄mìń man cee, án nín làá ŋá pu bí taa kpúee.»

Daniel (hébreu) 9:24

Bi síiǹ a-nibul nì a-circir tiŋki pu abin imuŋku ita nì saalaa miluli pu kí kúntí diyìntil. Ŋyunti gbanti làá yàntī ikpiti ń gbèen̄, án nín làá ŋá pu Unimbɔti ń dū ikpiti kí pɔ̄ee. Ŋyunti gbanti làá bà kí yàntī deedee un làá nīn bí jaanjaanee ń nyā kí páań mpaampiin pu, ní án ŋá kii aleedaka nì tibɔnaatikaal nín sòon̄ puee, ní bí fàtīí gíiǹ kunimbɔtidii circir páaa laŋki kí sú Unimbɔtee.

Deutéronome 32:5

Nimbi bin ŋáań ikpiti ki gáatèe, ni yīntiǹ ti-Dindaan. Án nīn cáá-ni icoo! Naa ti sá u-biyaamu!

Deutéronome 4:16

Ní taa kɔ́ǹ ni-ba tijɔkɔndi kí cùú nīn māā àá ki kpítí awaa aba kí nántíǹ uninja àá unimpu.

Exode 33:1

Ti-Dindaan bí Mooyiisi yii: «Yīkì doo, sii nì dinibul din a nyántìń Eejipiti tiŋkinee, kí nīn cá kitiŋ kin m pūtì ki pōoǹ Abraam nì Isaaki nì Jaakɔb yii m làá dūú tīī bi-maaliŋun yabee.

Exode 32:4

Aarɔn fōō tiwan gbantee bi-ŋaanee ní ki dūntì ki dūu sītì tiwan tin bi ŋá ki nántiǹ dinabilee poon, ní an nyántì dinabil. Niinee ní samaa téeń yii: «Isirayeel yab, kpèèmaan ni-Nimbɔtiu un nyántìń-ni Eejipiti tiŋkinee!»

Exode 32:1

Samaa nín ká yii Mooyiisi yúntìń dijool pu kaa bíi bàńee ní bi cūtìi kpáfì Aarɔn cee ní ki bí-u yii: «Kpèè doo, mɔ́ɔ́-ti unimbɔti ubɔ ú nīn līī ti-nyɔkɔpu, di sá taa nyí tin di yaa bāań Mooyiisi un di nyántìń-ti Eejipiti tiŋkinee.»

Deutéronome 9:8

Ooreeb jool puee, ni nìn tí gbítì ti-Dindaan ŋuul ní ki yāntì u gíí diŋuul tikpil áli u bàà nìn là kí kpɔ̀ kí céetí-ni.

Psaumes 78:36

Ama bi nìn cáá bi-nyɔmmu ki ŋmàtíǹ-u, bi nìn cáá bi-limbiliŋ ki mɔ́ntí-u.

Deutéronome 31:29

Di sá yii m nyí yii m-kúm boonee ni làá dāá kɔ́ ikpitin ní kí dāá fàtī ni-boon kí tīī tibɔti tin m dūu kpáafì-ni nee. Ŋyunti gbantee, ni-kpitii in ni làá dāá ŋá ti-Dindaan nimbiinee nì ni-tuŋkpitiŋ ŋin ni làá dāá ŋá kí yàntī ú gíí diŋuulee puee, digìńdi làá dāá kɔ́-ni.»

2 Chroniques 27:2

U nìn ŋá tin fáatiǹ ti-Dindaanee. U nìn pée ŋá kii u-baa Oosiyasi nín nìn ŋá puee ní deedee. Ama úǹ kaa nìn kɔ́ kunimbɔtidiin kii u-baayee. Samaa úǹ nìn pée gbíntì nìkì ki ŋáań ikpiti.

Esaïe 1:4

Mbusu dɔ̄ ki cí-ni, nimbi ditimbundi din ŋáań ikpitee, dinibul din yīntèe, nnibool ŋun ŋáań tin kaa ŋān̄ee, mbiyaamu mun yiliŋ gáatèe. Ni dū ti-Dindaan ki fá, ki kpēē Isirayeel Circir Nimbɔtiu fám, ki fātì ni-boon ki tīī-u.