Exode 3:7 - UNIMBƆTI NYƆƆBUNDI GBƆŊKU

⁷ Ní ti-Dindaan bí yii: «M ká m-nibul din bí Eejipitee falaau, ki gbìl̄ Eejipiti yab nín sàantí-bi bi gbáà ibiil iŋyee. Tiŋman m nyí falaa un bi bíi jīǹee.

Exode 3:7 Iomraidhean Croise

Genèse 16:11

Ní ki gíti tí bí-u yii: «Kpèè, dipool din a cáá nee, a làá dāá màal̀ kibininjabiki ní. Á dāá pɔ̄-kì diyindi yii Isimaayeel, kun puee ti-Dindaan ká a-falaau, ki gbìl̄ a-timinsii.

Genèse 18:21

Man m-ba làá sìntī kí kpèè bi yaa lafun ŋáań tin bi sòon̄ m gbìl̄ee, ḿ béé, an yaa kaa tí sá mimmaaa, ḿ béé.»

Genèse 21:17

Niinee Unimbɔti gbìl̄ kibikee bíi sūǹ, ní u-tuuŋŋu kālìń yilpu ki yíiń Agaar ki bí-u yii: «Agaar, ba kpá-si ní? Taa fàŋkì tiba, kun puee laakin a-biki bí nee, ki-siim bàn̄ Unimbɔti.

Genèse 29:32

Leeya nìn dūu cáá dipool ki màl̄ kibininjabiki, ní ki pú-kì diyindi yii Rubeen. Di sá yii un nìn lī yii: «Ti-Dindaan ká m-falaau, kɔŋkɔnnee m-cal làá nīn kíǹ ki néeń-mi.»

Genèse 31:12

Ní ŋu bí-mi yii: <Yáatí kí kpèè, iŋɔjaa in bí ki jɔ́ḿ isalee kɔkɔ sá atan atan nì iluntoon iluntoon nì ŋmàtì ŋmati ní. M ŋá míǹ kun puee m ká Laaban nín ŋá-si puee.

Genèse 31:42

An yaa kaa sá m-baa Isaaki nì m-naanja Abraam Nimbɔtiu, Unimbɔti un m-baa Isaaki jáaḿ ki fàŋkée pu, a bàà làá yàntī ḿ nīn fàtīi gítí nì iŋaŋkulim ní. Ama Unimbɔti ká m-falaau nì m-tundi din m túńee. An pu ní fool nyeekuee, u fu sòon̄ ki kpáafì-si.»

2 Samuel 22:28

Di sá yii a fìil̄ dinibul din sīntiǹ di-ba taapuee, ama ní ki sìntīǹ bilambidambi taapu.

2 Rois 13:4

Ama Joowakaasi nìn gbāam̀ ti-Dindaan ú sɔ̀ŋkì u-ŋuul Isirayeel yab pu ní u pílifiǹ-bi, di sá yii u nìn ká Siirii yab nín nìn wɔ́b́ Isirayeel yab puee.

2 Rois 20:5

«Gítí kí tùkù m-nibooliŋu kpootiliu Eeseekiyaasi yii: <Ti-Dindaan, a-naanja Daafiidi Nimbɔtiu nín sòon̄ puee sɔ̀. M gbìl̄ a-wimmeem ki ká a-nyinnyim. Béé yii m làá cáaǹ-si. Nì iwiin ita dal, a làá ŋmā kí fàtīí kíĺ kí nīn cáà ti-Dindaan Diikun.

Néhémie 9:9

«A nìn ká falaa un poon ní ti-naanjab nìn bí Eejipiti tiŋkinee, ki nìn gbìl̄ bi nín nìn yúl̀ Tikati mɔɔl gbandi ki kúuǹ ki yíiń-si á dāá jòoń-bee.

Psaumes 106:44

Ti-Dindaan nìn ká dinimbinaamandi din poon bi bée ŋyunti ŋun ní u gbìl̄ bi-biilii puee.

Psaumes 12:6

Ama ní ti-Dindaan bí yii: «Bi bí ki sàantí unandaan, ní ufalaadaan tíminsí. An puee m làá dāan̄ kí fīī bin baa dū ki yíiń binibee.»

Psaumes 142:3

M dū m-yaliŋkii ki bíl̀ u-nimbiin, m dū m-nimbinaamandi ki bíl̀ u-nimbiin.

Psaumes 145:19

Bin fàŋkí-uee yaa là kuŋyee, u ŋáań ki tìì-bi ní, u pílifí bi-biilii ní ki fìil̄-bi.

