Exode 32:1 - UNIMBƆTI NYƆƆBUNDI GBƆŊKU

¹ Samaa nín ká yii Mooyiisi yúntìń dijool pu kaa bíi bàńee ní bi cūtìi kpáfì Aarɔn cee ní ki bí-u yii: «Kpèè doo, mɔ́ɔ́-ti unimbɔti ubɔ ú nīn līī ti-nyɔkɔpu, di sá taa nyí tin di yaa bāań Mooyiisi un di nyántìń-ti Eejipiti tiŋkinee.»

Exode 32:1 Iomraidhean Croise

Genèse 19:14

Ní Looti nyáń ki tùkū u-coobi bin làá dāá cáá u-bisalibee yii: «Yīkìmaan kí nyā kitiŋ nee poon, kun puee ti-Dindaan làá kúntí-kì.» Ama bíǹ nìn dākafì yii an sá tinaacin ní.

Genèse 21:26

Ní Abimeeleeki bí-u yii: «Maa nyí un di túń an tundee. Si mun a-ba kaa lī tibɔti gbanti m-cee, maa tí gbìl̄-tì ubɔ cee dalba, see díǹ.»

Genèse 39:8

Ní u yíì, ní ki bí u-kpiliu nimpuu yii: «Kpèè, man ní m-kpiliu dū dicindi tundi kɔkɔ ki ŋúbiǹ. U cáá m-pu dimákal, an puee waa ti kpèé tiba dicindi poon.

Genèse 44:15

Ní Jooseefi bí-bi yii: «Ba ní ni ŋée! Naa nyí yii unil kii man nee cáá dinimbil kí wāl̀ tin bíi jītéeee?»

Genèse 44:4

Bi yíkì ki cōom̀ ki jítì kitiŋ pu kaa láá kɔ́ ndan ní Jooseefi bí u-tɔntɔŋkpiliuee yii: «Yīkìí jà binibee boon, a yaa tin ká-bee, á bàlifì-bi yii: <Ba pu ní ni dū ikpiti ki pàn̄ tiŋan?

Psaumes 106:19

Bi nìn mɔ́ɔ́ dinabil Ooreeb jool taapu, bi nìn dū tikúti ki mɔ́ɔ́ diwaal ki gbāaǹ ki jáam̀-dì.

Exode 13:21

Ti-Dindaan u-ba di nìn līī bi-nyɔkɔpu. Ŋwiimpuee, u nìn bí ditagbancancaal poon ní ki dàkà-bi nsan, ní kunyeeuee ditagbancancaalee ń kpántí ŋŋmi ki ŋmíntí-bi. An pu ní bi nìn ŋūǹ ki còom̄ ŋwiimpu nì kunyeeu.

Exode 14:11

Bi nìn bí Mooyiisi yii: «Itaŋkpiifal kaa bí Eejipiti tiŋkinaaa? Ba pu ní a cáań-ti tí kpú kuteeun doo? Ba pu ní a yāntì ti yíkìń Eejipiti tiŋkin ní?

Exode 16:3

Bi nìn bí-bi yii: «Ba pu ní ti-Dindaan kaa yāntì ti kpíì ŋyunti ŋun ti nìn bí Eejipiti ki kā ki kɔ́ĺ anaŋkumboon ki jīǹ tijin ki díkèe. Ama ní ni yōoǹní samaa nee kɔkɔ ki cáań kuteeun ŋkùm ń kpɔ̀-bi!»

Exode 20:23

Ní taa dū animbil kúti nì sindaariya kí mɔ́ɔ́ awaa kí dū-ŋi kí ŋàl̄-mi. Ní taa mɔ́ɔ́ awaa gbanti kí yóoń ni-ba.

Exode 24:12

Ti-Dindaan bí Mooyiisi yii: «Jɔ̄mìń m-cee dijool pu kí dāá yūĺ niin. M làá dū marab bin m ŋmàn̄ ataŋkpee pilinti puee kí tīī-si, á cáá dàkà Isirayeel yab.»

Exode 24:18

Mooyiisi nìn kɔ́ ditagbandee poon ki nín jɔ́ḿ dijool pu. U nìn gbíntì dijool pu niin ki ŋá iwiin imuŋku ili, ŋwiimpu nì kunyeeu.

Exode 32:11

Ama ní Mooyiisi gbāam̀ ti-Dindaan Unimbɔti ú jī kimɔtii ní ki bí yii: «Ti-Dindaan, ba pu ní a fōō dinibul din a nyántìń Eejipiti tiŋkin nì a-pɔŋkpaaŋŋu nì a-kpabilee pu mbiim míǹ?

Exode 32:22

Ní Aarɔn kíí Mooyiisi yii: «M-dindaan, taa fōō m-pu diŋuul. Sii a-ba nyí yii dinibul nee kaa pée pɔ̄ɔ̄ tin kaa ŋān̄ee diŋál.

Exode 32:23

Bi bí-mi yii: <Mɔ́ɔ́-ti unimbɔti ubɔ ú lìntī ti-nyɔkɔpu, di sá yii Mooyiisi uninja un di nyántìń-ti Eejipiti tiŋkinee, taa nyí tin di yaa bāań-uee.>

Exode 32:7

Niinee ti-Dindaan bí Mooyiisi yii: «Sìntī malaa, di sá a-nibul din a nyántìń Eejipiti tiŋkinee bíi ŋáań ikpitikpaan.

