Exode 3:8 - UNIMBƆTI NYƆƆBUNDI GBƆŊKU

⁸ An puee m sīntìń kí fōō-bi Eejipiti yab ŋaan, kí nyāntí-bi kitiŋ nee poon kí cáá-bi kí cùnnì kitiŋ kin ŋān̄ ki sá kikpaaŋŋee poon. Kitiŋ gbanti poonee, nnaabiim nì tisiil di còol̀. Niin ní Kanaan yab nì Eeti yab nì Amɔɔr yab nì Peeriisi yab nì Eefi yab nì Jeebusi yab kóò.

Exode 3:8 Iomraidhean Croise

Genèse 11:5

Ní ti-Dindaan sīntìń kí kpèè kitiŋ nì kudifɔkɔu kun binib bí ki māāyee.

Genèse 11:7

An puee tí cù kí ŋmàlim̀ bi-sooŋyi fìkil fikil ń kɔ́, bí taa ti nín̄ gbìl̀ tɔb liŋfii.»

Genèse 15:13

Ní ti-Dindaan bí Abram yii: «Á nīn nyí tiŋan yii a-naantiibi làá dāá nīn kóò kitincaŋ kiba poon ní. Bi làá dāá dū-bi kí kpántí iyumbu kí sàaǹ-bi áli abin alaataa anaa.

Genèse 15:14

Ama m làá dāá dáaĺ ditimbundi din làá dāá cúú a-naantiibi kuyuŋuee tafal, ní boonee bí dāá nyā kitiŋ gbantin nì tigaajakpaandi.

Genèse 18:21

Man m-ba làá sìntī kí kpèè bi yaa lafun ŋáań tin bi sòon̄ m gbìl̄ee, ḿ béé, an yaa kaa tí sá mimmaaa, ḿ béé.»

Genèse 43:11

Ní bi-baa kíí-bi yii: «Too, an nín sá yii míǹ ní tí pée ŋée, ni nín làá ŋá puee sɔ̀. Ní nyàab̀maan ti-tiŋki doo wammɔntiiti tiba kii talaalub nì ikpafi nì tisiil, nì asubil ŋin bi yíì piistaasi nì amandee kí cùnnì kí pɔ̄ uninja gbanti.

Genèse 46:4

Mama m-ba di làá céeǹ-si kí cùnnì Eejipiti ní kí fàtīí gíiǹní-si. A-kúm dalee, a-jipɔɔn Jooseefi di làá cúú-si ní á sìntī.»

Genèse 50:24

Bi bí míǹ dalbee ní Jooseefi tùkū u-nabiyaamu yii: «Man làá kpú ní nee, ama Unimbɔti làá dāá pée tūtuǹ-ni. U làá dāá nyāntí-ni kitiŋ nee poon kí cáá-ni kí cùnnì kitiŋ kin u nìn pūtì ki pōoǹ yii u làá tīī Abraam nì Isaaki nì Jaakɔbee.»

1 Chroniques 1:15

nì Ifii yab nì Arkii yab nì Siinii yab,

Néhémie 9:8

A ká yii u yú nì si deedee nì dipɔbil diba, ní a pūtì ki pōoǹ-u yii a làá dū Kanaan yab nì Eeti yab nì Amɔɔr yab nì Peeriisi yab nì Jeebusi yab nì Giirgaasi yab timmu kí tīī u-naantiibi. A lafun ŋá míǹ, kun puee a sá deedeedaan.

Psaumes 12:5

ki lì yii: «Nì ti-limbiliŋ nee, kun ti yaa lèe, see tí ká, ti nín cáá nnyɔmu nee, ubɔ kaa ti ŋūǹ kí tùkù-ti kun ti máaǹ kí ŋée.»

Psaumes 12:6

Ama ní ti-Dindaan bí yii: «Bi bí ki sàantí unandaan, ní ufalaadaan tíminsí. An puee m làá dāan̄ kí fīī bin baa dū ki yíiń binibee.»

Psaumes 34:8

Ti-Dindaan tuuŋyi māntìi tú bin fàŋkí-uee, ní ki fìil̄-bi.

Psaumes 91:15

U yaa kúuǹ ki yíiń-mee, m làá kíí-u. Man m-ba làá nīn bí u-cee dinimbinaamandi poon, m làá fīī-u ní kí tīī-u tinyool.

Exode 12:41

Ŋwiin ŋun ní an sāā abin alaataa anaa nì mmuŋku nì saalaa gúlgulee ní ti-Dindaan nibul nyáń Eejipiti tiŋkin ki nóó tɔb akiti akiti kii bijanjaliibee.

Exode 12:51

Ŋwiin gbanti ní ti-Dindaan nyántì Isirayeel yab Eejipiti tiŋkin bi nóó tɔb akiti akiti kii bijanjaliibee.