Psaumes 22:24

Nimbi bin tɔ́ ti-Dindaan ki jáaḿ-uee, ní nyɔ̄ŋkì-u! Nimbi Jaakɔb naantiibi kɔkɔ, ní tīī-u tinyool! Nimbi Isirayeel yab kɔkɔ, ní fàŋkì-u.

Psaumes 34:4

Kūtìmaan m-pu tí lì yii u sá ukpaan. Càmaan dicilpuee tí yòon̄ u-yindi yilpu.

Psaumes 34:6

Bin kpèé u-watil púee bí dipɔɔpindin, icoo pée gíti kpá kí jī-bi.

Psaumes 35:22

Ama sii ti-Dindaan ká tin jítèe, taa nín̄ kā ki ŋmí. Ti-Dindaan, taa nín̄ dátiǹ-mi.

Psaumes 9:14

M-Dindaan, sɔ̄ m-saai! Kpèè m-nannanliibi nín bí ki sàantí-mi puee! Fīī-mi kí nyāntí ditaŋkpiilin,

Exode 1:11

Niinee ní bi lēē bikàliŋkpilib ki tɔ́ bi-pu bí tīī-bi atuun ŋin pɔ̄ɔ̄yee bí nīn tūǹ. Bi nìn yāntì bi máń Piitoom nì Ramseesi timmu mun poon bi làá nīn kpáafí Faaroo jintee.

Exode 1:8

Ubɔtipɔɔn ubɔ nìn kāl̀ dibeel Eejipiti tiŋki pu, kaa pée nyí Jooseefi pu tiba.

Exode 22:23

kí fōō diŋuul ni-pu, ní kí yàntī bí kpɔ̀-ni kujaaun. Niinee ni-nimpoobi làá kpántí bikpiipoobi ní ni-biyaamu ń kpántí ataŋkpiibil.

Exode 33:13

Míǹ puee m yaa lafun ká diyimɔɔl a-cee, á yàntī ḿ béé a-landɔkɔi nín sá puee. Mimmee m làá béé-si tiŋan ní kí páatí diyimɔɔl gbanti pu. Á nīn nyí yii ditimbundi nee sá a-nibul ní.»

Exode 5:10

Bikàliŋkpilibee nì bitɔntɔŋkpilibee nyáń Faaroo ceeyee ní ki cūtì ki bí Isirayeel yab yii: «Faaroo bí yii bí taa ti tīī-ni timool.

Exode 5:6

Yaadal wiiŋŋu ní Faaroo tīī Eejipiti kàliŋkpilib nì Isirayeel yab tɔntɔŋkpilib mara nee yii:

Esaïe 63:9

Bi-nimbinaamandi kamaa poonee, an kaa nìn sá ntuun ŋubɔ di fīī-bi, ama ti-Dindaan u-ba di nìn fīī-bi. U-neendi nì u-saasɔl poonee, u nìn fīī-bi ki líì. U nìn yōoǹ-bi ki túǹ kii iyunti in nìn jítèe poonee.

Nombres 20:16

Ti kúuǹ ki yíiń ti-Dindaan ú jòoń-ti ní u gbìl̄ ti-kuŋkuuntii pu, ní ki túnní u-tuuŋŋu dɔ́miń ki nyántì-ti Eejipiti tiŋkin. Di sá kɔŋkɔnnee ti dūu bāań Kadeesi, a-tiŋki kpaanyɔkɔ.

Actes 7:34

M ká ki gíti ká falaa un poon ní m-samaau bí Eejipitee, ki gbìl̄ bi-yaliŋkii mun pu, ní m kpákatìń kí fīī-bi. Kɔŋkɔnnee, nín̄ cá, m làá tɔ̄-si Eejipiti.>

Hébreux 4:15

Kun puee timbi saraaŋakpiliuee sá un nyí ti-wɔfii ki sūǹ ti-saayee. Di sá yii u gíiǹ u-ba kii timbee ní, nniyaamin, ní ki béè iwɔsɔfi, ní Sitaan cɔ́ŋkì-u ama waa lítì ikpitin.

1 Samuel 9:16

«Fool ŋyunti nee deedeeyee, m làá fu yàntī Beenjameen naakookun niliu ubɔ ń dāan̄ a-cee. Á fu sìtī u-yil pu ŋkpam kí kàan̄-u m-nibul Isirayeel yab pu dibeel. U làá dāá fīī m-nibul Isirayeel yab Fiiliistii yab ŋaan. Di sá yii m ká m-nibul falaau ki gbìl̄ di-yaliŋkii.»