Exode 33:3

Ní cùú kɔ́ kitiŋ kin poon nnaabiim nì tisiil còol̀ee. Ama man kaa làá nóó-ni kí cù, kun puee ni sá dinibul din pɔbil gbìfèe ní. Án làá yàntī ḿ kpɔ̀ kí céetí-ni nsanni.»

Ezéchiel 20:8

«Ama ní bi yíkìi jáń nì mi, ní kaa kíí kí pīlifiǹ-mi. Báà ubɔ kaa dū ntimbiil waaŋi ŋin nìn dátí-bee ki fá. Baa nìn dū Eejipiti waaŋee ki fá. M nìn ká nlandɔkɔ yii m làá kpáatí m-ŋuul kí sìtī bi-pu, kí ŋá kii m nín bí yii m làá ŋá puee kí cáá kátí Eejipiti tiŋkin niin.

Osée 12:13

Jaakɔb sáǹ ki cūtì Aram tantakalin. Isirayeel cūtìi túń ditundi unimpu pu. Unimpu puee, u nìn kpántì un kpàá tiwaŋkutee.

Michée 6:4

M nín nyántìń-si Eejipiti tiŋkineeyaaa, m nín dá-si ki nyántì kuyuŋuneeyaaa, m nín tú Mooyiisi nì Aarɔn nì Miiriyam bí kpòotī-see ní m yīntì ní.

Nombres 14:22

bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee,

Matthieu 24:43

Nín̄ nyímaan tiŋan yii, kudiidaan yaa bàà nyí kukúluu kun unaayuu làá dāan̄ kunyeeuee, u bàà kā ki cí ní, kí taa yàntī unaayuu ń cíĺ u-diiku.

Matthieu 24:48

Ama utɔntɔnlee yaa sá ukpitee, u làá dàkafì yii: <M-kpiliu kaa láá yàkań digitindi,>

Actes 17:29

Kii ti nín sá u-biyaamu puee, taa máaǹ kí dàkafì yii Unimbɔti sá kii awaa ŋin binib dākafì ki dū bi-ciiŋyi ki dū sindaariyab nì animbil ki mɔ́ɔ́yee, àá kii tiwaŋkpítikaalee.

Actes 19:26

Kéè, ni ká ki gbìl̄ Asii timmu kɔkɔn, an kaa sá Eefeesi ŋmaniŋma, Pɔɔl gbanti nín ŋúń ki dáaliń binib tikpil ki gíiǹní u-jandi pueeyaa! Pɔɔl ubaantee cáá yii inimbɔti in binib dū bi-ŋalii ki ŋée kaa sá inimbɔti.

Actes 7:40

Ní bi bí Aarɔn yii: <Mā-ti awaa ŋin làá nīn līī ti-nyɔkɔpuee, kun puee Mooyiisi un nyántìń-ti Eejipiti tiŋkinee, taa nyí kun di bāań-uee.>

Deutéronome 31:8

Ti-Dindaan di làá nīn līī a-nyɔkɔpu ní kí nīn bí a-cee. Waa làá yàntī-si, kaa làá dū-si kí fá mun. Míǹ puee á taa fàŋkì, kí taa yàntī a-wunti ń yɔ̀tī».

Deutéronome 9:1

Isirayeel yab, Pīlifìmaan! Ni làá dùtī Jɔɔdan buŋŋu dee. Ni làá cù kí já nì anibul ŋin sá akpaan ki jítiǹ-ni ki pɔ̄ɔǹ-nee nib ní kí fōō bi-timmu mun sá ŋkpaamu bi máń agun ki māntìi tú an fɔ̀kɔ̀ ki tin tūū kutaayee.

Deutéronome 9:9

M nìn jɔ́m̀ dijool pu kí fōoń titaŋkpapilindi tin pu ti-Dindaan nìn ŋmàn̄ mpèé ŋun u nìn yóoǹ ni nì u kansikinee marab. M nìn ŋá dijool pu niin iwiin imuŋku ili ŋwiimpu nì kunyeeu, kaa jíń tibaaa, kaa nyùn̄ tiba mun.

Josué 7:13

Yīkì kí bɔ́ntí samaa bí nīn bí circir man nì bi ń fu kpāfì. Á tùkù-bi yii bí bɔ́ntí bi-ba kí nīn bí circir kí cīití fool taaku, kun puee man ni-Dindaan Isirayeel Nimbɔtiu nín sòon̄ puee sèé: <Isirayeel yab, tiwan tin naa máaǹ kí gbēēyee tiba bí ni-cee! Ni yaa kaa nyántì tiwan gbanti ni-kansikin, naa làá ti ŋmā kí sútí kí pìl̄ ni-nannanliibi.>

2 Pierre 3:4

ní ki dāa lì-ni yii: «Kéè, Yeesu Kriisitoo pōoǹ-ni yii u gítińaaa? Kin, doooo nee, u bí la ní kaa bàń? Doooo bitiŋkpikib áli nì díǹ, waa gítìń. Doooo duulinya nín náańee, tin pée bée di gbíntìi bí nee.»