Exode 3:6 - UNIMBƆTI NYƆƆBUNDI GBƆŊKU

⁶ Man di sá a-baa Nimbɔtiu, Abraam nì Isaaki nì Jaakɔb Nimbɔtiu.» Niinee Mooyiisi fātì u-nimbiin, kun puee u nìn fāŋkì kí kpèè Unimbɔti.

Exode 3:6 Iomraidhean Croise

Genèse 12:1

Dalbee ní ti-Dindaan bí Abram yii: «Yīkì a-tiŋki pu, a-tincaliiki yab kansikin nì a-baa cindin kí nīn cá kitiŋ kin poon m làá dàkà-see.

Genèse 12:7

Ní ti-Dindaan nyántì u-ba ki dàkā Abram ki lī yii: «A-niboolii ní m làá dāá dū kitiŋ nee kí tīī.» Ní Abram máń nsaraafan niin ki tīī ti-Dindaan un nìn nyántì u-ba ki dàkā-uee.

Genèse 17:3

Ní Abram tātìi dōoǹ dicincibil, ní Unimbɔti bí-u yii:

Genèse 24:12

Ní u mēē yii: «Ti-Dindaan, m-kpiliu Abraam Nimbɔtiu, m gbāam̀-si, dàkà m-kpiliu Abraam a-ŋanti kí yàntī ḿ ká kun m nyàab̀ee díǹ.

Genèse 26:24

Kunyeeu gbantee ní ti-Dindaan nyántì u-ba ki dàkā-u ní ki bí-u yii: «Man di sá a-baa Abraam Nimbɔtiu. Á taa fàŋkì, m bí a-cee. M làá bìin̄ a-boon kí bùtī a-maaliŋu m-tɔntɔnliu Abraam pu.»

Genèse 28:13

U kpēēyee, ti-Dindaan yú ki kɔ́ĺ-u ní ki bí-u yii: «Man di sá a-Dindaan a-naanja Abraam Nimbɔtiu nì a-baa Isaaki Nimbɔtiu. Kitiŋ kin pu a dɔ̄ nee, m làá dāá dū-kì kí tīī sii nì a-naantiibi ní.

Genèse 28:17

U fāŋkì ní ki lī yii: «Mpaan nee kaa cáá tinaacin. Doo di sá Unimbɔti diiku tiŋman, yilpu punyɔkɔki dee.»

Genèse 31:42

An yaa kaa sá m-baa Isaaki nì m-naanja Abraam Nimbɔtiu, Unimbɔti un m-baa Isaaki jáaḿ ki fàŋkée pu, a bàà làá yàntī ḿ nīn fàtīi gítí nì iŋaŋkulim ní. Ama Unimbɔti ká m-falaau nì m-tundi din m túńee. An pu ní fool nyeekuee, u fu sòon̄ ki kpáafì-si.»

Genèse 32:9

Di sá u dākafì yii: «Eesayuu yaa bāań ki kūū dikitil dibee, dikitil din kíǹee ń sāǹ kí ŋmátí.»

1 Rois 18:36

Ŋyunti ŋun bi ŋáań kuwiŋkuluu saraauee bàn̄ee ní Unimbɔti bɔnaatiliu Eelii sútìi pìl̄ nsaraafan ní ki bí yii: «Ti-Dindaan Abraam nì Isaaki nì Jaakɔb Nimbɔtiu, yàntī bí béé díǹ yii sii di sá Isirayeel Nimbɔtiu ní man sá a-tɔntɔnliu, ní sii di bí yii ḿ ŋá tin kɔkɔ m ŋá nee.

1 Rois 19:13

Ŋyunti ŋun Eelii gbìl̄ nneenee puee ní u dū u-bɔkutikpaandi ki bīiǹ u-nimbiin, ní ki nyáń ki sí ntaŋkpalɔkɔee nyɔkɔpu. Niinee ní nneen ŋubɔ gíti sòon̄ nì u yii: «Eelii, ba ní a ŋáań doo ní?»

Néhémie 9:9

«A nìn ká falaa un poon ní ti-naanjab nìn bí Eejipiti tiŋkinee, ki nìn gbìl̄ bi nín nìn yúl̀ Tikati mɔɔl gbandi ki kúuǹ ki yíiń-si á dāá jòoń-bee.

Esther (hébreu) 3:4

Bi pée dāantí tibɔbaantiil gbanti ní ki tùkù Maardoosee ní waa fātìi tɔ́. Ní u bí-bi yii úǹ sá ujuudaja ní. An pu ní bi dūu tùkū Amaani kí kpèè u yaa làá nīn gbíntì ki ŋáań míǹ.

Psaumes 132:2

Daafiidi di nìn pūtì ki pōoǹ ti-Dindaan, Jaakɔb Nimbɔtikpaaŋwu yii:

Exode 15:2

Ti-Dindaan di sá man pɔŋŋu, úǹ ní m làá nīn gà ilan ki nyɔ́ŋkí. Úǹ di fīī-mi, úǹ di sá m-Nimbɔtiu, m làá nīn nyɔ́ŋkí-u. Úǹ di sá m-baa Nimbɔtiu, m làá yòon̄ u-yindi yilpu.

Exode 29:45

M làá dāá nīn kóò Isirayeel yab kansikin, ní kí nīn sá bi-Nimbɔtiu.

Exode 3:16

Kɔŋkɔnnee, cù kí kpāfì Isirayeel kpilib, kí tùkù-bi yii ni-Dindaan ni-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu nyántì u-ba ki dàkā-si ní ki tùkū-si yii: <M ká Eejipiti yab nín bí ki sàantí-ni puee, kɔŋkɔnnee m làá fīī-ni.