Exode 13:5

Ti-Dindaan yaa cáá-ni ki kɔ́ǹ Kanaan yab nì Eeti yab nì Amɔɔr yab nì Eefi yab nì Jeebusi yab timmunee, ní dāá nīn ŋáań akoobil nee dibindi kamaa uŋmal nee poon ki tìì ti-Dindaan tinyool. Kitiŋ gbanti ní ti-Dindaan nìn pōoǹ ni-naanjab yii u làá dūú tīī-nee. Kitiŋ gbanti poon ní nnaabiim nì tisiil còol̀.

Exode 3:17

M làá nyāntí-ni kitiŋ kin poon bi bí ki sàantí-ni nee kí cáá-ni kí cùnnì kitiŋ kin poon Kanaan yab nì Eeti yab nì Amɔɔr yab nì Peeriisi yab nì Eefi yab nì Jeebusi yab kóòyee. Kitiŋ gbanti poon ní nnaabiim nì tisiil còol̀.>

Exode 34:11

«Á ŋúb́ mara un m làá yóoń-si díǹ nee tiŋan. M làá jà Amɔɔr yab nì Kanaan yab nì Eeti yab nì Peeriisi yab nì Eefi yab nì Jeebusi yab a-nimbiin.

Exode 5:23

Doooo m nín cūtì Faaroo cee ki sòon̄ a-yil puee, úǹ bí ki sàantí Isirayeel yab ní, ní sii kaa pée ŋá tiba kí fīī a-nibul.»

Esaïe 36:17

kí nīn cí ŋyunti ŋun m làá dāan̄ kí yòon̄-ni kí cùnnì kitiŋ kin bí kii ni-yaka nee poonee. Kitiŋ gbanti poonee, bilee nì ndamam bí, ní tikpaajin nì fiinyi sufii sati bí.

Esaïe 64:1

A bàà làá nīn bí kii ŋŋmi ŋun wù kimɔgbaai àá ki yàntī nnyim nùuǹee ní. Niinee a bàà làá dàkà a-nannanliibi dinimbɔticil din ní a sée. A-nimbiinee, atimbun bàà làá nīn jìkì

Jérémie 11:5

Niinee, m làá ŋá m nín nìn pōoǹ ni-naanjab puee kí tīī-bi. M nìn pōoǹ-bi yii m làá dū kitiŋ kin poon nnaabiim nì tisiil còol̀ee kí tīī-bi. Kitiŋ gbanti poon ní ni bí díǹ nee.» Ní m kíí yii: «An sá míǹ ní ti-Dindaan.»

Jérémie 2:7

M nìn cáá-ni ki kɔ́ǹ kitiŋ kin cáá ntiŋkpamee poon, ní ŋmɔ́ ki-subiliŋ kí jī ki-gaajawanti. Ama ni bàn̄ee ní ki kɔ́ǹ m-tiŋkee tijɔkɔndi, ní ki dū m-gaajawammɔntiiti ki kpántì ntimbiil wanti.

Jérémie 32:22

A nìn pūtì ki pōoǹ ti-naanjab yii a làá dū kitiŋ kin poon nnaabiim nì tisiil pùub̀ee kí tīī-bi ní a lafun ŋá míǹ.

Ezéchiel 20:6

Ŋwiin gbantee, m nìn yōoǹ m-ŋal yilpu ki pūtì kí nyāntí-bi Eejipiti tiŋkin kí cáá-bi kí kɔ́ǹ kitiŋ kin poon m nyàab̄ kí tīī-bee. Kitiŋ kin di ŋān̄ ki jítiǹ ntimu kɔkɔ nnaabiim nì tisiil còol̀ee.

Lévitique 20:24

M tùkū-ni ki síiǹ yii: <Nimbi di làá fōō bi-tiŋki, man di dū-kì ki tīī-ni. An sá kitiŋ kin poon nnaabiim nì tisiil còol̀ee ní!> Man di sá ni-Dindaan, ni-Nimbɔtiu un di gāntì nimbi inibool kɔkɔ kansikinee.

Amos 2:10

Man di nyántìń-ni Eejipiti tiŋkin, ki kpōotì-ni abin imuŋku ili kuteeun ní ŋmā kí fōō Amɔɔr yab tiŋki.

Nombres 13:18

Ní cɔ̄ŋkì kí kpèè yii kitiŋ gbanti bí mana, kí kpèè yii ki-nib pɔ̄ɔ̄yaaa, baa pɔ̄ɔ̄, kí kpèè yii ki-nib wīikáaa, baa wīikí.

Nombres 13:19

Ní kpèè yii kitiŋ gbanti ŋān̄aaa, kaa ŋān̄, kí kpèè yii bi máń agun ki māntìi tú ntimu mun poon bi kóòyeeyaaa, baa máń.

Nombres 13:27

Tin bi nìn dɔ́miń ki máafì Mooyiisee sèé: «Ti nín bàn̄ kitiŋ kin poon a tú-tee, tiŋman nnaabiim nì tisiil còol̀ ní. Kpèè abil ŋin kì lòoǹee.

