Exode 3:9 - UNIMBƆTI NYƆƆBUNDI GBƆŊKU

⁹ Isirayeel yab biilii bāań-mi, ní man m-ba ká Eejipiti yab nín bí ki sàantí-bi puee.

Exode 3:9 Iomraidhean Croise

Genèse 16:11

Ní ki gíti tí bí-u yii: «Kpèè, dipool din a cáá nee, a làá dāá màal̀ kibininjabiki ní. Á dāá pɔ̄-kì diyindi yii Isimaayeel, kun puee ti-Dindaan ká a-falaau, ki gbìl̄ a-timinsii.

Genèse 31:12

Ní ŋu bí-mi yii: <Yáatí kí kpèè, iŋɔjaa in bí ki jɔ́ḿ isalee kɔkɔ sá atan atan nì iluntoon iluntoon nì ŋmàtì ŋmati ní. M ŋá míǹ kun puee m ká Laaban nín ŋá-si puee.

2 Rois 13:4

Ama Joowakaasi nìn gbāam̀ ti-Dindaan ú sɔ̀ŋkì u-ŋuul Isirayeel yab pu ní u pílifiǹ-bi, di sá yii u nìn ká Siirii yab nín nìn wɔ́b́ Isirayeel yab puee.

2 Rois 20:5

«Gítí kí tùkù m-nibooliŋu kpootiliu Eeseekiyaasi yii: <Ti-Dindaan, a-naanja Daafiidi Nimbɔtiu nín sòon̄ puee sɔ̀. M gbìl̄ a-wimmeem ki ká a-nyinnyim. Béé yii m làá cáaǹ-si. Nì iwiin ita dal, a làá ŋmā kí fàtīí kíĺ kí nīn cáà ti-Dindaan Diikun.

Néhémie 9:9

«A nìn ká falaa un poon ní ti-naanjab nìn bí Eejipiti tiŋkinee, ki nìn gbìl̄ bi nín nìn yúl̀ Tikati mɔɔl gbandi ki kúuǹ ki yíiń-si á dāá jòoń-bee.

Psaumes 12:5

ki lì yii: «Nì ti-limbiliŋ nee, kun ti yaa lèe, see tí ká, ti nín cáá nnyɔmu nee, ubɔ kaa ti ŋūǹ kí tùkù-ti kun ti máaǹ kí ŋée.»

Psaumes 9:14

M-Dindaan, sɔ̄ m-saai! Kpèè m-nannanliibi nín bí ki sàantí-mi puee! Fīī-mi kí nyāntí ditaŋkpiilin,

Exode 1:11

Niinee ní bi lēē bikàliŋkpilib ki tɔ́ bi-pu bí tīī-bi atuun ŋin pɔ̄ɔ̄yee bí nīn tūǹ. Bi nìn yāntì bi máń Piitoom nì Ramseesi timmu mun poon bi làá nīn kpáafí Faaroo jintee.

Exode 1:22

Niinee Faaroo yóoǹ u-yab kɔkɔ mara yii: «Ni yaa ká Eebru nimpoobi ubɔ màl̄ kibininjabikee, ní fōō-kì kí cáá tɔ̄ Niil mɔɔlin. An yaa sá kibinimpubikee, ní taa kpɔ̀-kì.»

Exode 1:8

Ubɔtipɔɔn ubɔ nìn kāl̀ dibeel Eejipiti tiŋki pu, kaa pée nyí Jooseefi pu tiba.

Exode 2:23

An yúntì boonee ní Eejipiti bɔtiu dāa kpíì. Isirayeel yab nìn bí ki fátí diniindi bi-yuŋku poon ki gbáà ibiil, ní bi-kuŋkuuntii bàn̄ áli Unimbɔti cee.

Exode 2:25

Unimbɔti nìn kpēē Isirayeel yab falaau ní ki súń bi-saai.

Exode 3:7

Ní ti-Dindaan bí yii: «M ká m-nibul din bí Eejipitee falaau, ki gbìl̄ Eejipiti yab nín sàantí-bi bi gbáà ibiil iŋyee. Tiŋman m nyí falaa un bi bíi jīǹee.

Ecclésiaste 4:1

M gíti dáań ki ká mun yii diwɔ́bil bí kitiŋ pu doo tikpil. Bin bi wɔ́b̀ee bí ki gbòoǹ pɔ̀ɔɔɔ, ama ní báà ubɔ kaa bí kí ŋméeǹ-bi. Mpɔn kā bin sàantí-bee ŋaan, ní ubɔ kaa bí kí ŋméeǹ-bi.

Ecclésiaste 5:8

Ama kitiŋ kíǹ kèetī báà ŋma ní. Tikpaal kèetī ki kpáaǹ ubɔti.

Amos 4:1

Nimbi Samaarii yab nimpoobi, nimbi bin jíń ki gbīfiǹ kii Baasan tiŋkin nasaliiyee, ní pīlifìmaan tibɔti nee. Ni mùul̄ biwɔfib, ki sàantí binandambi ní ki lì ni-calib yii: «Ní cáań ndaam tí nyɔ̀!»

Deutéronome 26:7

Niinee ní ti kúuǹ ki yíiń ti-Dindaan, ti-naanjab Nimbɔtiu ní u gbìl̄ ti-neen pu, ki ká ti-falaau nì ti-gìńdi nì bi nín wɔ́b́-ti puee.

1 Samuel 9:16

«Fool ŋyunti nee deedeeyee, m làá fu yàntī Beenjameen naakookun niliu ubɔ ń dāan̄ a-cee. Á fu sìtī u-yil pu ŋkpam kí kàan̄-u m-nibul Isirayeel yab pu dibeel. U làá dāá fīī m-nibul Isirayeel yab Fiiliistii yab ŋaan. Di sá yii m ká m-nibul falaau ki gbìl̄ di-yaliŋkii.»