Exode 33:20

Ama aa ŋūǹ kí wāl̀-mi nì a-nimbiliŋ yéè kpìrrr, di sá unil kaa ŋūǹ kí wāl̀-mi ki gbíntìi bí dimaŋfalin.»

Exode 4:5

Ní ti-Dindaan bí Mooyiisi yii: «A nín làá ŋá tin kí dàkà Isirayeel yab yii man bi-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu nyántì u-ba ki dàkā-see dee.»

Jérémie 24:7

M làá dāá tīī-bi dipɔbil din làá yàntī bí béé yii man di sá bi-Dindaanee. Bi làá nīn sá m-nibul, ní man ń nīn sá bi-Nimbɔtiu, di sá yii bi làá fàtīí gítiń m-cee nì bi-pɔbil kɔkɔ.

Jérémie 31:33

Ti-Dindaan bí yii: «Dipoompɔndi din m làá dāá líí Isirayeel yab ŋwiin gbantee sɔ̀. M làá dāá dū m-marab kí ŋmà kí ŋá bi-landɔkɔyin, kí ŋmà-bi kí ŋá bi-pɔbilin. Man làá dāá nīn sá bi-Nimbɔtiu ní bíǹ ń nīn sá m-nibul.

Jérémie 32:38

Niinee bi làá fàtīí nīn sá man nibul, ní man ń nīn sá bi-Nimbɔtiu.

Ezéchiel 11:20

Án nín làá ŋá pu ní nóó m-bɔkpaaŋi kí nīn ŋúb́ m-koobiliŋ kí ŋá kii ŋi nín bí yii ní ŋá puee. Ni làá nīn sá m-nibul ní man ń nīn sá ni-Nimbɔtiu.

Zacharie 8:8

M làá gíiǹní-bi bí nīn kóò Jeerusaleem tiŋkin. Bi làá dāá nīn sá man nibul, ní man ḿ dāá nīn sá bi-Nimbɔtiu ki ŋúb́-bi ibaamɔn nì deedee poon.»

Matthieu 17:6

U-boonnooliibi nín gbìl̄ an sòon̄ní mimmee ní bi fāŋkì tikpil ki lítì dicincibil,

Matthieu 22:32

<Man di sá Abraam Nimbɔtiu, ki sá Isaaki Nimbɔtiu, ki sá Jaakɔb mun Nimbɔtiu.> Unimbɔti yaa bí yii u sá bin kpíìyee Nimbɔtiuee, mimmee an dàkà yii úǹ ceeyee, bíǹ kɔkɔ kaa kpíì dee.»

Marc 12:26

An yaa kíǹ bitaŋkpiibi fìkititamee, naa kàan̄ Mooyiisi nín ŋmàn̄ pu u-gbɔŋkuneeee? Laakin sòoǹ tin jítì kikuŋkumbiki caŋinee, Unimbɔti nìn lī-u yii: <Man di sá Abraam Nimbɔtiu, Isaaki Nimbɔtiu nì Jaakɔb Nimbɔtiu.>

Luuki 20:37

Mooyiisi nìn ŋmàn̄ ki cántì yii bitaŋkpiibi làá dāá fìkitī, laakin u sòoǹ kisugbooi kin nìn fōō ŋŋmee bɔtee. U nìn yíiń ti-Dindaan yii: <Abraam Nimbɔtiu, Isaaki Nimbɔtiu, Jaakɔb Nimbɔtiu.>

Luuki 5:8

Siimɔn Peetroo nín ká mimmee, ní u dɔ́miń ki gbāaǹ Yeesu nimbiin ní ki bí-u yii: «M-Dindaan, sútí kí wàatī-mi, kun puee man sá unikpiti ní.»

Actes 7:32

<Man di sá a-naanjab Nimbɔtiu, Abraam nì Isaaki nì Jaakɔb Nimbɔtiu!> Ní Mooyiisi wunti kíǹ ki bíi jìkì, ní waa ti là kí kpèè niin.

Actes 7:34

M ká ki gíti ká falaa un poon ní m-samaau bí Eejipitee, ki gbìl̄ bi-yaliŋkii mun pu, ní m kpákatìń kí fīī-bi. Kɔŋkɔnnee, nín̄ cá, m làá tɔ̄-si Eejipiti.>

Deutéronome 6:3

An puee, Isirayeel yab, pīlifìmaan marab gbanti kí nīn tɔ́-bi, kí ŋá bi nín bí yii ní ŋá puee. Ni yaa ŋá mimmee, án làá bútí-ni, ní ní bùtī tikpil kitiŋ kin poon nnaabiim nì tisiil còol̄ee, kii ti-Dindaan ni-baabi Nimbɔtiu nín pōoǹ-ni puee.

Hébreux 11:16

Ama ibaamɔnee, bi nìn baasii nyàab̀ kitimmɔntii ní, an dàkà yii yilpu tiŋki. An pu ní bi nín yíì Unimbɔti yii bi-Nimbɔtiuee, an kaa cáá-u icoo, kun puee u bɔ́ntì-bi kitiŋ ki yóoǹ yilpu.

Hébreux 12:21

An nìn cáá dipɔɔbiildi kaa bí ŋkpèé, áli Mooyiisi u-ba bí yii: «M fāŋkì yɔ́kɔ́ yɔkɔ.»

Apocalypse 1:17

M nín ká mimmee ní m lítì ki kíǹ ki dɔ̄ u-taaŋi taapu kii m kpíìyee, ní u dū u-ŋaŋgiil ki páaǹ m-pu ní ki bí-mi yii: «Taa fàŋkì! Man di sá upeepeekaa ní ki sá ujoolkaa.

Juges 13:22

Ní Manoowa bí u-nimpuu yii: «Ti nín pée ká Unimbɔti nì ti-nimbiliŋ nee, ti làá pée kpú ní.»