Jean 3:13

Báà ubɔ kaa láá pée jɔ́m̀ yilpu, asee man Kinibiki kin nyánní yilpu ki sīntìńee.

Jean 6:38

kun puee m nyánní yilpu ki dɔ́miń kí ŋá un túnní-mee nín là puee ní, an kaa sá man m-ba nín là puee.

Deutéronome 1:25

Bi kpēē kitiŋee míǹ ki dóòyee ní ki kītì kitiŋ gbanti sufii biliŋ ki cáań ti-cee. Bi nín fātìi gítìń ti-ceeyee ní bi lī yii: «Kitiŋ kin ti-Dindaan ti-Nimbɔtiu dūu tīī-tee baasii ŋān̄ ní!»

Deutéronome 1:7

Yīkìmaan kí nīn cá Amɔɔr yab nín kóò ajoon tiŋki kinee. Nín̄ cámaan ntimu mun māntìi tú-ŋee poon, Arabaa teekun nì ajoon ŋin mun dī-kuee ni. Ní càatīmaan kí cù Seefeelaa paal pu nì Neegeeb teekun, nì kitiŋ kin dɔ̄ dimɔɔgbandee, kí bà Kanaan yab nì Leebanɔn timmun, kí cáá sāā Eefiraati buŋkpaaŋŋu.

Deutéronome 27:3

Ni yaa láa pée dūtì mbunee, ní dāá ŋmà marab nee ataŋkpee gbanti pu. Boonee ní ní dāá kɔ́ kitiŋ kin ní ti-Dindaan ni-Nimbɔtiu dūu tīī-nee poon. Kitiŋ kin ní ti-Dindaan ni-naanjab Nimbɔtiu làá dūú tīī-ni kii u nín nìn pōoǹ-ni puee poonee, nnaabiim nì tisiil di còol̀.

Deutéronome 28:11

Ti-Dindaan làá yàntī ní nīn bí digbíl poon, ní màal̀ kí bùtī, ni-waŋkuti mun ń bùtī, ní ni-kpaajinti ń lòoǹ tiŋan kitiŋ kin ti-Dindaan pōoǹ ni-naanjab yii u làá dūú tīī-nee poon.

Deutéronome 6:3

An puee, Isirayeel yab, pīlifìmaan marab gbanti kí nīn tɔ́-bi, kí ŋá bi nín bí yii ní ŋá puee. Ni yaa ŋá mimmee, án làá bútí-ni, ní ní bùtī tikpil kitiŋ kin poon nnaabiim nì tisiil còol̄ee, kii ti-Dindaan ni-baabi Nimbɔtiu nín pōoǹ-ni puee.

Deutéronome 7:1

Ti-Dindaan ni-Nimbɔtiu làá cáá-ni kí kɔ́ǹ kitiŋ kin ní ni làá fōō ki nìn kíǹ ki yèe poon. U làá jà anibul kupaau ni-nyɔkɔpu kí wàatī-ni. Anibul gbanti nyáń aluli ní ki sá akpaan ki pɔ̄ɔ̄ ki jítiǹ-ni. Ŋíǹ di sá: Eeti yab nì Giirgaasi yab nì Amɔɔr yab nì Kanaan yab nì Peeriisi yab nì Eefi yab nì Jeebusi yab.

Josué 5:6

Di sá yii Isirayeel yab nìn gbíntì kuteeun ki bí ki yìiǹ míǹ ki tin sāā abin imuŋku ili, ní bi-kansikin bin nìn nyáń Eejipiti tiŋkin ki nìn bàn̄ kí cù kujaauee kɔkɔ dāa kpíì. Kun yì-tì bi nìn kpíì mimmee di sá yii baa nìn pílifì ti-Dindaan nyɔkɔ, ní ti-Dindaan nìn pūtì yii waa làá yàntī bí ká kitiŋ kin poon nnaabiim nì tisiil còol̀ u nìn pōoǹ bi-naanjab yii u làá dūú tīī-tee.

Josué 9:1

Bibɔtiibi bin kɔkɔ nìn bí Jɔɔdan buŋgbandi ŋwìiń jeetilaŋki jandi pú ki kóò ntimu mun bí ajoon pu, Seefeelaa paalee, nì mun bí ki nóó nì Meediiteeranee tiŋkuu ki tin cáa sāā Leebanɔn tiŋki kɔkɔee nìn gbìl̄ tin jítì Aayi tiŋki puee. Niinee ní Eeti yab nì Amɔɔr yab nì Kanaan yab nì Peeriisi yab nì Eefi yab nì Jeebusi yab bɔtiibi

Josué 9:7

Ní Isirayeel yab kíí Eeti yab gbanti yii: «An yaa yíì ni kóò ki pìlīǹ-ti ní, mana ní ti nì ni ŋūǹ kí pùtī kí pòon̄ tɔb kí ŋá ubaanti?»