Exode 32:2 - UNIMBƆTI NYƆƆBUNDI GBƆŊKU

² Ní Aarɔn bí-bi yii: «Lēēmaan ni-nimpoobi nì ni-bisalib nì ni-jipɔmbi sindaariyabɔmbiliŋ bi-tafaliŋ pu kí cáaḿmaan-mi.»

Exode 32:2 Iomraidhean Croise

Genèse 24:22

Igutaamu nyùn̄ ki dóòyee ní utɔntɔnlee lēē sindaariya bɔmbiki kin bi cáa tūuntí dimaŋfalee, kì nyìm̀ kii graambi biluu, ní ki lēē sindaariya bɔmbiliŋ ŋin bi cáa fūuntí iŋalee ali, ŋíǹ kpáfì ki nyìm̀ kii graambi kulaafaau ní ki dūu tīī usapɔɔnee.

Genèse 24:47

Ní m bālifì-u yii: <Ŋma bisal di sá-si ní?> Ní u bí yii: <M-baa di sá Beetuweel, Naakɔɔr nì u-nimpuu Miilka jipɔɔn.> Niinee ní m dū kibɔmbiki ki túuń u-maŋfal, ní ki dū abɔmbil ki fúuń u-ŋalii.

Exode 20:23

Ní taa dū animbil kúti nì sindaariya kí mɔ́ɔ́ awaa kí dū-ŋi kí ŋàl̄-mi. Ní taa mɔ́ɔ́ awaa gbanti kí yóoń ni-ba.

Exode 32:3

Dicilpu niin ní Isirayeel yab gbákal̀ bi-bɔmbiliŋ bi-tafaliŋ pu ki cáań ki tīī-u.

Exode 35:22

Míǹ ní bininjab nì binimpoobi bin cáá tinitee yōoǹní akimbil nì falfatib nì mbɔmbiyaamu nì abɔmbil nì sindaariya wanti tin sá tiwannyɔkɔntikaalee ki dī akoobil nín sá puee ki dūu ŋá saraa ki tīī ti-Dindaan.

Proverbes 25:12

Unil un pílifíǹ uciŋfiti wooŋyee bí kii sindaariya bɔmbil nì sindaariyamɔnti léeŋkaatee ní.

Esaïe 3:19

nì falfatib nì abɔmbil ŋin bi fūuntí iŋalee nì iŋaabu in bi bìintí ayil puee,

Esaïe 30:22

Awaa ŋin a kpítì ki dū animbil kúti ki nyūntèe, nì ŋin a mɔ́ɔ́ ki dū sindaariya ki nyūntèe làá dāá kpántí ni-cee tijɔkɔŋwan. A làá dāá dū-ŋi kí fá kii titampummoolee ní kí lì-ŋi yii: «Nyāmaan doo!»

Ezéchiel 16:17

A dū sindaariya nì animbil wannyɔkɔntikaati tin m tīī-see ki dūu mɔ́ɔ́ iwaajaa, ní ki dōoǹ nì i ki ŋá tilaakpaal.

Osée 2:8

«An pu ní m làá dū ikuŋkum kí pìin̄-u nsan, ní kí mā digundi kí màntīí tū-u ú taa ti ká nsan kí nyā.